ဒီဇင်ဘာ ၂၂ ရက်နေ့မှာ တိုင်းပြည်နှင့် လူမျိုးအတွက် အသက်ပေးသွားခဲ့ရသော ကျောင်းသားခေါင်းဆောင် ဗိုလ်အောင်ကျော်ကို ပြန်လည် အမှတ်ရစေသော အားဖြင့် ဗိုလ်အောင်ကျော်၏ အကြောင်းဆောင်းပါးကို ပြည်သူ့ခေတ် ဂျာနယ်မှ တင်မိုးဆွေ ရေးသားသော ဆောင်းပါးလေးအား ပြန်လည် ရေးသား မျှဝေ ဖော်ပြပေးလိုက်ရပါတယ်။
ဗိုလ်အောင်ကျော်သည် ၁၃၀၀ ပြည့်အရေးတော်ပုံခေတ်က တိုင်းပြည်နှင့် လူမျိုးအတွက် အသက်နှင့် လဲသွားသော ကျောင်းသားခေါင်းဆောင် တစ်ယောက် ဖြစ်သည်။ အမည်ရင်းမှာ ကိုအောင်ကျော် ဖြစ်သော်လည်း အာဇာနည် ခေါင်းဆောင် တစ်ယောက်အနေနှင့် ဗိုလ်အောင်ကျော် ဟု ခေါ်ကြသဖြင့် ထိုအမည်နှင့်ပင် မြန်မာ့ သမိုင်းတွင် ထင်ရှားကျော်ကြားခဲ့သည်။
ကိုအောင်ကျော်ကို မြန်မာသက္ကရာဇ် ၁၂၇၇ ခုနှစ် တပို့တွဲလဆုတ် ၉ ရက် တနင်္ဂနွေနေ့တွင် ဟင်္သာတခရိုင် မဲဇလီကုန်း၊ ရုံးဇင်ရွာတွင် အဖ အလယ်တန်းကျောင်းဆရာကြီး ဦးကျော်ဒင်၊ အမိ ဒေါ်ရွှေကျော့တို့မှ ဖွားမြင်သည်။ ညီအစ်ကို မောင်နှမ တစ်ကျိပ် တစ်ယောက် ရှိသည့် အနက် အဠမမြောက် မွေးဖွားခဲ့သူ ဖြစ်သည်။ မွေးချင်းပေါက် ဖော်များမှာ ဖခင်ကြီးကဲ့သို့ ကျောင်းဆရာ ဆရာမ များသာ ဖြစ်ကြသည်။ ကိုအောင်ကျော် သည် ဖခင်ကြီး၏ အလယ်တန်းကျောင်းတွင် သူငယ်တန်းမှ စ၍ ခြောက်တန်းအထိ ပညာဆည်းပူးခဲ့သည်။
ထို့နောက် အမျိုးသား ကျောင်းများ ပေါ်ပေါက်လာချိန်တွင် ဇာတိရုံးဇင်ရွာနှင့် တစ်မိုင်ခန့် ဝေးသော မဲဇလီင်္ကုန်းရှိ အမျုိးသား အလယ်တန်းကျောင်းသို့ ပြောင်းရွှေ့ကာ အင်္ဂလိပ်မြန်မာ နှစ်ဘာသာပညာ သင်ယူသည်။ ထိုကျောင်းမှပင် ကိုအောင်ကျော်သည် အမျိုးသားစိတ် ဗီဇကို ရရှိခဲ့သည်ဟု ဆိုရပေမည်။
မဲဇလီကုန်းမြို့ အမျိုးသား အလယ်တန်းကျောင်းမှ သတ္တမတန်း အောင်မြင်ပြီးနောက် ဟင်္သာတမြို့ရှိ ဒေါက်တာ ကမ်းမင်း အထက်တန်းကျောင်းတွင် မိဘဆွေမျိုးများ၏ ဆန္ဒအရ အထက်တန်းပညာများကို ဆက်လက် သင်ယူခဲ့သည်။
ယင်းသို့ အနောက်တိုင်းဆန်သူများ နေလေ့ရှိသော ကျောင်းတွင်ကိုအောင်ကျော်အတွက်မျက်စိနောက်စရာများနှင့် သာ တွေ့နေရသဖြင့် ထိုဓလေ့ထုံးစံများကို သရော်သည့်အနေဖြင့် ကိုအောင်ကျော်သည် ခုံဖိနပ်စီး၊ ပင်နီတိုက်ပုံဝတ်၊ ကတုံးဆံထောက်ညှပ်၊ ဘုကျကျ၊ ခွကျကျ နေထိုင်ခဲ့သည်။ သို့ရာတွင် ပညာရေးဘက်၌မူ ထူးချွန်သူဖြစ်သဖြင့် ၁၉၃၄ ခုနှစ်တွင် ဆယ်တန်း စာမေးပွဲကို အောင်မြင်ခဲ့လေသည်။
ဆရာများ၏ ဆုံးမစကားကို နာယူတက်သူ တစ်ယောက် ဖြစ်သဖြင့် ကိုအောင်ကျော်သည် ဟင်္သာတကျောင်းမှ ဆရာများ၏ လမ်းညွှန်မှုအရ ၁၉၃၄-၃၅ ပညာသင်နှစ်တွင် ဂျပ်ဆင်ကောလိပ် တက်ရောက် ပညာသင်ယူခဲ့သည်။ မြန်မာဘာသာ၊ စီးပွားရေး ပညာရပ်တို့ကို ယူ၍ တက္ကသိုလ် ပညာကို သင်ယူခဲ့ရာ မြန်မာစာပေတွင် ထူးချွန်သဖြင့် မြန်မာစာ ကထိက ဦးထွန်းဖေက မြန်မာစာဂုဏ်ထူးယူရန် တိုက်တွန်းခဲ့သည်။
အမျိုးသားစိတ်ဓာတ် ပြင်းထန်သော ကိုအောင်ကျော်သည် ကောလိပ်ကျောင်းမှ အနောက်တိုင်းဆန်ဆန် ပွဲသဘင်များကို မျက်စိစပါးမွေး စူးခဲ့သည်။ ကပွဲသဘင် အခမ်းအနားများသို့ ခုံဖိနပ်စီး၍ ဝင်ခြင်း ပွဲသဘင်အခန်းမှ တစ်ယောက်တည်း ဆန့်ကျင်၍ ထွက်ခဲ့ခြင်းများ လုပ်ခဲ့လေသည်။ အမျိုးသားစိတ်ဓာတ်ကို အမူအရာနှင့်သာမက အဟောအပြောတို့နှင့်လည်း ပြသခဲ့သည်။ ပါတော်မူနေ့နှင့် အမျိုးသားအောင်ပွဲနေ့များသို့ ရောက်တိုင်း လိုလိုပင် ကိုအောင်ကျော်သည် မိမိမြို့နယ်သို့ အမျိုးသား လှုံ့ဆော်ရေးတရားများ သွားရောက် ဟောပြောခြင်း၊ စာကြည့်တိုက်များ ဦးစီးဖွင့်လှစ်ပေးခြင်း၊ စကားရည်လုပွဲများ၊ စောပြောပွဲများကို လုပ်ကိုင်နိုင်ရန် စီးစဉ်ပေးခြင်းများ ပြုလုပ်ပေးခဲ့သည်။ တစ်ခါတစ်ရံ ကျောင်းပိတ်ရက် အတွင် ခရမ်း၊ သုံးခွဘက်သို့ စည်းရုံးရေး ဆင်းနေရသည့်အခါ နေရင်းရပ်ရွာရှိ မိတ်ဆွေ သူငယ်ချင်းများထံ သူကိုယ်တိုင် မလာရောက်နိုင်သဖြင့် မည့်သည့် လုပ်ငန်းစဉ်များ လုပ်ဆောင်သင့်ကြောင်း အကြံပေး စာများရေးသားပေးပို့ခဲ့သည်။
ပါတော်မူနေ့ တစ်ရက်တွင် ကိုအောင်ကျော်သည် ဂျပ်ဆင်ကောလိပ် ကြော်ငြာသင်ပုန်းတွင် နယ်ချဲ့တော်လှန်ရေး ဆောင်းပါးအနေဖြင့် ``ဤနေ့ရောက်တိုင်း နိုင်ငံခြားသားများကို စိတ်နာသည်၊ ဤနေ့တွင် နိုင်ငံခြားသားများနှင့် အလိုတော်ရိများကို စကားမပြောလို`` စသည်ဖြင့် မင်နီဖြင့် ရေးသားကာ ကပ်ထားခဲ့ဖူးသည်။
၁၉၃၈ ခုနှစ် ဇူလိုင်လတွင် ကုလားဗမာ အဓိကရုဏ် ဖြစ်ပွားစဉ်အခါက ကိုအောင်ကျော်၏ ဇာတိမြို့ကလေးတွင်လည်း ဖြစ်ပွားသဖြင့် အဖမ်းခံရသူအများအပြားရှိခဲ့သည်။ ထိုစဉ် ကိုအောင်ကျော်သည် ဟင်္သာတသို့ရောက်လာကာ ဟင်္သာတဦးမြ၊ ပါလီမန်အမတ် ဦးဟိန်တို့နှင့် တိုင်ပင်၍ ဟင်္သာတထောင်သို့ ဝင်ရောက် ကြည့်ရျုပြီး အဖမ်းအဆီးခံနေရသူများကို အားပေးစကား ပြောဆိုခဲ့သည်။ ၁၃၀၀ ပြည့်အရေးတော်ပုံ မတိုင်မီကိုအောင်ကျော်သည် ကျောင်းသားခေါင်းဆောင် သမဂ္ဂ ဒုတိယဥက္ကဠ ကိုလှရွှေ၊ ကိုသိန်းအောင်တို့နှင့်အတူ မဲဇလီကုန်းသို့ ရောက်ရှိလာပြီး ကျောင်းသားများ သပိတ်မှောက်ရေးကို လှုံ့ဆော်ခဲ့သည်။
၁၃၀၀ ပြည့် အရေးတော်ပုံတွင် ကိုအောင်ကျော်သည် ကျောင်းသားသမဂ္ဂ အမှုဆောင်တစ်ဦးဖြစ်သဖြင့် အရေးတော်ပုံအတွက် မအားမလပ်အောင် ဆောင်ရွက်ခဲ့ရသည်။ ရေနံမြေ သပိတ်မှောက် အလုပ်သမားများအား ဆူပူအောင် လှုံ့ဆော်ဟောပြောမှုဖြင့် တက္ကသိုလ် သမဂ္ဂ ဥက္ကဠကိုဗဟိန်းနှင့် အတွင်းရေးမှူး ကိုဗဆွေတို့အား အစိုးရက ဖမ်းဆီးလိုက်သည့်အခါ ၁၉၃၈ ခုနှစ် ဒီဇင်ဘာလ ၁၃ ရက် ညတွင် ရန်ကုန်တက္ကသိုလ် သမဂ္ဂ အသင်းတိုက်၌ ကိုအောင်ကျော် အပါအဝင် အမှုဆောင်အဖွဲ့သည် ဆွေးနွေးတိုင်ပင်ပြီးနောက် ရန်ကုန်နှင့် မကွေးတွင် ထုတ်ထားသော ပုဒ်မ ၁၄၄ ကို ရုပ်သိမ်းပေးရန်နှင့် ဖမ်းဆီးထားသော ကျောင်းသား ခေါင်းဆောင်များကို ပြန်လွှတ်ပေးရန် အစိုးရထံ တောင်းဆိုခဲ့သည်။ သို့ရာတွင် တောင်းဆိုချက်များ မရသဖြင့် ဒီဇင်ဘာ ၁၅ ရက်နေ့တွင် ရန်ကုန်ရှိ ကျောင်းပေါင်းစုံ မှ ကျောင်းသားများ သည် မြို့မကျောင်းဝင်းအတွင်း စုရုံးပြီးနောက် ပုဒ်မ ၁၄၄ ကို ကန့်ကွက်သည့်အနေနှင့် စီတန်း လမ်းလျှောက် ဆန္ဒပြကြသည်။ ထိုသို့ စီတန်းလမ်းလျှောက် ဆန္ဒပြရာတွင် ကိုအောင်ကျော်သည် ဦးဆောင်အဖွဲ့တွင် ပါဝင်ပြီး ကြွေးကြော်သံများကို ရှေ့မှတိုင်၍ လိုက်ပါခဲ့သည်။
ထိုသို့ ဆန္ဒပြ၍ တောင်းဆိုချက်များကို အစိုးရက မလိုက်လျောသဖြင့် အစိုးရ အုပ်ချုပ်ရေး ကြိုးကိုင်ရာဖြစ်သော အတွင်းဝန်ရုံးကြီးကို ဝိုင်း၍ အာဏာဖီဆန်သည့် သဘောနှင့် ဆန္ဒပြရန် ဆုံးဖြတ်ကြလေသည်။ ဆုံးဖြတ်ချက်အတိုင်း ဒီဇင်ဘာ ၂၀ ရက်နေ့ နံနက်တွင် ကျောင်းပေါင်းစုံမှ ကျောင်းသား တစ်သောင်းကျော်နှင့် အတွင်းဝန်ရုံးကို ဝိုင်း၍ ဆန္ဒပြကြရာ ကိုအောင်ကျော်က သူရိယသတင်းစာတိုက်ဘက် အတွင်းရုံး အဝင်ပေါက်ဘက်၌ ကျောင်းသား ကျောင်းသူများနှင့် ဆန္ဒပြ သပိတ်ထားရာ၌ ခေါင်းဆောင်ရလေသည်။ ယင်းသို့ ဆန္ဒပြသပိတ်ထားရာ နေ့လယ် ၁ နာရီခန့်တွင် အတွင်းဝန်ရုံးကြီးသည် ဘာမျှလုပ်၍ မရသဖြင့် ရုံးကြီးကို ပိတ်လိုက်ရသည်။
ထိုအခါ ကျောင်းသားများ တပ်ခေါက်ပြန်မည်အပြုတွင် လက်နက်ဟူ၍ အပ်တစ်ခေါင်းမျှ မပါသော ကျောင်းသားများအား နယ်ချဲ့ လက်ပါးစေ ပုလိပ်များက နံပါတ်တုတ်ဖြင့် အတင်းဝင်ရောက် ရိုက်နှက်ရာ ကိုအောင်ကျော် အပါအဝင် ကျောင်းသား ကျောင်းသူ ၂၀၀ ကျော် ဒဏ်ရာရရှိခဲ့သည်။ ကိုအောင်ကျော်၏ ဒဏ်ရာသည် ပြင်းထန်သဖြင့် ဒီဇင်ဘာလ ၂၂ ရက်နေ့ မွန်းလွဲ ၂ နာရီတွင် ရန်ကုန် ဆေးရုံကြီး၌ သူချစ်မြတ်နိုးလှသော တိုင်းပြည်နှင့် လူမျိုးကို စွန့်ခွာသွားရလေသည်။
ကိုအောင်ကျော်၏ ဈာပနသည် မြန်မာတစ်နိုင်ငံလုံးအား တပ်လှန့်နှိုးသကဲ့သို့ နိုးကြားမှုကို ဖြစ်စေသည်။
``အသက်သေချင်သေပါစေ၊ နောက်လူများ အတုယူဖွယ် အလုပ်တစ်ခုကို လုပ်ပြချင်သည်``ဟု ပြောခဲ့ဖူးရာ ကိုအောင်ကျော်၏ ဆန္ဒကား ပြည့်ဝခဲ့သည်ဟု ဆိုရပေမည်။
ကိုအောင်ကျော်သည် အမျိုးသား စိတ်ပြင်းထန်ရုံမျှမက စာပေဘက်၌လည်း ဝါသနာထုံသူဖြစ်သည်။ ကောလိပ်ကျောင်းရောက်၍ မကြာခင်မှာပင် စာရေးဆရာကြီး မဟာဆွေနှင့် ခင်မင် ရင်းနှီးသွားခဲ့သည်။ စာရေးဆရာကြီး မဟာဆွေနှင့် စာပေရေးရာများကို အမြဲတမ်း သွားရောက် ဆွေးနွေးလေ့ ရှိသည်။ တစ်နေ့တွင် မဟာဆွေက သူရိယမဂ္ဂဇင်းတွင် သူရေးသော ``ထောင်ကျချင်သူ`` ဝတ္ထုအကြောင်း ပြောဆိုရာ ကိုအောင်ကျော်က မဟာဆွေအား ဆရာကြီး ရေးတဲ့ ဝတ္တုကို အင်္ဂလိပ်လို ဖတ်ဖူးကြောင်း ပြောလိုက်သဖြင့် မဟာဆွေက အင်္ဂလိပ် ဝတ္တုတစ်ပုဒ်ကို မှီးထားကြောင်း ဝန်ခံရဖူးလေသည်။
ကိုအောင်ကျော် ကိုယ်တိုင်လည်း ဂန္ထလောက မဂ္ဂဇင်းတွင် အောင်ကျော် အမည်နှင့် စာတိုပေစများ ရေးသားခဲ့ဖူးသည်။
ဂျပ်ဆင်ကောလိပ် ကျောင်းတိုက် မဂ္ဂဇင်းတွင်လည်း စာပေဆောင်းပါး ကဗျာများ ရေးသားခဲ့သည်။ ကိုအောင်ကျော်သည် နိုင်ငံရေးစာပေများကို အမြဲမပြတ် ဖတ်ရှုသူ တစ်ဦးလည်း ဖြစ်သည်။
ဗိုလ်အောင်ကျော် နဲ့ ပတ်သတ်တဲ့ သီချင်းစာသားလေးများကို ရှာဖွေ ဖော်ပြပေးလိုက်ပါတယ်။ သီချင်း အသံဖိုင်ကိုတော့ အင်တာနက်မှာလည်း ရှာဖွေလို့ မတွေ့တဲ့ အတွက်ကြောင့် စာသားလေးများကိုပဲ သီချင်းသံစဉ် ပုံစံဖြင့် သီဆို နိုင်ကြပါသည်။
ဗိုလ်အောင်ကျော်သီချင်း
(အို ဆိုးတဲ့ကြမ္မာ ကိုယ်ကျိုးတွက်မပါ သယ်ပိုးရွက်ရာ၊ သနားသနော် နေမျိုးသီဟသူကျော် ရဲဘော် ရဲဘော် တို့ရဲဘော်။ )၂
တားဆီးချုပ်ချယ် တတိုင်းလုံးညှိုးငယ်၊ ပြုပလေ ထုချေ ဥပဒေအတွက်ကယ် ရက်စက်ပါပေ့နော်။ အိုရဲဘော် တို့ရဲဘော် ကျနော်တို့ရဲ့ရဲဘော် ဘဒ္ဒကမ္ဘာမြေ ကမ္ဘာမကြေ ကြွေးကြော် နောင်ဥဒါန်း မကြေနိုင်သနော် ရဲဆုပန်ခဲ့သသော်။
ခေါင်းဆောင်လမ်းပြ ဗိုလ်အောင်ကျော် အသက်တောင် မမက်ပေါင် စွန့်စားသနော်၊ တို့တတွေ မကျေချမ်းနိုင်ဘူးနော်။ ။
အာဇာနည် ကိုအောင်ကျော်
ကျောင်းသားတို့အပေါ်ကောင်းစားဖို့မျှော်၊ ကြိုးစားတဲ့ ကိုအောင်ကျော်၊ သတ်ပုတ်ခိုင်းတဲ့ မောင်ဘမော်၊ ဗမာပြည်ကြီးအရေးတော် သူက ဖိစီးနေသေးသနော်၊ ဒဏ်ရာရအောင် တို့ကျောင်းတော် တပ်ကို သတ်ဖြတ်လိုက်တဲ့ ရွှေဉာဏ်တော်၊ ပုလိပ်များနဲ့ စခန်းသွားတဲ့ ဘမော်၊ ရာထူးဂုဏ်ခုံမင်လို့ပဲ မှတ်တော့နော်။
မောင်ဘမော် နန်းရင်းဝန်ကို ဒီရာထူး ပြုကျလေအောင် ကြိုးစားကြပါ အဆွေတော်၊ တို့ ရဲဘော် အပေါင်း အဖော်တွေ ကိုအောင်ကျော် သတ္တိဂုဏ်ကို ချီးကျူးမမေ့နဲ့နော်၊ ပုဒ်မပုဒ်ထီးများကို ထုတ်ဖော်၊ ဘမော်ဘဦးတို့က ရှုပ်သနော်။ တိုင်းသူပြည်သားတွေရဲ့ အပေါ်၊ စာမရီသွေးနဲ့ အစိုးရအပေါ်၊ တို့ကြွေးကြော်၊ ထောင်ကျတဲ့ ဥက္ကဠဘမော် ကန့်ကွက်တယ်၊ လွှတ်လိုက်တို့ ရဲဘော်။
ခင်မင်စွာဖြင့်…
ဇော်သိင်္ခ
မြန်မာနိုင်ငံ လွတ်လပ်ရေး ကြိုးပမ်းမှုတွင် ရန်ကုန် တက္ကသိုလ် ကျောင်းသားများ သမဂ္ဂခေါင်းဆောင်၊ နယ်ချဲ့ဆန့်ကျင်ရေး နှင့် ဖက်ဆစ် ဆန့်ကျင်ရေးသမား၊ လေထီး သင်တန်းသားအဖြစ် ပါဝင်ခဲ့သည်။ စစ်ပြီး ဖဆပလ ဗဟိုဦးစီး အဖွဲ့ဝင်၊ ဗမာပြည် ကွန်ပျူနစ်ပါတီ ဗဟိုကော်မတီဝင် အဖြစ် ရွေးချယ်ခံခဲ့ရသည်။ ဂျပန်တော်လှန်ရေး ကာလကပင် ‘တော်လှန်ရေး ပြီးလို့ တိုင်းပြည် လွတ်လပ်ရင်တော့ ကျွန်တော် နိုင်ငံရေး မလုပ်တော့ဘူး၊ စာပေနယ် ဒါမှမဟုတ် အနုပညာ နယ်ထဲဝင်မယ်ဗျာ’ ဟုပြောခဲ့ရာ သခင်တင်မြက `အနုပညာစိတ်နှင့် တော်လှန်ရေး လုပ်ခဲ့သူ` ဟု မှတ်တမ်းတင်ခဲ့သည်။ ပြောသည့် အတိုင်းပင် ဗိုလ်ချုပ်အောင်ဆန်းက သံတွဲခရိုင်မှ တိုင်းပြုပြည်ပြု လွှတ်တော် အမတ်အမည်တင်သွင်းလိုသည်ကို တောင်းပန်၍ ရန်ကုန်တက္ကသိုလ် မြန်မာစာဌာန၌ မြန်မာစာနည်းပြ အဖြစ် အလုပ်ဝင်ပြီး ပညာရေး၊ စာပေ၊ အနုပညာတာဝန်များကို ထမ်းဆောင်ခဲ့သည်။ ကထိက ဦးကျော်ရင် အမည်ဖြင့်ထင်ရှား၍ ဆိုဗီယက် ပြည်ထောင်စု(ရုရှား ပြည်ထောင်စု) မော်စကို အပြည်ပြည်ဆိုင်ရာ ဆက်သွယ်ရေး တက္ကသိုလ် မြန်မာစာ ဧည့်ပါမောက္ခ၊ မန္တလေး ဝိဇ္ဇာနှင့် သိပ္ပံ တက္ကသိုလ် ပါမောက္ခချုပ် တာဝန်များ ပေးအပ်ခံရသည်။ ပါမောက္ခချုပ်ဘဝတွင် အထက်ဗမာပြည် စာရေစးဆရာ အသင်း စကားပြေ ကော်မရှင်က တင်သွင်းသော ``ဗမာစာပေအရေးအသား`` စာတမ်းကို ဆင်သွားရင် လမ်းဖြစ်တယ်`` ဟု ထောက်ခံခဲ့သည်။
ကျော်ရင်၊ဦး၊ ပါမောက္ခချုပ်
၁၉၁၆ ခုနှစ် ဒီဇင်ဘာလ ၇ ရက် ကြာသာပတေးနေ့တွင် ရခိုင်ပြည် သံတွဲမြို့၌ ဖွားသည်။ အဖ ခရိုင်ဝန် ရုံးစာရေးကြီး ဦးဖိုးဦး အမိ ဒေါ်မြရင် ဖြစ်သည် တစ်ဦးတည်းသောသား၊ အမည် မောင်ကျော်ရင် ဖြစ်သည်။ ၅ နှစ်အရွယ်တွင် ဖခင် ကွယ်လွန်သည်။ အဘိုး ရွှေပန်းတိမ် ဆရာကြီး ဦးဖိုး၊ အဘွား ဒေါ်ရွှေဥတို့ လက်တွင် ကြီးပြင်းခဲ့သည်။
သံတွဲ အေဘီအမ် ကျောင်းတွင် စတင်ပညာသင်သည်။ ထို့နောက် သံတွဲ အစိုးရ အထက်တန်းကျောင်း ပြောင်း၍ ပညာသင်ရာ ၁၉၃၄ ခုနှစ်တွင် ၁၀ တန်း စာမေးပွဲအောင်သည်။ ဘာသာတွဲမှား၍ တက္ကသိုလ်ဝင်ခွင်မရ။ ၁၉၃၅-၃၆ ခုနှစ်တွင် ရန်ကုန်ဆရာဖြစ်သင် တီတီစီတွင် ပညာသင်၍ တက္ကသိုလ်ဝင်တန်း အောင်သည်။ တီတီစီတွင် ပညာသင်ကြားနေစဉ် တစ်ပြည်လုံး ၁၀ တန်းကျောင်းသားများ စာစီစာကုး ပြိုင်ပွဲတွင် ပထမ ရခဲ့သည်။ ၁၉၃၆-၄၀ ခုနှစ်တွင် ရန်ကုန်တက္ကသိုလ်၌ ပညာဆည်းပူး၍ ဘီအေဘွဲ့ရသည်။
တက္ကသိုလ်တွင် ပညာ သင်ကြားနေစဉ် တက္ကသိုလ် ကျောင်းသားများ သမဂ္ဂ(တကသ) အလုပ်အမှုဆောင်၊ ဗမာ နိုင်ငံလုံးဆိုင်ရာ ကျောင်းသားများ သမဂ္ဂ(ဗကသ) ပြန်ကြားရေးနှင့် ဝါဒဖြန့်ချိရေး တာဝန်ခံအဖြစ် ဆောင်ရွက်သည်။ ၁၉၃၈ ကုလားမြန်မာ အဓိကရုဏ်းတွင် သံတွဲမြို့ အေးချမ်းသာယာရေးအတွက် ရခိုင်လူငယ်များကို ဦးဆောင်ပြီး မူဆလင်လူငယ်များနှင့် ပူးပေါင်းဆောင်ရွက်သည်။ ၁၉၄၁ ခုနှစ်တွင် ကျောင်းသားခေါင်းဆောင်၊ တို့ဗမာ အစည်းအရုံးဝင်တစ်ဦးအဖြစ် သံတွဲပြန်၍ နယ်ချဲ့ဆန့်ကျင်ရေး လက်ရုံးတပ်များ ဦးဆောင်ဖွဲ့စည်းသည်။ စစ်ရေး နိုင်ငံရေး သင်တန်းများအတွက် စည်းရုံး ပြင်ဆင်ခဲ့သည်။
၁၉၄၂ ခုနှစ် အင်္ဂလိပ်တပ်များ ဆုတ်ခွာစဉ် သံတွဲခရိုင် မြေအောက်တော်လှန်ရေး ခေါင်းဆောင် အဖြစ် တာဝန်ယူခဲ့သည်။ သံတွဲခရိုင် အုပ်ချုပ်ရေးအတွက် ဘီအိုင်အေ တပ်မှူး ဗိုလ်ရန်အောင်(ရဲဘော်သုံးကျိပ်ဝင်) နှင့်အတူ စီစဉ်၍ ခရိုင်အုပ်ချုပ်အဖွဲ့ဥက္ကဌ တာဝန်ကို ယာယီ ထမ်းဆောင်ခဲ့သည်။ ၁၉၄၃ ခုနှစ် စက်တင်ဘာလတွင် သခင်တင်နှင့်အတူ ဖက်ဆစ်ဆန့်ကျင်ရေးအတွက် တရုတ် နိုင်ငံသွားရန် ကြိုးစားခဲ့သည်။ ဖက်ဆစ်တော်လှန်ရေးအတွက် မြစ်ဝကျွန်းပေါ်တွင် လျှို့ဝှက်ဆောင်ရွက်နေသော သခင်စိုး၏ နိုင်ငံရေးသင်တန်းကို သခင်ဗဟိန်း(ကိုထွန်းလှိုင်)၊ မခင်ကြီး(မသန်းမြင့်)၊ ကိုစံတင်(ရခိုင်ကိုထွန်းဦး) တို့နှင့် အတူ ကိုဘကွန်း အမည်ဖြင့် တက်ရောက်သည်။ ဖက်ဆစ် ဆန့်ကျင်ရေးအတွက် သခင်သန်းထွန်း ဦးဆောင်သော အုပ်စုနှင့် ဆက်သွယ် ဆောင်ရွက်သည်။
၁၉၄၄ ခုနှစ် ဖေဖော်ဝါရီလတွင် ဖက်ဆစ်တော်လှန်ရေးအတွက် သခင်တင်ရွှေ၊ မမြရီ(ကျောက်ဆည်) နှင့် ကိုညိုထွန်း ( ဝန်ကြီးဟောင်း၊ သံအမတ်ဟောင်း) တို့ကို ဂွမြို့ဖြတ်၍ အင်္ဂလိပ်စစ်သင်္ဘောဖြင့် အိန္ဒိယရှိ ဖက်ဆစ်တော်လှန်ရေး ပြည်ပတာဝန်ခံ ကိုသိန်းဖေ(သိန်းဖေမြင့်) ထံ တာဝန်ယူ ဦးဆောင်ခဲ့သည်။ ထိုနှစ် ဇူလိုင်လတွင် သခင်သန်းထွန်း၏ အစီစဉ်ဖြင့် ခင်ဗို(အဖွဲ့ခေါင်းဆောင်) မန်းဝင်းမောင်(တတိယမြောက် ပြည်ထောင်စု မြန်မာနိုင်ငံ သမ္မတ) ကိုအုန်းမောင်( လေထီး ဦးအုန်းမောင်)၊ ကိုစိုးမောင်(ဗိုလ်မှူး ချစ်ကောင်း)၊ တို့နှင့်အတူ ဖက်ဆစ်တော်လှန်ရေးအတွက် လေထီးသင်တန်းနှင့် စစ်သင်တန်းတက်ရန် အိန္ဒိယသို့ သွားရောက်ခဲ့သည်။ လေထီးသင်တန်းနှင့် စစ်သင်တန်းကို သီရိလင်္ကာနှင့် အိန္ဒိယတွင် တက်ရောက်သည်။ ကာလကတ္တားရှိ ဘုံရိပ်သာခေါ်ဆန်းဒေး ဗီလာ၌ ကိုသိန်းဖေ(သိန်းဖေမြင့်) ခေါင်းဆောင်၍ ဖက်ဆစ်တော်လှန်ရေး အတွက် သင်တန်းများပေးရာ ကိုကျော်ရင် သည် နိုင်ငံရေး သင်တန်းတာဝန်ခံအဖြစ် နယ်ချဲ့စစ်ပွဲမှ ပြည်သူ့စစ်ပွဲများ အဖြစ်သို့ ပြောင်းလဲလာပုံ၊ ပြည်သူ့စစ် သဘောတရားကို ပို့ချသည်။ စစ်အပြီး ယင်းပို့ချ ချက်ကို အခြေခံ၍ ``နယ်ချဲ့စစ်မှ လူထုစစ်သို့`` အမည်ဖြင့် မန္တလေးမြို့ ကြီးပွားရေး (လူထု) စာအုပ်တိုက်က ပုံနှိပ်ခဲ့သည်။ ၁၉၄၅ ခုနှစ် ဧပြီလအတွင်း လေထီးအစမ်းခုန် လေ့ကျင့်စဉ် ခြေခုံရိုး ကျိုး၍ ဆေးရံတက်ရောက် ကုသရာ ဖက်ဆစ်တော်လှန်းတွင် ကိုသိန်းဖေနှင့်အတူ ကာလကတ္ကား၌ ကျန်ရစ်ခဲ့သည်။
ဖက်ဆစ် ဂျန်ပန်များ မန္တလေးမှ ဆုတ်ခွာသွားပြီးနောက် မန္တလေးမြို့တွင် ကြီးပွားရေး ဦးလှ(လူထု)၊ ဆရာကြီး ဦးရာဇတ်တို့နှင့်အတူ အထက်ဗမာပြည် ဖက်ဆစ်ဆန့်ကျင် တိုက်ဖျက်ရေးနှင့် ပြည်သူ့လွတ်လပ်ရေးအဖွဲ့ (ဖတပလ) ကိုဖွဲ့စည်းသည်။ ၁၉၄၅ ခုနှစ် ဇူလိုင်လ ၂၀ ရက်နေ့မှ ၂၇ ရက်နေ့အထိ ရန်ကုန် မြို့စမ်းချောင်းရပ်၊ ဗကရာလမ်း၊ အမှတ် ၁၃၈ ဗမာပြည် ကွန်မြူနစ်ပါတီ ဌာနချုပ်၌ ကျင်းပသော ဒုတိယအကြိမ် ကွန်ဂရက်တွင် ဗမာပြည် ကွန်မြူနစ်ပါတီ ဗဟိုကော်မတီဝင် အဖြစ် ရွေးချယ်ခံရသည်။ ဖတပလ(ဖဆပလ) ဗဟို ဦးစီးအဖွဲ့ဝင် ဖြစ်သည်။ ၁၉၄၆ ခုနှစ် ဖေဖော်ဝါရီလတွင် သံတွဲနယ် တောင်သူလယ်သမား သမဂ္ဂ ညီလာခံကို ဦးဆောင်ကျင်းပ၍ တောင်သူလယ်သမားဘဝ သရုပ်ဖော် ပြဇာတ်ကို ဦးစီးတင်ဆက်ခဲ့သည်။ ၁၉၄၆ ခုနှစ် ကွန်မြူနစ်ပါတီ ၂ ခြမ်းကွဲရာ သခင် သန်းထွန်းနှင့် ဦးသိန်းဖေ(မြင့်) ဦးဆောင်သော ဗမာပြည် ကွန်မြူနစ်ပါတီ(အလံဖြူ) ဗဟိုကော်မတီဝင်ဖြစ်ခဲ့သည်။
ကွန်မြင်နစ်ပါတီ အကွဲအပြဲ၊ ရခိုင်ပြည် သံတွဲခရိုင် နိုင်ငံရေး အခြေအနေများကြောင့် ဗိုလ်ချုပ်အောင်ဆန်း၏ သံတွဲခရိုင် တိုင်းပြုပြည်ပြု လွှတ်တော် အမတ် လျာထားမှုကို တောင်းပန်၍ရန်ကုန်တက္ကသိုလ် မြန်မာစာဌာနတွင် နည်းပြအဖြစ် ဆောင်ရွက်သည်။ မြန်မာစာ မဟာဝိဇ္ဇာတန်းအတွက်``မြန်မာစကားပုံသမိုင်း`` တင်သွင်းပြီး ၁၉၅၀ ပြည့်နှစ်တွင် မဟာဝိဇ္ဇာဘွဲ့ ရသည်။ ရန်ကုန်တက္ကသိုလ် မြန်မာစာဌာန၌ လက်ထောက်ကထိက၊ ကထိက တာဝန်များ ထမ်းဆောင်၍ ၁၉၆၂-၆၄ ခုနှစ်တွင် ဆိုဗီယက်ယူနီယံ(ရုရှား)၊ မော်စကို အပြည်ပြည်ဆိုင်ရာ ဆက်သွယ်ရေး တက္ကသိုလ် မြန်မာစာဧည့်ပါမောက္ခ၊ ၁၉၆၄-၆၆ ခုနှစ်တွင် မန္တလေး ဝိဇ္ဇာနှင့်သိပ္ပံ တက္ကသိုလ် ပါမောက္ခချုပ် အဖြစ် ဆောင်ရွက်ခဲ့သည်။
ငယ်စဉ်ကပင် စာပေ အနုပညာဝါသနာ ထက်သန်သည်။ ၁၃ နှစ်အရွယ်တွင် စာ စရေးသည်။ တက္ကသိုလ် ကျောင်းသားဘဝ ပြဇာတ်စာပေကို အထူးလေ့လာ၍ တစ်ခန်းရပ် ပြဇာတ်များရေးသားသည်။ ပြဇာတ်နှင့် စာပေဝေဖန်မှုအတက်ပညာ ထွန်းကားရေးအတွက် ကြိုပမ်း ဆောင်ရွက်သည်။ ရန်ကုန် တက္ကသိုလ် မြန်မာစာ ဌာနတွင် အမှုထမ်း နေစဉ် စာပေဗိမာန် သုခမိန်အဖွဲ့ဝင်၊ ရန်ကုန်တက္ကသိုလ် နှစ်လည်မဂ္ဂဇင်းတို့တွင် မြန်မာစာ ကဏ္ဍ အတိုင်ပင်ခံ စာတည်း၊ မြန်မာနိုင်ငံ စာရေးဆရာ အသင်း အလုပ်အမှုဆောင် (၁၉၅၀-၅၁)၊ တက္ကသိုလ် အနုပညာ အသင်း ဦးဆောင်သူ တစ်ဦးဖြစ်သည်။ မြန်မာစာဌာန အတွက် ကျပင်းတရားစာ၊ နေမိငရဲခန်းပျို့(၁၉၅၃)၊ ရခိုင်မင်းသမီး ဧချင်း(၁၉၅၆)၊ ပလလဲဆင်မင်းပျို့တို့ တည်းဖြတ်ပေးခဲ့သည်။ ဇင်းဒါး အကျဉ်းသား(၁၉၃၈)၊ ကညွတ်ရိုး ဗိုလ်ချုပ်(၁၉၄၅)၊ မှတ်မိသမျှ လီနင်၊ ပထမတွဲ၊ နယ်ချဲ့စစ်မှ လူထုစစ်သို့(၁၉၄၅) ဆွာမိ ဝိဝေကနန္ဒာ(၁၉၅-)၊ မက်စ်ဝါဒနှင့် ဘာသာဝေါဟာရ (၁၉၅၄) တို့ ပြုစု ခဲ့သည်။
၁၉၆၆ ခုနှစ် မတ်လ ၃၀ ရက်နေ့တွင် ရန်ကုန်မြို့ ပြည်သူ့ဆေးရုံကြီး၌ ကွယ်လွန်ခဲ့သည်။ ကွယ်လွန်ချိန်၌ ဇနီး ဒေါ်ဖြူ၊ သား (ကိုဉာဏ်ထွန်းအောင်)၊ သမီး (မတူးတူး) ကျန်ရစ်ခဲ့ပါသည်။
ပြည်သူ့ခေတ် ဂျာနယ် အတွဲ ၂ ၊ အမှတ် ၇၃ ၊ ၂၀၁၁ခုနှစ် ဒီဇင်ဘာ (၁၅)ရက် နေ့ ပါ မောင်ဇေယျာ ရဲ့ ဆောင်းပါးကို ပြန်လည် ရေးသားဖော်ပြသည်။
ခင်မင်စွာဖြင့်…
ဇော်သိင်္ခ
နိုဝင်ဘာ(၂၃)ရက်နေ့တွင်ရှမ်းပြည်နယ်တောင်ပိုင်းတာချီလိတ်မြို့တွင် မေတ္တာရှင်ဆရာတော်မှနေ့တရားပွဲ ဟော ပေးခဲ့ပါသည်။အဆိုပါနေ့တွင် ရန်ကုန်မြို့တွင် အခမ်းအနားတစ်ခုမှ ပင့်ဖိတ်ထားသဖြင့် အချိန်မှီကြွရန် နေ့ပွဲဟောပေးခဲ့ပြီးရန်ကုန်သို့အချိန်မှီကြွနိုင်ရန်အတွက် အဆိုပါ၂၃ ရက်နေ့မှာပင်လေယဉ်ခရီးဖြင့် ကြွတော်မူခဲ့ပါသည်။တရားပွဲပိတ်ခံရသည့်သတင်းများထွက်ပေါ်လျှက်ရှိရာ အဆိုပါကောလဟာလ သတင်းများ သည် မှန်ကန်မှုမရှိပါကြောင်းသိစေအပ်ပါသည်။ယခုအချိန်အထိ တရားပွဲများဆက်လက်ဟောကြားပေးလျှက်ရှိပါသည်။ ၂၀၁၂ နှစ်အကုန်အထိ တရားပွဲရက်များပြည့်နေ့ပြီဖြစ်ပါသည်။ တရားပွဲပင့်လျှောက်လိုသူများ mettashinsayadaw@gmail.com သို့ဆက်သွယ်ပြီးလျှောက်လွှာတင်ထားနိုင်ကြပါသည်။
 |
/
