စက္ခုပါလ - အရှင် ဇဝန

စက္ခုပါလ - အရှင် ဇဝန 

(၂၀၁၀ ခုနှစ် သင်္ကြန်တွင်း သုဒ္ဓဝိပဿနာရိပ်သာတွင် ဖုန်းဖြင့် ရိုက်ကူးလာသောပုံတော်)

မြန်မာနိုင်ငံလုံးဆိုင်ရာ ထေရဝါဒဗုဒ္ဓဘာသာအဖွဲ့ချုပ်နှင့် နယ်စပ်တောင်တန်းဒေသ သာသနနုဂ္ဂဟအသင်း၏ နာယကဆရာတော်ဖြစ်တော်မူသော ဘဒ္ဒန္တတိက္ခ(အဂ္ဂမဟာပဏ္ဍိတ)၏ သြဝါဒဖြင့် ဖွဲ့စည်းထားသော အသင်းကြီး ငါးသင်းရှိပါသည်။ ထိုအသင်းငါးသင်းအနက် တစ်သင်းအပါအဝင်ဖြစ်သော နယ်စပ်တောင်တန်းနှင့်ကမ်းရိုးတန်း ဒေသ ဗုဒ္ဓဘာသာ သာသနာပြန့်ပွားရေးအသင်းသည် နာယကဆရာတော် ၁၄ပါး၊ နယ်လှည့် ဓမ္မကထိက ဆရာတော် ၁၄ပါးတို့၏ သြဝါဒများခံယူကာ သာသနာရေး၊ ပညာရေး၊၊ ကျန်းမာရေး၊ လူမှုရေးကူညီမှု လုပ်ငန်းများကို အသင်းခွဲ အသင်းထောက်ပေါင်း (၄၂၀) တို့၏ ပံ့ပိုးမှုဖြင့် သာသနာပြုလျက်ရှိပါသည်။

အသင်း၏ နယ်လှည့်ဓမ္မကထိကဆရာတော် ၁၄ပါးတွင် တစ်ပါးအပါအဝင်ဖြစ်သော အရှင်ဇဝနသည် စက္ခုနှစ်ကွင်းအလင်းမရသော်လည်း မလျှော့သောဇွဲ၊ လုံ့လ၊၊ ထက်သန်သောစေတနာဖြင့် တရားတော်များကို ဟောပြရင်း သာသနာပြုလျက်ရှိပါသည်။ ဆရာတော်ကြီ ဘဒ္ဒန္တတိက္ခ၏ ခြေတော်ရင်းတွင် သီတင်းသုံးလျက် ဆရာတော်၏ မေတ္တာကိုခံယူကာ ဆရာတော်၏လမ်းညွှန်မှုဖြင့် သာသနာပြုလုပ်ငန်းများကို ဆောင်ရွက်လက်ရှိပါသည်။

လူအမည် မောင်ဇာနည်ဝင်း အမည်ရသော အရှင်ဇဝနအလောင်းလျာကို ၁၃၄၃ ခုနှစ်၊ တန်ခူးလဆန်း ၁၃ ရက်၊ အင်္ဂါနေ့တွင် ခမည်းတော် ဦးဝင်းမြင့်၊ မယ်တော် ဒေါ်သန်းဌေးတိုိ့မှ မန္တလေးတိုင်းဒေသကြီး၊ ဝမ်းတွင်းမြို့နယ်၊ သဲတောမြို့၊ အမှတ်(၃)၊ သူဌေးကုန်းရပ်ကွက်တွင် မီးရှူးသန့်စင် ဖွားမြင်တော်မူပါသည်။ ခမည်းတော်မှာ မီးရထားဝန်ထမ်းတစ်ဦးဖြစ်ပြီး မယ်တော်မှာ စားသောက်ဆိုင်ဖွင့်လှစ် ရောင်းချသူဖြစ်ပါသည်။ ညီအစ်ကိုမောင်နှမ(၆)ယောက်အနက် အကြီးဆုံးသားရတနာဖြစ်ပါသည်။ ကျောင်းနေအရွယ်တွင် သဲတောအလယ်တန်းကျောင်း၌ သုံးနှစ်ကြာ ပညာသင်ယူခဲပါသည်။ ငယ်စဉ်ကပင် ရှင်သာမဏေဝတ်လိုစိတ် သာသနာ့ဝန်ထမ်းလိုစိတ်၊ ပရဟိတလုပ်ငန်းများလုပ်လိုစိတ် ထက်သန်သူဖြစ်ပါသည် ၁၃၅၈ ခုနှစ်တွင် နဝမတန်းတက်မည့်ဆဲဆဲ မျက်စိဝေဒနာစတင်ခံစားခဲ့ပါသည်။ မျက်စိဝေဒနာကြောင့်  ကျောင်းဆက် မတက်တော့ဘဲ ၁၃၅၈ ခုနှစ်၊ ကဆုန်လပြည့်ကျော် (၈)ရက်တွင် သဲတောမြို့၊ မြဘုန်းရှင် ပရိယတ္တိစာသင်တိုက်တွင် ဆရာတော် ဘဒ္ဒန္တဣန္ဒြကကို ဥပဇ္ဖျာယ်ပြု၍ သာမဏေဘဝသို့ ရောက်ခဲ့သည်။ ၁၃၆၆ ခုနှစ်၊ ပြာသိုလဆန်း (၆) ရက်တွင် မြင့်မြတ်သောရဟန်းဘဝသို့ ရောက်ရှိခဲ့ပါသည်။ ရဟန်းဒါယိကာမများမှာ အေဒီဒေါ်အေးအေးမြင့် နှင့် မျက်စိအထူးကု ဆရာဝန်ကြီး ဒေါက်တာခင်အုန်းဟန် (ကဗျာဆရာကြီးဇော်ဂျီ၏သမီး) တို့ ဖြစ်ပါသည်။ မန္တလေးမြို့၊ ဇေယျဝတီကျောင်းဆရာတော် ဘဒ္ဒန္တသုဇနဘိဝံသ (အဂ္ဂမဟာပဏ္ဍိတ)ထံတွင်လည်းကောင်း၊ သဲတောမြို့ ကုန်းမြင့်ရပ် မိုးကုတ်ဝိပဿနာ ကျောင်းဆရာတော် ဘဒ္ဒန္တပညာသီရိထံတွင်လည်းကောင်း၊ ပဋိစ္စသမုပ္ပာဒ်နှင့် ဝိပဿနာကျင့်စဉ်များကို လည်းကောင်း၊ ဒေါက်တာခင်အုန်းဟန်၏ ကျေးဇူးဖြင့် စိန်ပန်းရပ် ရတနာပုံရိပ်သာတွင် ဆရာတော် ဘဒ္ဒန္တပညာဝံသ (အဂ္ဂမဟာကမ္မဋ္ဌာနာစရိယ)ထံတွင် ကမ္မဋ္ဌာန်းတရားများကိုလည်းကောင်း ဆည်းပူးသင်ယူခဲ့ပါသည်။ ရဟန်းအဖြစ်သို့ရောက်ရှိပြီးနောက် ဝမ်းတွင်းမြို့နယ်၊ ကြွယ်ကန်ကျေးရွာ ဟစ်တော်မူတောင်တောရကျောင်းဆရာတော် ဘဒ္ဒန္တဣန္ဒာစာရထံတွင် ဓူတင်ကျင့်စဉ်နှင့် သတိပဋ္ဌာန် တရားများကို သင်ယူခဲ့သည်။ ၁၃၆၈ ခုနှစ်တွင် မျက်စိဝေဒနာကြောင့် မျက်စိကွယ်ခဲ့ရှာသည်။

အရှင်ဇဝနသည် မျက်စိကွယ်စက လွန်စွာစိတ်အားငယ်ခဲ့သော်လည်း ဘဝကို အရှုံးမပေးသော ဒဿနအတွေး၊ ဒဿနအစုများကို အားဆေးအဖြစ် ရှာဖွေခဲ့ပြီး အမြင်စာပေမရှိသော်လည်း ပြင်ဦးလွင်မြို့၊ မျက်မမြင်စာသင်ကျောင်းတွင် မျက်မမြင်စာပေကို လေ့လာဆည်းပူးသင်ယူခဲ့သည်။ စိတ်ဓာတ်၊ ဇွဲ၊ ဝီရိယထက်သန်မှုစွမ်းအားကြောင့် (၆)လသင်မှ တက်မြောက်သည့် မျက်မမြင်စာပေကို ဆရာတော်သည် တစ်လခွဲဖြင့် ထူးချွန်စွာ သင်ယူတက်မြောက်ခဲ့ပါသည်။

မိတ္ထီလာ၊ မန္တလေး၊ ရန်ကုန်၊ စစ်ကိုင်းဆေးရုံကြီးများတွင် (၇)ကြိမ်တိုင်တက်ရောက်၍ မျက်စိအထူးကု ဆရာဝန်ကြီးနှင့်ကုသသော်လည်း စက္ခု နှစ်ကွင်းအလင်းမြင်ခြင်းသို့ ရောက်ရှိမလာတော့ပါ။ ဖြစ်စက သင်ယူတက်မြောက်ခဲ့သော ပရိယတ်စွမ်းအားကို မျက်မမြင်စာပေနှင့် ဆက်လက်သင်ယူခဲ့သော ပရိယတ်စွမ်းအားနှစ်ရပ် ပေါင်းစပ်ကာ မှန်ကန်သော အတွေး၊ မှန်ကန်သောအသိ၊ မှန်ကန်သော လုံ့လ၊ မှန်ကန်သော သမာဓိ စသည်များကို စုစည်းပြီး ဗုဒ္ဓသာသနာထွန်းကားရေးအတွက် ထေရဝါဒစစ်စစ်ကို စွမ်အားရှိသမျှ ဟောပြောညွှန်ပြရင်း သာသနာ့တာဝန်ကို ထမ်းဆောင်လျက်ရှိပါသည်။ သူတစ်ပါးဖတ်ပြသော တရားစာကို နားထောင်ခြင်း၊ တိတ်ခွေဖွင့်၍ တရားနာခြင်းဖြင့် ဘဝကို အရှုံးမပေးဘဲ မိမိ၏ဉာဏ်အားကို ထက်မြတ်စေရန် စဉ်ဆက်မပြတ် ကြိုစားတော်မူပါသည်။ မတ္တရာမြို့နယ်၊ ရွှေချောင်းအုပ်စု အလယ်ရွာ ရန်ကုန်ဆရာတော်နှင့်အတူ ရှစ်နှစ်ကြာ နေထိုင်သီတင်းသုံးစဉ် တရားပွဲများ အဆက်မပြတ်ပြုလုပ်ခဲ့ပါသည်။ အရှင်ဇဝနသည် ကျေးရွာအလိုက် ယဉ်ကျေးမှု သင်တန်းများ ဖွင့်လှစ်သင်းကြားပေးခြင်း၊ ဝတ်အသင်းများဖွဲ့စည်းပေးပြီး ညစဉ် ဝတ်တက်စေခြင်း၊ တရားစခန်းများဖွင့်၍ တရားပြခြင်း၊ ဟောင်းနွမ်းပျက်စီးနေသော ဘုရားပထုိုးများကို ဦးဆောင်ပြုပြင်ခြင်းများ ဆောင်ရွက်ပါသည်။

၁၃၆၇ ခုနှစ်တွင် ဆရာတော်ကြီး ဘဒ္ဒန္တတိက္ခ(အဂ္ဂမဟာပဏ္ဍိတ) ဦးဆောင်သော နယ်စပ်တောင်တန်းနှင့် ကမ်းရိုးတန်းဒေသ ဗုဒ္ဓဘာသာ သာသနာပြန့်ပွားရေးအသင်းနှင့် ဆက်သွယ်ကာ အသင်း၏ဓမ္မကထိကအဖြစ် နယ်လှည့်တရားဟောပါသည်။ မတ္တရာ၊ ဝမ်းတွင်း၊ ရွှေဘို၊ တကောင်း၊ ပုသိမ်ကြီး စသည့် မြို့နယ်အတွင်း ကျေးရွာများသို့ မျက်စိမမြင်သည့်ကြားက ကပ္ပိယများ၏ အကူအညီဖြင့် ခဲခဲယဉ်းယဉ်း သွားရောက်ကာ တရားတော်များကို ဟောကြားပါသည်။ တရားပွဲမှရရှိသော ဓမ္မပူဇာငွေများ၊ ဆန်နှင့်အဝတ်အထည် စသည့် ပစ္စည်းများကို နယ်စပ်တောင်တန်းနှင့်ကမ်းရိုးတန်းဒေသရှိ သာသနာပြုပုဂ္ဂိုလ်များ၊ တိုင်းရင်းသားများ၊ မိဘမဲ့များအား ဆရာတော်က ထပ်မံ၍ လှူဒါန်းပါသည်။ ချင်းပြည်နယ်၊ ရခိုင်ပြည်နယ်တွင်  ကြွက်များဖျက်ဆီးသဖြင့် ဆန်၊ ရေ၊ စပါးများ ပျက်စီးသည့်အခါ ဆရာတော်သည် မေတ္တာရှေ့ထားပြီး ဒုက္ခရောက်နေသော ဒုက္ခသည်များကို ကူညီထောက်ပံ့ရန် ရွာစဉ်တစ်လျှောက် တရားဟောရင်း ရရှိသောငွေနှင့် ဆန်များကို ဒုက္ခသည်များထံသို့ ပေးပို့လှူဒါန်းခဲ့ပါသည်။ နာဂစ်မုန်တိုင်းဒဏ်ခံရသူများ၊ လတ်တလော အခက်အခဲကြုံတွေ့နေရသော ရခိုင်ပြည်နယ်မှ ဒုက္ခသည်များအတွက် နယ်လှည့်တရားပွဲများပြုလုပ်ကာ အလှူခံရသမျှ လုံးမခြွင်းမချန်ဘဲ အသင်းမှတစ်ဆင့် လှူဒါန်းတော်မူပါသည်။ ဆရာတော်ကြီး ဘဒ္ဒန္တတိက္ခနှင့်အတူ ရှမ်းပြည်နယ်မြောက်ပိုင်း သာသနာပြုခရီးစဉ်တွင် လိုက်ပါပြီး လားရှိုး၊ သီပေါ၊ သိန္နီ၊ ကွတ်ခိုင်၊ မူဆယ်နှင့်အထူးဒေသ ငါးနေရာတို့တွင် တရားရေအေး အမြိုက်ဆေးကို တိုက်ကျွေးတော်မူပါသည် လောကအလင်းမြင်သော်လည်း ဘာသာတရားအလင်းမမြင်သူများကို လောကအလင်းမမြင်သော်လည်း ဘာသာရေးတရားအလင်းမြင်သော ကရုဏာရှင် စက္ခုပါလအရှင်ဇဝနက မျှဝေခံစားရင်း ဘာသာရေးအသိများ ပျံ့နှံ့စေရန် သာသနာ့အာဇာနည်စိတ်ဓာတ်ဖြင့် သာသနာပြု ဓမ္မခရီးလှည့်လည်ကာ တရားဟောလျက်ရှိပါသည်။

ဆရာတော်၏ မျက်စိနှစ်ကွင်းအလင်းရစေရန် ရှိုင်းဟုတ်ကုမ္မဏီမှ ဒေါက်တာဒေါ်ခင်ခင်ရီက ရန်ကုန်မြို့ ပန်းလှိုင်အထူးကုဆေးခန်းသို့ပင့်၍ မျက်စိကုသပေးခြင်းဖြင့် ကုသိုလ်ယူခဲ့ပါသည်။ သို့သော် ဆရာတော်၏ မျက်စိကို မကုသဘဲထားသည်မှာ လေးနှစ်ကျော်ကြာခဲ့သဖြင့် မျက်စိအလင်းမရရှာခဲ့ပါ။ ၂၀၁၀ ပြည့်နှစ်၊ ဇွန်လတွင် မေတ္တာရှင်အရှင်ဇဝန(ရွှေပြည်သာ)၏  ဆက်သွယ်ပေးမှုဖြင့် ဘန်ကောက်မြို့ရှိ ဒေါ်မြမြအုန်း(ပုလဲရောင်းဝယ်ရေး)မှ ငွေအကုန်ကျခံ၍ ဘန်ကောက်မြို့ရှိ မျက်စိဆေးရုံတွင် တက်ရောက်ကုသခဲ့ပါသည်။ ဘန်ကောက်သို့ မန္တလေးမှ အသွားအပြန်ခရီးစရိတ်ကို ရုပ်ရှင်သရုပ်ဆောင် အကယ်ဒမီဒေါ်ချိုပြုံးကလည်းကောင်း၊ ဆေးကုသစရိတ်ကို ဒေါ်မြမြအုန်းကလည်းကောင်း၊  သီတင်းသုံးရန်နှင့် ဝေယျာဝစ္စအတွက် နဂါးနီရတနာစက်ရုံမှ ဦးဆန်နီကလည်းကောင်း၊ ဆရာတော်မျက်စိပြန်မြင်ရေးအတွက် အားသွန်ကာ ဆောင်ရွက်ပေးကြပါသည်။ ဘန်ကောက်ဆေးရုံတွင် ရက် (၂၀)ကြာကုသခဲ့သော်လည်း အောင်မြင်မှုမရရှိခဲ့ပါ။ ဂျာမနီနိုင်ငံတွင် အရုံခံမှန်ဘီလူးတပ်၍ မျက်စိမမြင်သူ ၃၀ ဦးအား စမ်းသပ်ကုသခဲ့ရာ အောင်မြင်ကြောင်း သိရပါသည်။ နောင်နှစ်နှစ်၊ သုံးနှစ်ကြာလျှင် ဤကုထုံးသည် ပိုမိုကျယ်ပြန့် အောင်မြင်လာစရာအကြောင်းရှိသဖြင့် ဆရာတော်အား ဦးစားပေးကုသပေးမည်ဖြစ်ကြောင်း၊။ ၅၀ ရာခိုင်နှုန်းခန့် ပြန်မြင်နိုင်ဖွယ်ရာ မျှော်လင့်ချက်ရှိကြောင်း ဆရာဝန်ကြီးများက ဆရာတော်အား လျှောက်ထားလိုိက်ကြပါသည်။ ဆရာတော်အနေနှင့် ဘန်ကောက်ဆေးရုံကြီးလို ဆေးရုံ၌ပင် ကုသ၍မရသော မျက်စိအတွက် အထူးစိတ်အားငယ်ဝမ်းနည်းမှုမဖြစ်ရှာဘဲ တရားရှင်ပီသစွာ တရားနှင့်ပင် ဖြေသိမ့်တော်မူပါသည်။ ရနောင်းတွင် ထိုင်းဘုန်းကြီး ၁၀ ပါးကို ဆွမ်းကပ်လှူဒါန်းပြီး လက်လှမ်းမှီရာ မြန်မာများအား တရားဓမ္မများ ဟောပြောတော်မူခဲ့ပါသည်။ ၂၀၁၁ ခုနှစ် ဒီဇင်ဘာလတွင် ဒေါ်မြမြအုန်း (ပုလဲရောင်းဝင်ရေး)၏ ကုသိုလ်ဖြင့် ဗုဒ္ဓဂယာသို့ ဘုရားဖူး သွားရောက်ခဲ့ပါသည်။ ဗုဒ္ဓဂယာရှိ မဟာဗောဓိစေတီတော်၌ ပြုလုပ်သော နိုင်ငံပေါင်းစုံ ထေရဝါဒ ပိဋကတ်သုံးပုံရွတ်ဖတ်ပူဇော်ပွဲသို့ ဆရာတော်သွားရောက်၍ တရားနာစဉ် ဆရာတော်၏ ကိုယ်ပေါ်သို့ ဗောဓိပင်မှ ညောင်ငါးရွက် ကြွေကျခဲ့ပါသည်။ အခြားမည်သည့်နေရာတွေင်မှ မကြွေဘဲ ထူးဆန်းစွာ ဆရာတော်၏ ပခုံး၊ ရင်ခွင်၊ လက် စသည်တို့အပေါ်တွင်သာ ကြွေကျသဖြင့် ပရိသတ်အားလုံး တအံ့တသြဖြစ်ကြပါသည်။ ဆရာတော်သည် ပကတိမျက်စိဖြင့် မမြင်ရသော်လည်း ဉာဏက္ခုဖြင့် တရားတော်ကို စူးစူးစိုက်စိုက်နာယူပြီး ဗုဒ္ဓဂယာရှိဘုရားများကို ကပ္ပိယကိုဖိုးချိုနှင့် ကိုမောင်ထွေးတို့၏ အကူအညီနှင့် ဖူးမြော်ခဲ့ရပါသည်။

ဆရာတော် အရှင်ဇဝနအနေနှင့် ဘန်ကောက်မှ ဆရာဝန်ကြီးများလျှောက်ထားသလို အာရုံခံမှန်ဘီလူးတပ်ပြီး မျက်စိမြင်နိုင်မည့်အချိန်ကို စောင့်စားရင်း ဗုဒ္ဓဘာသာ သာသနာပြန့်ပွားရေးအတွက် သာသနာပြုလုပ်ငန်းများကို ဇွဲ၊ လုံ့လမလျှော့ဘဲ စိတ်အားသန်သန်ဖြင့် ဆောင်ရွက်လျက်ရှိပါသည်။ စက္ခုနှစ်ကွင်းအလင်းမရသော်လည်း ဘဝကို အရှုံးမပေးသော စိတ်ဓာတ်ဖြင့် သာသနာပြုနေသော အရှင်ဇဝနအား “မေတ္တာရှင်အရှင်ဇဝန(ရွှေပြည်သာ)” က ဖေးမကူညီကာ လိုအပ်သလို အားပေးတော်မူပါသည်။ မျက်စိမမြင်သော်လည်း စိတ်အားမငယ်ဘဲ သာသနာပြုလုပ်ငန်းများကို ဆောင်ရွက်နေသော ကရုဏာရှင် စက္ခုပါလအရှင်ဇဝနအား အောက်ပါ ကဗျာဖြင့် ဂုဏ်ပြုပူဇော်ရေးသားအပ်ပါသည်။

စက္ခုနှစ်ကွင်း၊ အလင်းမမြင်

သို့ပင်သော်လည်း၊ စွမ်းအင်မယုတ်

သာသနာ့အလုပ်ကို၊ အားထုတ်ပြည့်ဝ

သည်လောကအား၊ ဓမ္မအလင်း

စွမ်းဆောင်နှင်းဖို့၊ စိတ်ရင်းကြံဆ

ပြင်းထန်လှ

ကရုဏာရှင် ရှင်ဇဝန။

၁၆.၁.၂၀၁၃ ရက်နေ့ မန္တလေးနေ့စဉ် သတင်းစာပါ ဆောင်းပါးရှင်

အေးအေးခိုင်(ပညာရေး)

 ခင်မင်စွာဖြင့်....

ဇော်သိင်္ခ

သီတင်းကျွတ်လပြည့် အဘိဓမ္မာအခါတော်နေ့ မြတ်စွာဘုရားကို ပူဇော်ခြင်း

ဒိဝါ တပတိ အာဒိစ္စော၊ ရတ္တိမာ ဘာတိ စန္ဒိမာ၊
သန္နဒ္ဓေါ ခတ္တိယော ဘာတိ၊ ဈာယီ တပတိ ဗြဟ္မဏော၊
အထသဗ္ဗမဟောရတ္တိံ ၊ ဗုဒ္ဓေါတပတိတေဇသာ၊
(ဓမ္မပဒ၊သံယုတ္တ)
တာဒိသံ တေဇသမ္မန္နံ၊ ဗုဒ္ဓံဝန္ဒာမိ အာဒရံ။ (ပေါရာဏ)

အာဒိစ္စော၊ ရောင်ခြည်တစ်ထောင် အလင်းဆောင်သည့် ထွန်းပြောင်ထိန်လင်း ရှင်နေမင်းသည်။ ဒိဝါ၊ နေ့အခါမှသာလျှင်၊ တပတိ၊ ထွန်းလင်းကျက်သရေတင့်တယ်လှပါပေ၏။ စန္နိမာ၊ ယုန်ဖြူလနန်း သော်တာစန်းသည်။ ရတ္တိံ၊ ညဥ့်အခါမှသာလျှင် တပတိ၊ထွန်းလင်းကြက်သရေ တင့်တယ်လှပါပေ၏။ ခတ္တိယော၊ ရေမြေပိုင်သ စိုးရသနင်းပြည့်ရှင်မင်းသည်။ သန္နဒ္ဓေါ၊ ရွှေ၊ငွေ၊စိန်၊ကျောက် ထိန်ထိန်တောက်သည့် မင်းမြောက်တန်ဆာ ဆင်ယင်မှသာလျှင်။ ဘာတိ၊ ထွန်းလင်းကျက်သရေ တင့်တယ်လှပါပေ၏။ ဗြဟ္မဏော၊ ကိသေလာကုန်ခန်း ရဟန္တာ ပုဂ္ဂိုလ်သည်။ ဈာယီ၊ အဘိဉာဉ်ဝင်စား ဈန်ကစားမှသာလျှင်။ တပတိ၊ ထွန်းလင်းကျက်သရေ တင့်တယ်လှပါပေ၏။ အထ၊ ထိုမှကြူး၍ ထူးသည်မှာကား။ ဗုဒ္ဓေါ၊ သစ္စာလေးပါးမြတ် တရားကို ပိုင်းခြားထင်ထင် သိမြင်တော်မူသော မြတ်စွာဘုရားသည်။ တေဇသာ၊ ကြက်သရေမျိုးစုံ တန်ခိုးဂုဏ်အားဖြင့်။ သဗ္ဗမဟောရတ္တိံ၊ နေ့ရောညဥ့်ပါဘယ်ခါမဆိုင်း အချိန်တိုင်း၌သာလျှင်၊တပတိ ၊ ထွန်းလင်း ကျကသရေ တင့်တယ်လှပါပေ၏။ တာဒိသံတေဇသမ္မန္နံ၊ ထိုသို့ ကြက်သရေမျိုးစုံတန်ခိုးဂုဏ်တို့နှင့် ပြည့်စုံတော်မူသည်ဖြစ်၍ နေမင်း၊လမင်း၊ရဟန်းတသင်းတို့ထက် ထွန်းလင်းကြက်သရေ တင့်တယ်တော်မူပေ ထသော။ ဗုဒ္ဓံ သစ္စာလေးပါးမြတ်တရားကို ပိုင်းခြားထင်ထင်သိမြင်တော်မူသော မြတ်စွာဘုရားကို။ အဟံ၊ တပည့်တော်သည်။ အာဒရံ ၀န္ဒာမိ၊ ဗုဒ္ဓဂုဏ်ကို အာရုံထပ်ထပ် စိတ်ဇောကပ်လျှက် မပြတ်ရိုကျိုး လက်စုံမိုး၍ ရှိခိုးကန်တော့ပါသည် မြတ်စွာဘုရား။
ဒီဂါထာကတော့ အလုံးစုံမင်္ဂလာရှိလို့ "သဗ္ဗမင်္ဂလာ" ဂါထာ, တစ်ထောင်တန်လို့" သဟဿရဟ" သစ္စာပြုတာမို့ "သစ္စ"ဂါထာလို့ခေါ်တဲ့ ဂါထာပါ။
ဓမ္မပဒပါဠိ, သံယုတ္တပါဠိတော်မှာလာတဲ့ ဂါထာပါ။ တချို့ပါဠိရတယ်။ အနက်မရ။ တစ်ချို့ ပါဠိ၊အနက် ရပြန်တော့ ဂါထာဖြစ်ပေါ်လာပုံကိုမသိကြဘူး။ ဒါကြောင့် ပါဠိ၊ အနက်၊ ဂါထာဖြစ်ပေါ်လာပုံလေးကို ရေးသား ပေးလိုက်ပါတယ်။
မြတ်စွာဘုရားဟာ တစ်ခုသော သီတင်းကျွတ်လပြည့်နေ့ညမှာ တရားဟောပလ္လင်ပေါ်မှာ သီတင်းသုံး နေပါတယ်။ အဲဒီအချိန်မှာ နေမင်းကြီး ၀င်တော့မည်ဆဲဆဲ အနောက်တောင်ပေါ်မှာ မေးတင်နေပါတယ်။ အရှေ့ဥဒည်စွန်းမှာတော့ ငွေလမင်းကြီးထွက်ပေါ်စပြုနေပါပြီ။ တစ်ဖက်မှာတော့ ပေဿနဒီကောသလမင်းကြီး မင်းတန်ဆာအစုံဝတ်ဆင်ပြီး မှူးမတ် ဗိုလ်ပါအခြံအရံနဲ့ တရားနာနေပါတယ်။ တစ်ဖက်မှာတော့ ကာဠုဒါယီ ရဟန္တာမထေရ်မြတ်ကြီး ဈန်ဝင်စားပြီးနေပါတယ်။ မြတ်စွာဘုရား၊ နေမင်း၊ လမင်း၊ ကောသလမင်း၊ ကာဠုဒါယီ မထေရ်တို့ဟာ အသီးသီး သူ့ကြက်သရေနဲ့သူ ရှိနေတာကို ရှင်အာနန္ဒာမထေရ်မြတ် မြင်တော်မူပါတယ်။ အဲဒီ ကြက်သရေရှိနေတဲ့ ၅ မျိုးထဲမှာ နေမင်းဟာ နေ့အခါမှာပဲ တင့်တယ်တယ်။ လမင်းဟာ ညဥ့်အခါမှာပဲ တင့်တယ်တယ်။ ကောသလမင်းဟာ မင်းမြောက်တန်ဆာ ဆင်ယင်ထားတဲ့အခါမှာဘဲ တင့်တယ်တယ်။ ရဟန္တာ မထေရ်မြတ်ဟာလည်း ဈန်ဝင်စားတဲ့အခါမှဘဲ တင့်တယ်တယ်။ ကြက်သရေရှိတယ်။ သုံးလောကထွဋ်ထား မြတ်စွာဘုရားကတော့ ကြက်သရေမျိုးစုံ တန်ခိုးဂုဏ်တို့ဖြင့် နေ့ရော,ညဥ့်ရော အချိန်ရှိသရွေ့ တင့်တယ်တယ်။ ကြက်သရေရှိတယ်။ အဲဒီလို ရှင်အာနန္ဒာမထေရ်မြတ်က ရှုမြင်တော်မူပါတယ်။ အဲဒီရှုမြင်တော်မူတဲ့အတိုင်း မြတ်စွာဘုရားကို လျှောက်တယ်။ အဲဒီတော့ မြတ်စွာဘုရားက ရှင်အာနန္ဒာ လျှောက်တာကို လက်ခံတော်မူပါ တယ်။ အဲဒါကြောင့် ဒီဂါထာဟာ မြတ်စွာဘုရားဟောဂါထာဖြစ်လာပါတယ်။ အဲဒါက မြတ်စွာဘုရားလက်ထက်က အကြောင်းအရာဖြစ်ပါတယ်။
မြတ်စွာဘုရား ပရိနိဗ္ဗာန်စံပြီးနောက် နှစ်ပေါင်း ၅၀၀ လောက် သီဟိုဠ်ကျွန်းမှာ ဘာတိကတိဿမင်းကြီး နန်းစံပါတယ်။ မင်းကြီးဟာ တစ်ခုသော သီတင်းကျွတ်လပြည့်နေ့မှာ မှူးမတ်ဗိုလ်ပါ ပရိတ်သတ်နှင့်အတူ မဟာစေတီကို ဖူးမြော်ရန် ထွက်တော်မူပါတယ်။ အဲဒီအချိန်ကလည်း နေ၀င်ခါနီး လထွက်တဲ့အချိန်ဖြစ်ပါတယ်။ ထုတယ်ကြီးမားတဲ့ မဟာစေတီတော်မြတ်ကြီးအပေါ် အနောက်ဘက်မှ နေ၀င်ခါနီးဆည်းဆာရောင်ခြည်၊ အရှေ့ဘက်မှ လထွက်ခါစ ဖြူဝင်းအေးမြသော လရောင်တို့ကျရောက်ကာ ကြက်သရေရှိနေပုံကို မင်းကြီးမြင်ရတော့ အမတ်ကြီးဘက်ကိုလှည့်ပြီး အမတ်ကြီးတို့ မဟာစေတီတော်မြတ်ကြီး ကြက်သရေ ရှိလိုက်တာ။ မြတ်စွာဘုရားဟောတော်မူတဲ့ ပါဠိတော်မှာ ဒီလိုကြက်သရေရှိတဲ့ဂါထာများ မရှိဘူးလားလို့မေး တော့ အမတ်ကြီးတစ်ယောက်က လက်အုပ်ချီပြီး နေမင်းဘက်ကိုလှည့်ကာ "ဒိဝါတပတိ အာဒိစ္စော" ဟုရွတ်ဆိုပါတယ်။ တဖန်လလမင်းဘက်လှည့်ပြီး"ရတ္တိမာ ဘာတိ စန္ဒိမာ" လို့ ရွတ်ဆိုပါတယ်။ တဖန် ဘာတိကတိဿမင်းကြီး ဘက်ကိုလှည့်ပြီး "သန္ဒဒ္ဓေါ ခတ္တိယော ဘာတိ" လို့ဆိုပါတယ်။ မဟာစေတီအနီးရှိ သံဃာတော်များသီတင်းသုံးတဲ့ မဟာဝိဟာရကျောင်းဘက်လှည့်ပြီး "ဈာယီ တပတိ ဗြဟ္မဏော" လို့ရွတ်ဆိုပါတယ်။ နောက်ဆုံးကျတော့မှ နေရောင်လရောင် တို့ဖြင့် တင့်တယ်လျက်ရှိတဲ့ မဟာစေတီတော်မြတ်ကြီး ဘက်ကိုလက်အုပ်ချီလှည့်ပြီး " အထ သဗ္ဗမဟောရတ္တိံ၊ ဗုဒ္ဓေါတပတိ တေဇသာ" လို့ဆိုပြီး ဘုရားရှိခိုးလိုက်ပါတယ်။
အဲဒီအခါမှာ ဘာတိကတိဿမင်းကြီးက "အိုအမတ်ကြီး လက်အုပ်ကိုမချလိုက်ပါနဲ့ဦး" လို့ပြောပြီး အသပြာတစ်ထောင်ထုပ်ကို အမတ်ကြီးရဲ့ လက်ထဲထည့်ပြီး ပူဇော်လိုက်ပါတယ်။ အဲဒါကြောင့် ဒီ "ဒိဝါတပတိဂါထာ" ဟာသဟဿရဟ=သဟဿ= တစ်ထောင်။ အရဟ=ထိုက်တန်တဲ့ တစ်ထောင်တန်ဂါထာ လို့ဆိုပါတယ်။ သစ္စာပြုရာ ရောက်လို့ "သစ္စာ"ဂါထာလို့လည်း ဆိုပါတယ်။ ဆိုတာလေးကို သီတင်းကျွတ်လပြည့်အမှီ သုံးလောကထွဋ်ထား သဗ္ဗညု မြတ်စွာဘုရားရှင်ကိုယ်တော်မြတ်ကြီးအား ရှိခိုးလိုက်ကြပါကုန်စို့………………………..။









မေတ္တာရှင် ဖောင်ဒေးရှင်း

ခင်မင်စွာဖြင့်....
ဇော်သိင်္ခ

ပျော်ပျော်ပါးပါး မန္တလေး သင်္ကြန်

မန္တလေး သင်္ကြန်ကို ပြန်လည် အမှတ်တရ ဖြစ်စေသောအားဖြင့် ၂၀၁၀ ခုနှစ်က သင်္ကြန်ရက်တွေမှာ လည်ဖြစ်ခဲ့တဲ့ အတွေ့အကြုံလေးများအကြောင်းရေးသားထားမှု လေးများကို ပြန်လည် ဖော်ပြပေးလိုက်ပါတယ်။

မန္တလေးရဲ့ သင်္ကြန် အကြောင်းလေး ရေးမလို့ စဉ်းစားနေတုန်း ကွန်နက်ရှင်က တစ်နေကုန် ဒေါင်းနေတာ နဲ့ပဲ အခုမှ ဖြေးဖြေးခြင်း ပြန်စဉ်းစားပြီး ရေးကြည့်လိုက်ပါအုံးမယ်။ ဘယ်က နေ စရေး မလဲ ဆိုတော့ သင်္ကြန် အကြိုနေ့ က အကြောင်း စရေးလိုက်တာ ပေါ့ဗျာ။ ဒါမှ အပြည့်အစုံလေး သိရတာပေါ့နော်။ သင်္ကြန် အကြိုနေ့က တော့ မနက်ပိုင်း မလည်ဖြစ်လိုက်ဘူးဗျ။ မနက်ပိုင်းမှာ ဘာလုပ်လဲ ဆိုတော့ မုန့် ၀ယ်ပြီးတော့ ဘုန်းကြီးကျောင်း သွားတယ် ဘုန်းကြီးကို မုန့်နဲ့ ကန်တော့တယ်။ ပြီးတော့ ကျွန်တော် ဒီမန္တလေး နေစဉ်ကလအတွင်း ကျွန်တော်နဲ့ ရင်းနှီး ပြီး မိသားစုလို နေထိုင်ပြီးတော့ ကျွန်တော့်ကို လျှောက်ရှောက်ခဲ့ကြတဲ့ မိဘ ဘိုးဘွားတွေကိုလည်း မုန့်နဲ့ သွားပြီးတော့ ကန်တော့ပါတယ်။ သူများတွေကတော့ နှစ်ဆန်းတစ်ရက်နေ့မှ ဘိုးဘွားမိဘ တွေကို ကန်တော့ကြပါတယ်။ ကျွန်တော်ကတော့ နှစ်ဆန်းတစ်ရက်ဆိုတာ မသေချာတဲ့အတွက် ကြိုတင် ကန်တော့ထားလိုက်တာပါ။ မသေချာဘူးဆိုတာက အလုပ် တန်းဝင်မှာမို့ပါ။ ဒါမှ သင်္ကြန်တွင်းမှာ လူကြီး မိဘတွေကို ကန်တော့လိုက်ရမှာပါ။ အဲ… လူကြီး မိဘ ဆိုတော့ မိဘတွေတော့ မကန်တော့လိုက်ရဘူးဗျ။ မေမေကိုတော့ အိမ်ပြန်မှပဲ ပေါင်းပြီး ကန်တော့လိုက် တော့မယ်။ ဖေဖေ အတွက်ကတော့ ကျွန်တော် ဘုန်းကြီးကျောင်းတို့ ဘိုးဘွားတွေကို ကန်တော့ တာတို့ ကိုပဲ သာဓုခေါ်ဖို့ အတွက် အမျှပေးဝေလိုက်ပါတော့တယ်။ အဲဒါတွေကတော့ အကြိုနေ့ မနက်ပိုင်းမှာ လုပ်ခဲ့တဲ့ ကုသိုလ်လေးတွေပါ။ သင်္ကြန်တွင်း ဆိုလို့ အဲဒါလေး ပဲ ကုသိုလ်လုပ် တာပါပဲ။ ကျန်တာ တွေကတော့ ကုသိုလ် ရဖို့ နေနေသာသာ…………….. ။

သင်္ကြန်အကြိုနေ့ ……..

အစောတုန်းကတော့ သင်္ကြန်အကြိုနေ့မှာ မလည်တော့ပဲ မြို့တော်ဝန် မဏ္ဍပ်ဖွင့်ပွဲ ကိုသွားကြည့်မလို့ပဲ။ အခုတော့ နေ့လည် ၁ နာရီလောက်မှာ သူငယ်ချင်း က လာပြီးတော့ခေါ်ပါတယ်။ အဲဒါနဲ့ပဲ လာခေါ်တဲ့ သူငယ်ချင်း နဲ့ ဘေးအိမ်က သူငယ်ချင်း တစ်ယောက်နဲ့ သုံးယောက်ပေါင်း ဆိုင်ကယ်နဲ့ ထွက်လိုက်ကြပါတယ်။ နေ့လည် တစ်နာရီ ဆိုတော့ အချိန် က တော်တော် စောသေးတယ်ဗျ။ နေကလည်း ပူဆိုတော့ နေပူ ခံအောင်ဆိုပြီး သုံးယောက်သား ဘီယာ ၀င်တွယ်နေလိုက်ကြတာပေါ့ဗျာ.. ။ သင်္ကြန်တွင်းဆိုတော့ သိတယ်မို့လား အဲဒါလေး နည်းနည်းမှ မပါရင်လည်း ပျော်စရာက မကောင်းဘူးကိုဗျ။ ဒီလိုနဲ့ နည်းနည်းလေး လည်း အရှိန်က ရလာပြီဆိုတော့ ကျုံးဘေးက သင်္ကြန် မဏ္ဍပ်တွေဆီသွား ပြီး ကဲ တော့ မယ်။ အကြိုနေ့ ဆိုတော့ မြို့တော်ဝန် မဏ္ဍပ်က ဖွင့်ပွဲ ရှိတယ်ဗျ။ အဲဒါကြောင့် ၇၃ လမ်းကနေ၂၆ ဘီလမ်း အတိုင်း ၀င်မယ် လုပ်တော့ ၀င်လို့ မရဘူး ဗျ။ ဖွင့်ပွဲ အတွက် ပိတ်ထားတယ်။ မြို့တော်ဝန်မဏ္ဍပ် ဖွင့်ပွဲကလည်း တော်တော် စည်ကား တယ်ဗျ။ မဏ္ဍပ်ပေါ်မှာ တော့ မန်းစည်ပင်က သမီးပျိုလေး တွေရဲ့ ယိမ်းအက တွေနဲ့ အတူ မဏ္ဍပ်ရဲ့ အောက် ၂၆ လမ်းမကြီးပေါ်မှာတော့ ကျောင်းသူ သုံးထောင် ကျော်တို့ ရဲ့ အက မျိုးစုံ လေး တွေကို ရှုစား ကြရတာ ဖြစ်ပါတယ်။ ဟဲ.. အဲဒီအက တွေကိုတော့ အဲဒီ ညနေက ၀င်ပြီး မကြည့်ခဲ့ ရပါဘူး။ အကြို မတိုင်ခင် နှစ်ရက် ဧပရယ်လ် ၁၁ နေ့ က ဖွင့်ပွဲ အခမ်းအနားအတွက် အစမ်းလေ့ကျင့် တုန်းက ကြည့်လာ ခဲ့မိလို့ပါ။ ပြီးတော့ မနှစ်က သင်္ကြန် ဖွင့်ပွဲမှာ တုန်းကလည်း တစ်ယောက်ထည်း သွား အားပေးထားလို့ပါဗျာ။

ဒီလိုနဲ့ သူငယ်ချင်း သုံးယောက် မြို့တော်ဝန် မဏ္ဍပ်ရဲ့ အရှေ့ဘက်နားမှာ ဆိုင်ကယ်လေး ရပ်ထားခဲ့ ပြီး တော့ အယ်လ်ပိုင်းမဏ္ဍပ်ရှေ့ ရောက်အောင်တိုးကြတာပေါ့ဗျာ။ အယ်လ်ပိုင်း မဏ္ဍပ်ကလည်း အကြိုနေ့ သာ ပြောတယ် စည်မှစည် ဗျာ…။ ခါတိုင်း နှစ် အကြိုနေ့တွေမှာ ဒီလောက်မစည်ကားဘူး ထင်တာပဲ။ ဒီနှစ်မှာက အကြိုနေ့မှာပဲ အယ်လ်ပိုင်း မဏ္ဍပ်က အဆိုတော် တွေက တော်တော်များများ စတင်သီဆိုနေကြတယ်ဗျ။ အခု နောက်ပိုင်းမှာ တက်လာတဲ့ အဆိုတော့ တွေကတော့ တော်တော်များတာပေါ့ဗျာ။ ဒီလိုနဲ့ ပဲ အယ်လ်ပိုင်း မဏ္ဍပ်မှာ ၀င်ပြီးကဲ တယ် ပြီး တော့ အယ်လ်ပိုင်း မဏ္ဍပ်က နေမှ အရှေ့ဘက်ကို တဖြည်းဖြည်း ချင်း ဆိုင်ကယ်နဲ့ ထွက်သွား ပြီးတော့ တော့ နန်းရှေ့က မဏ္ဍပ်တွေ ဆီ ရောက်အောင်သွားခဲ့ပါတယ်။ ကျုံးရဲ့ တောင်ဘက်မှာ အယ်လ်ပိုင်း မဏ္ဍပ်ရှိလို့ လူတွေ တိုးမပေါက်အောင် စည်ကား နေတာမဟုတ်ပဲ ကျုံးရဲ့ အရှေ့ဘက်မှာ လည်း မဏ္ဍပ်တွေက တစ်ခုနဲ့ တစ်ခု သိပ်မကွာဘူးဗျ။ လူတွေကလည်း အကြိုနေ့သာ ပြောတယ် အဲဒီဘက်မှာလည်း တော်တော် လေး စည်တယ်ခင်ဗျ။ ကားတွေလည်း ပြည့်လို့ပေ့ါဗျာ။ မဏ္ဍပ်တွေက ကလည်း အဆိုတော်တွေကလည်း သီချင်း တွေ ကို မြူးကြွ စွာနဲ့ သီဆို ဟစ်ကြွေးနေကြလေရဲ့။ ဒီလိုနဲ့ ပဲ အကြို နေ့လေး ကို လည်ပတ်ရင်းနဲ့ ညပိုင်း ၇ နာရီလောက်ရောက်တော့ ပြန်လာခဲ့ လိုက်သပါသတဲ့ဗျာ။

သင်္ကြန်အကျနေ့ ……..

အကြိုနေ့ ပြီး တော့ အကျ နေ့ မှာလည်း အကြို နေ့က အတိုင်းပါပဲ။ မနက်ပိုင်း မှာ တော့ မလည်ဖြစ်လိုက်ပါဘူး ။ ညနေပိုင်းမှ ပဲ လည်ဖြစ်ပါတယ်။ အကျ နေ့တော့ သူငယ်ချင်း တွေက ငါးယောက်ဖြစ်သွားတယ်ဗျ.။ မနေ့က ဘေးအိမ်နားကနေ ပါလာတဲ့ သူငယ်ချင်းတစ်ယောက်ရဲ့ အကိုနှစ်ယောက် ကလည်း ပါလာတော့ ၅ ယောက်ဆိုတော့ ဆိုင်ကယ် နှစ်စီးနဲ့ လည်တာပေါ့ဗျာ။ အဲဒီနေ့မှာလည်း ပထမဆုံး ၇၃ လမ်းကနေ စ၀င်ခဲ့ပါတယ်။ အဲဒီကနေမှ အရှေ့ဘက်ကို မြို့တော်ဝန် မဏ္ဍပ်မှာ အရင် ၀င်ပြီး ကဲလိုက်ကြပါတယ်။ကဲ တယ်ဆိုတာက တော့ ရေပတ်နေတဲ့ မဏ္ဍပ်တွေအောက်ဝင်ပြီး ရေစိုခံ တာကို ပြောတာပါဗျာ။ မြို့တော်ဝန် မဏ္ဍပ်ကနေမှ တဖြည်းဖြည်းချင်း အရှေ့ဘက်က မဏ္ဍပ်တွေဆီကို တစ်ခု ချင်း ၀င်ပြီး ရေပတ်ခံ လိုက်ကြ အပြင်ပြန်ထွက်လိုက်ကြပေါ့ဗျာ။ ဒီလိုနဲ့ ပဲ သူငယ်ချင်း ငါးယောက်မှာ ဆိုင်ကယ်က နှစ်စီးဆိုတော့ နှစ်ယောက်တစ်တွဲက ရှေ့က နေသွားရင်း နဲ့ ကွဲ သွားကြတယ်ဗျ။ အဲဒါနဲ့ ကျွန်တော်တို့ကတော့ သုံးယောက်စီးတာ ဆိုတော့ ကျုံးဘေးကနေ ရအောင်ထွက်ပြီး အပြင်မှာ ဆိုင်ကယ် ၀င်အပ်လိုက်ကြပြီးတော့ အယ်လ်ပိုင်း မဏ္ဍပ်ရှေ့မှာ ဟို သူငယ်ချင်း နှစ်ယောက်ကို ရှာဖွေရင်း ၀င်တိုးလိုက်ပါတယ်။ လူတွေကလည်း အရင်ရက်ကထက် ပိုပြီး စည်တယ်ဗျ။ ကားတွေကလည်း ပြည့် ၊ လူတွေကလည်း ပြည့်ညက်နေတာပဲ ၊ အဲဒီထဲ ကို ရအောင်တိုးကြပါတယ်။ အဲဒီလို တိုးရင်းနဲ့ သူ့တိုးလိုက်ကိုယ့်တိုးလိုက်ဆိုတော့ တစ်ယောက်နဲ့ တစ်ယောက်က သည်းခံနိုင်မှ တော်ကာ ကျသဗျ။ ဒါပေမယ့် ကျွန်တော်တို့ နဲ့ ပါလာတဲ့ သူငယ်ချင်း အကိုတစ်ယောက်က စိတ်က တော်တော် စပ်သဗျ.။ အတူတူတိုးကျ တာကို သူကလည်း သူ့ ကို တွန်းပြီး တိုးရပါမလား ဆိုပြီး ပြန်ပြီး ထိုးမလို့ လုပ်လို့ ဟိုဘက်က လူတွေကလည်း ပြန်ထိုးမယ် လုပ်တာ ပေါ့ဗျာ။ ဒီတော့ ကျွန်တော်တို့ နှစ်ယောက်က သူတို့ ကို မနည်း ပြန်တောင်းပန် ဟိုဘက်က တစ်ယောက်ကလည်း ပြန်တောင်းပန်နဲ့ လူအုပ်ကြားထဲက နေပဲ ပြန်ထွက်ခဲ့ လိုက်ရပါတော့တယ်။ အပြင် ပြန်ထွက်တော့ စောစောက ကွဲ သွားတဲ့ သူငယ်ချင်း နှစ်ယောက်ကို မဏ္ဍပ်ရဲ့ အနောက်ဘက်က ကျုံး ပလက်ဖောင်း ပေါ် မှာ ပြန်တွေ့ကြပါတယ်။ အဲဒီနှစ်ယောက်ထဲက သူငယ်ချင်းတစ်ယောက်က ဘီယာ သောက်တုန်းက မမူးပဲဗျာ။ ကွမ်းစား လိုက်တော့မှ ကွမ်းမူးလို့ ဆိုပြီး သူ့ ကို အမူး ပြေအောင်လုပ်လိုက်ရတာကို မောနေတော့တာပဲ။ သူကို ကွမ်းမူးပြေအောင်လို့ ရေတွေနဲ့ လောင်း ၊ ရေဘူးက ကုန်သွားတော့ သူ့အကိုတစ်ယောက်က ကျုံးဘေးကို ကျော်တက်ပြီး ကျုံးထဲ ရေဆင်းခပ် တယ်ဗျ။ ပြီးတော့ အဲဒီရေတွေနဲ့ ပြန်လောင်း နဲ့ လုပ်တော့ သူက အမူးပြေသွားပါတယ်။ အဲ…. သူမှ အမူးပြေကာ ရှိသေးတယ် သူ့အကိုအကြီးဆုံးက စပြန်ပြီဗျ… သူ့အကို အကြီးဆုံးက တော့ နေ့လည်ခင်းက သောက်ထားတာက အဲဒီအချိန်ကျ မှ ထမူးပါသတဲ့ဗျာ။ အငယ်ကောင်ကို အမူးပြေအောင်လုပ်ပြီးတော့ အခု အကြီးဆုံးလူ ကို အမူးပြေအောင် ပြန်လုပ်နေရပါတယ်။ သူ့ကိုလည်း စောစောက အတိုင်းပဲ အလတ်ကောင်က ကျုံးထဲ ရေတွေ ဆင်းခပ် တယ်။ ပြီးတော့ ရေတွေနဲ့ ခေါင်းပေါ်ကနေ လောင်း နဲ့ အမူးပြေအောင် မနည်း လုပ်လိုက်ရပါတယ်။ ကိုယ်တို့ လည်ရအောင်ကို လည်ချိန် မရလိုက်ပါဘူး ဗျာ။ သူတို့ အမူးပြေအောင် လုပ်ပေးနေရတာနဲ့ ကိုပဲ အချိန်က တော်တော်ကုန်သွားတယ်။ အဲဒါနဲ့ အကြီးဆုံးလူကို နည်းနည်း အမူးပြေအောင်လုပ်ပြီးတော့ ကျုံးအရှေ့ဘက် ဆက်သွားမယ် ဆိုပြီး ထွက်လာလိုက်တာ.. စောစောက နှစ်ယောက် စီးတဲ့ ဆိုင်ကယ်နဲ့ နှစ်ယောက်က နောက်ကနေလိုက်လာတာ။ ကျွန်တော်တို့ လည်း အပြင်မှာ ဆိုင်ကယ်အပ်ထားတဲ့နေရာ ရောက်လို့ ဆိုင်ကယ်ကိုထုတ်လည်း ပြီးရော ရှေ့နားကနေ စောင့်နေတာ.. အကြာကြီးပဲ ဗျာ။ သူတို့က ပေါ်ကို မလာဘူး ။ အဲဒါနဲ့ အဲဒီနားတစ်ဝိုက် ပြန်ရှာပါသေးတယ် မတွေ့ဘူးဗျ။ ပြီးတော့ ဆိုင်ကယ်ပေါ်မှာလည်း စောစောက အကြီးဆုံး အကိုက သိပ်အမူးမပြေသေးဘူးဗျ.။ ကျွန်တော်က ရှေ့က ထိုင်နေတာ ကို ကျွန်တော့ အပေါ်မှာ မှောက်နေလေ ရဲ့ ဗျာ။ အဲဒါနဲ့ ပဲ အလတ်လူကိုပြောရတယ်။ ဟိုလူတွေ သူတို့ ဘယ်သွားသွား နေပါစေတော့ ဆိုပြီး။ အကြီးဆုံး အကို ကို အိမ်ပြန်ပို့ လိုက်ကြပါတယ်။ အကြီးဆုံး အကိုကို အိမ်ပြန်ပို့ ပြီးတော့ ကျွန်တော်နဲ့ အ လတ်လူနဲ့က ဆိုင်ကယ် တစ်စီး ဖြစ်သွားတာပေါ့ဗျာ။ အဲဒါနဲ့ ကျွန်တော်တို့ နှစ်ယောက်က လည်း အချိန်စောသေးတာ နဲ့ပဲ ကျုံး ရဲ့ အရှေ့ ဘက်ကို ဆိုင်ကယ်တွေနဲ့ ပတ်ကြပါတယ်။ ကျုံး အရှေ့ ဘက်မှာ လည်း မဏ္ဍပ်တွေ ရှေ့ မှာ ရော မဏ္ဍပ်နဲ့ ဝေး သွားတဲ့ နေရာ တွေမှာ ပါ လူတွေ ၊ ကား တွေ ၊ ဆိုင်ကယ်တွေက တော့ ပြည့် လို့ ဗျာ။ ဒီနှစ် မန်းသင်္ကြန်ကလည်း တော်တော် စည်ကား တာကိုဗျ။ အဲဒါနဲ့ ပဲ ကျွန်တော်တို့ နှစ်ယောက်က ဟိုနှစ်ယောက်ကို လည်း ရှာမတွေ့တော့ ပဲ နည်းနည်း မှောင်လာ တော့ ပြန်လာ ခဲ့လိုက်ကြပါတော့ တယ်။ ဟိုလူ နှစ်ယောက်က လည်း ကျွန်တော်တို့ ထက် နောက်ကျ မှ ပြန်ရောက် လာခဲ့ ကြပါတော့တယ်။….. အဲဒါကတော့ သင်္ကြန် အကျနေမှာ လည်ဖြစ်ခဲ့တဲ့ အကြောင်းလေး တွေ ပါ။……….

သင်္ကြန်အကျတ်နေ့ ……

အကျတ်နေ့မှာ လည်း အရင်နေ့တွေက အတိုင်းပါပဲ။ မနက်ပိုင်းမှာ မလည်ဖြစ်လိုက်ပါဘူး။ အဆောင်ရှေ့မှာပဲ ကလေး တွေ ရေ ပတ်တာ ကို ထိုင်ကြည့်နေခဲ့ လိုက်ပါတော့တယ်။ နေ့လည်ပိုင်း ရောက်မှ ခါတိုင်း လာခေါ်တဲ့ သူငယ်ချင်း ရောက်လာတော့မှ ထွက်ဖြစ်လိုက်ပါတော့တယ်။ ဒီနေ့ တော့ မနေ့ က ညီအကို သုံးယောက်မှာ မူးပြီး မှောက်သွားတဲ့ အကိုအကြီးဆုံး နဲ့ ရန်စ တက်တဲ့ အလတ်လူတို့ က မလိုက် ရဲ ကြတော့ဘူးဗျ။ အဲဒါကြောင့် ထုံးစံ အတိုင်း ကျွန်တော်တို့ အရင်ရက်က သူငယ်ချင်း သုံးယောက် ပဲ ထွက်ပြီးလည်ခဲ့လိုက်ကြပါတယ်။ ဒီနေ့တော့ ကျွန်တော်တို့ ကိုလာခေါ် တဲ့ သူငယ်ချင်းက သောက်တာ တော်တော် များနေတယ်ဗျ။ ဆိုင်ကယ်ကိုတော့ သူ့ကို မမောင်းခိုင်းပါဘူး။ ကိုယ်တိုင်ပဲ မောင်းဖြစ်တာ ဆိုတော့ သူဘယ်လောက်မူးမူး ထိန်း လို့ ရသွားတာပေါ့ဗျာ။ ဒီနေ့ မှာလည်း စ လည်လိုက်တာက မြို့တော်ဝန် မဏ္ဍပ်ရှေ့ ကနေပဲ ဆိုင်ကယ်လေး ထိုး ထားပြီးတော့ ရေပတ်ခံ ဖို့ စ၀င်လိုက်ပါတယ်။ အဲဒီလို စ၀င်ဝင်ခြင်းပဲ စောစောက တော်တော် လေး မူးနေတဲ့ သူငယ်ချင်းက ရှေ့ ဆုံးက နေ တိုးသွားလိုက်တာ ဗျာ။ အဲဒါနဲ့ နောက်က သူငယ်ချင်း တစ်ယောက်ကို သူ့နောက်လိုက်ထိန်းဖို့ ထည့်လိုက်ပါတယ်။ ကျွန်တော်က တော့ ဆိုင်ကယ်က ဒီအတိုင်း ရပ်ထားတာ ဆိုတော့ ဆိုင်ကယ် ပြန်ကြည့်ရအုံးမှာမို့ အဝေး ကြီး မသွားဖြစ်ဘူးပေါ့ဗျာ။ စောစောက ထိန်းဖို့ ထည့်လိုက်တဲ့ သူငယ်ချင်းက ခဏနေတော့ ပြန်ရောက်လာပြီးတော့ ဟိုတစ်ယောက်တော့ သွားပြီ တဲ့ဗျာ။ ကျွန်တော်တော့ တိုးလို့ မရလို့ နောက်ပြန်ဆုပ်ခဲ့ ရတယ်တဲ့။ သူတို့ ဘယ်လို ရအောင် တိုးသွားမှန်းကို မသိဘူးတဲ့ဗျ။ သင်္ကြန် အကျတ်နေ့ ဆိုတော့လည်း အရင်ရက်က အတိုင်းပဲဗျ ။ ကားကြီးကားငယ်တွေနဲ့ ဆိုင်ကယ်တွေနဲ့ လူတွေနဲ့ အရမ်းကို ပြည့် ညက်နေတာပဲဗျ။ အဲဒါနဲ့ ပဲ ခဏနေ သူ ဒီဆိုင်ကယ် ရပ်ထားတဲ့ နေရာ ပြန်လာ လိမ့်မယ်ဆိုပြီး ဆိုင်ကယ်ပေါ်ကနေ ရပ်စောင့်နေကြတာပေါ့ဗျာ။ ရောက်မလာဘူးခင်ဗျ။ အဲဒါနဲ့ပဲ ဟိုလူကို ဆိုင်ကယ် အစောင့် ခိုင်းထားခဲ့ပြီးတော့ ကျွန်တော်က စောစောက မဏ္ဍပ်တွေကြားကို ရေပတ်ခံ ရင်းနဲ့ ၀င်ရှာပါတယ်။ မတွေ့ဘူးခင်ဗျာ။ ပြီးတော့ မြို့တော်ဝန် မဏ္ဍပ်ရှေ့က သီချင်း ဆိုနေတဲ့ ထဲ လည်း သွားရှာပါတယ်။ မတွေ့ပါဘူးဗျာ။ ကျွန်တော့် အထင်တော့ ဒီလူ အယ်လ်ပိုင်း မဏ္ဍပ် ဆီကို ခြေလျင် လျှောက်သွားပြီ ထင်တယ်..။ ဒါကြောင့် ဒီလူကို သုံးခါလောက် လှည့်ပတ်ရှာ ၊ ဆိုင်ကယ်နားကနေ ပြန်စောင့် မတွေ့ဘူးခင်ဗျ။ နောက်တော့ ကျွန်တော်တို့ လည်း အယ်လ်ပိုင်း မဏ္ဍပ်ဆီကို လိုက်လာခဲ့လိုက်ကြပါတော့တယ်။ အဲဒီ မဏ္ဍပ်ရောက်တော့လည်း လူတွေက ပြည့်ညက်နေတာ ဆိုတော့ တွေ့ဖို့ ရာ မလွယ်ဘူးပေါဗျာ။ ဒါပေမယ့် ရအောင် တိုး ပြီး ပြန်ရှာပါသေးတယ်။ ဘယ်လိုမှ ကို မတွေ့တဲ့ အဆုံး ပြစ်ထားခဲ့လိုက်တော့တယ်ဗျာ။.. တော်သေးတာပေါ့.. ဆိုင်ကယ်နဲ့ ဆိုင်ကယ်သော့က ကျွန်တော်တို့ ဆီမှာ ပါလာလို့ လေ..။ သူ့ကို မတွေ့ တော့ ကျွန်တော်တို့ နှစ်ယောက်က အရင်ရက်က အတိုင်း ပဲ ကျုံး အရှေ့ ဘက်ကို ၀င်ဖို့ အတွက်နန်းရှေ့ ကနေ လှည့်ပတ်သွားကြပြီးတော့ ကျုံးရှေ့က မဏ္ဍပ်တွေမှာ တစ်ခုချင်းဆီ ၀င်ပြီး ရေပတ်ခံ ပြီးတော့ ပြန်လာခဲ့ လိုက်ကြပါတော့တယ်။ ပြန်လာလိုက အဆောင်မှ မရောက်သေးဘူး ဖုန်း ဆိုလို့ သွားကိုင်လိုက်ပါတယ်။ အဲ……. ဘယ်က ဆက်လည်း ဆိုတော့ ကျွန်တော့် ရဲ့ နယ်က အိမ်က ဆက်တာ ခင်ဗျ။ ဘာပြောလဲ ဆိုတော့ မန္တလေး မှာ ဗုံး ကွဲ လို့ ဆိုလို့ ဆက်ကြည့်တာ တဲ့။ ဗျာ… အဲဒီအချိန်ကျမှ ကိုယ်တို့ကလည်း သင်္ကြန်မှာ ကဲ နေကြတာ ဆိုတော့ ဗုံးကွဲ တယ်ဆိုတဲ့ အသံလည်း မကြား ရပါဘူးပေါ့။ ဒါနဲ့ နေအုံး ခဏ ဆိုပြီး ဘေးက လူတွေကို လှမ်းမေးကြည့်မှ မန္တလေး ဟုတ်ဘူးတဲ့။ ရန်ကုန်မှာ ရေကစားမဏ္ဍပ်ရှေ့ မှာ ဗုံးသုံးလုံး ကွဲ တာတဲ့။ လူ ရှစ်ဦးသေ ပြီး တော်တော်များများ ဒဏ်ရာ ရတယ်တဲ့။ အဲဒီသတင်းကို မန္တလေး အက်ဖ်အမ် ကနေ ကြေငြာနေတယ်တဲ့ ။ အဲဒီလို ကြားရမှပဲ အိမ်ကို သေချာ ပြန်ပြောပြလိုက်ရပါတော့တယ်။… တော်ပါသေးရဲ့.. မန္တလေး မဟုတ်လို့…။ ခဏ နေတော့မှ နောက်ထပ် ဖုန်း တဲ့ ဆိုပြီ လာပြန်ရောဗျ.. ဒီတစ်ခါ ဖုန်းက တော့ စောစောက မူးပြီး မဏ္ဍပ်တွေကြား တိုး သွားတော့ ပျောက်သွားတဲ့ သူငယ်ချင်း ကဆက်တာပါ။ သူ့ကိုလာခေါ် ပါအုံး တဲ့ ဆိုလို့ 68 လမ်း က ၁၆ ကျောင်း နားလေး မှာ သွားပြီးတော့ ပြန်ခေါ် ခဲ့လိုက်ရပါတော့တယ်ဗျာ… ။ သူ့ ကိုမေး ကြည့်တော့ ဆိုင်ကယ်ပေါ်က ဆင်း ပြီးတော့ ရေကစားနေတဲ့ လူအုပ်ကြားထဲ တိုး သွားလိုက်တာ.. ဆိုင်ကယ် ဘယ်နား ရပ်ထားမှန်းကို မသိလို့ ပြန်မလာ ခဲ့တာတဲ့။ ဒါနဲ့ လူကြားတွေထဲ က နေ တိုးရင်း တိုးရင်းနဲ့ ပဲ… အယ်လ်ပိုင်း မဏ္ဍပ်ရှေ့ မှာ ပဲ ၀င်ကဲ နေလိုက်တာ ပါတဲ့ဗျာ……. ။ အဲဒီ သင်္ကြန်အကျတ်နေ့မှာပဲ ကျွန်တော်တို့ နယ်က အသိတွေက ကားနဲ့ လာလည်တာ ပြင်ဦးလွင်ကနေ ပြန်လာကြတယ်တဲ့။ အဲဒါနဲ့သူတို့ ဆီ သွားတော့ ညပိုင်းကို မြို့တော်ဝန်တို့ အယ်လ်ပိုင်းတို့ မှာ သီချင်းဆိုတာ ကို သွားကြည့်အုံးမယ်ဆိုလို့ ကျွန်တော်လည်း သူတို့ နဲ့ ညပိုင်းမှာ လိုက်သွားခဲ့ရပါတယ်။ ကျွန်တော်တိုက အုပ်စု သွားတဲ့ နေ့ မှာ ကံဆိုးတာ လားတော့မသိဘူးဗျ။ ညနေက ရန်ကုန်မှာ ဗုံးကွဲ ထားတာ ဆိုတော့ အဲဒီနေ့ ည မှာ.. သီချင်း မတော့တော့ဘူးတဲ့ဗျာ… အဲဒါနဲ့ ပဲ ပြန်လှည်လာခဲ့လိုက်ရပါတော့တယ်။ ဒါကတော့ သင်္ကြန် အကျတ်နေ့ က ကြုံခဲ့ ရတာလေးတွေပါ……. ။

သင်္ကြန်အတက်နေ့ ……….

အတက်နေ့ ရဲ့ အတွေ့အကြုံလေးတွေကတော့ တော်တော်များတယ်ဗျ။ ဘာဖြစ်လို့ လည်း ဆိုတော့ ကျွန်တော်က ဒီနေ့ မှာ အရင်ရက်က လာခေါ်တဲ့ သူငယ်ချင်း နဲ့ မလိုက်တော့ဘူးဗျ။ မနက်ပိုင်းကတည်းကပဲ အရင်ရက်က ရောက်လာတဲ့ ကျွန်တော်တို့ နယ်က ကားနဲ့ပဲ လိုက်သွားလိုက်လို့ ပေါ့ဗျာ။ မနက် ၈ နာရီခွဲလောက်ကတည်းက စထွက်လာခဲ့ကြပါတယ်။ ကျွန်တော်တို့ စထွက်တာ့ နန်းရှေ့ 62 လမ်း 25 လမ်း ဒေါင့်က ဘုန်းကြီးကျောင်းက နေစထွက်တယ်ခင်ဗျ။ အဲဒီက နေ စထွက်တော့် ကျုံးဘက်ကို အရင် ၀င်ကြည့်လိုက်ပါတယ်။ ဆီဒိုးနား ဟိုတယ်ရှေ့ေ၇ာက်တော့ ကားတွေက ပြည့်နေပါပြီဗျာ။.. ၀င်လို့ ကို မရတော့ပါဘူး။ အဲဒါနဲ့ ပဲ ၂၇ လမ်းဘက်ကို ပြန်ထွက်ပြီးတော့ ကျွန်တော်တို့ ကားက ဘုရားကြီးကို အရင် ဘုရားသွားဖူးလိုက်ပါတော့တယ်။ ဘုရားကြီးမှာလည်း မနက်အစောပိုင်းမို့လားပဲ တော်တော် စည်တယ်ခင်ဗျာ။ အော်.. ဗုဒ္ဓဘာသာ လူမျိုးတွေပဲလည်း အခါကြီးအရက်ကြီးမှာ.. ဘုရားကြီး ကိုသတိရကြတာ တကယ် သာဓု ခေါ် ပါတယ်ဗျာ။ ဘုရားကြီးကနေ ဘုရားဖူး ထွက်ပြန်လာတော့ ကျွန်တော်တို့ ကား ကဘယ်က နေ စ၀င်လိုက်လည်း ဆိုတော့ ကျုံးရဲ့ အနောက်ဘက်ကနေ စပြီး ၀င်လိုက်ပါတယ်။ ကျုံး အနောက်ဘက်မှာ လည်း မဏ္ဍပ် သိပ်မရှိဘူး ဆိုပြီး မစည်ကား ဘူး မထင်လိုက်နဲ့ ဗျို့။ မဏ္ဍပ် တွေ ရှိနေတဲ့ အတိုင်းပဲ ကျုံး ဘေးမှာ ကားတွေရော လူတွေေ၇ာ ကို ပြည့်နေတာ ပဲ။ ကျုံးရဲ့ အနောက်ဘက်ကတော့ ဘယ်လို ရေကစားကြလဲ ဆိုတော့ မီးစက်တွေ ချထားပြီးတော့ ရေ ပိုက်လုံးတွေနဲ့ ဒီအတိုင်း မဏ္ဍပ် မပါပဲ ပတ်ကြတာ ခင်ဗျ။ ကားတွေကလည်း ပြည့် ရေပတ်တဲ့ လူတွေကလည်း အပြည့်ပဲ။ ကျွန်တော်တို့ ကားတောင်.. ရှေ့ကို တိုးလို့ ရအောင်လို့ ကျွန်တော်က ရှေ့က နေ လမ်းပြ လုပ်လုပ် ပြီးတိုးလာ လိုက်ရတာ.. ကျုံး အနောက်မြောက်ဒေါင့်ကို ဘယ်လို ရောက်သွားမှန်းတောင် မသိလိုက်ပါဘူးဗျာ။ လူလည်း တော်တော် လည်း ပန်းတယ်ဗျ။ အဲဒီမနက်က။ ကျုံး အနောက်ဘက်က နေ ကျုံးမြောက်ဘက်ကိုပတ်လာခဲ့လိုက်ကြပါတယ်။ မြောက်ဘက်မှာတော့ အနောက်ဘက်ကလောက်မစည်ဘူးဗျ။ မဏ္ဍပ်က လည်း နည်းတယ်။ ပြီးတော့ အတက်နေ့ မနက် အစောကြီးက နေနဲ့ မိုးနဲ့ ချထားတော့ သစ်ပင် ကြီးတစ်ပင်က လဲသွားပြီး မဏ္ဍပ်ကို ဖြတ်စီးခြင်း ခံလိုက်ရသေးတယ်ဗျ။ ဒါကြောင့် ကျုံး ရဲ့ မြောက်ဘက်မှာက သိပ်ပြီးတော့ အကြာကြီး မနေခဲ့ရပဲ ခဏ နဲ့ ပဲ ပြန်ထွက်ခဲ့လိုက်ရတာပေါ့ဗျာ။ အဲဒီကနေ ကျုံးအရှေ့ဘက်ကို ကားနဲ့ ပတ်ပါတယ်။ ရေပတ်ခံ ထွက်တယ်ပေါ့ဗျာ။ ကျုံး အရှေ့ဘက်ရောက်တော့ နေ့လည်ပိုင်း ရောက်သွားပြီဆိုတော့ ရေပတ်တဲ့ မဏ္ဍပ်တွေကလည်း ထမင်းစား နားနေကြပြီလေ။ ဒါကြောင့် ကျွန်တော်တို့ လည်း ကျုံး အရှေ့ဘက် နန်းရှေ့ကနေ ပတ်ထွက်လာခဲ့ ပြီးတော့ ဥပိန်တံတားကို ထွက်လာ ခဲ့လိုက်ကြပါတော့တယ်.။ ဥပိန်တံတား နား မရောက်ခင် အမရပူရ မြို့ထဲ ကတည်းက ရေပတ်တဲ့ သူတွေ ကလည်း တော်တော် များတယ်။ ဒါကြောင့် ဖြည်းဖြည်းခြင်း ကားကို ရှေ့တိုးလာခဲ့လိုက်တာ.. တံတားနား ရောက်တော့ လမ်းကြောကပိတ်သွားပါလေရော..။ အဲဒီမှာတင် ကားပေါ်က လူတွေက အကုန်ဆင်းပြီးတော့ တောင်သမန်အင်း ထဲ မှာ ရေသွားကူး ကြတယ်ဗျ။ ကျွန်တော်ကတော့ ကားနားမှာပဲ နေရတာပေါ့ဗျာ။ ကားမောင်းတဲ့သူက ကျွန်တော့် အကိုဆိုတော့ ကျွန်တော်က ကား ရှေ့တိုး နောက်ဆုတ် လုပ်ရဖို့..နေပေးရတာပါ။ ဒီလိုနဲ့ ရဲသားတွေနဲ့ မော်တော်ပီကယ်တွေရဲ့ ကျေးဇူးနဲ့ အတက်ကားတွေကို ကုန်အောင် ရှင်းထုတ်လိုက်တော့ ကျွန်တော်တိုက ကားက တောင်သမန် ချောင်းဘေးကို ဆင်းခွင့်ရသွားတာပေါ့လေ..။ တောင်သမန် ကလည်း တော်တော်လေး ကို စည်တယ်ဗျ။ စားသောက်ဆိုင်တွေထဲမှာလည်း လူတွေကအပြည့်ပဲ။ ကျွန်တော်တို့ လည်း ကားထိုးထားပြီးတော့ ဗိုက်ဖြည့်ဖို့ စားသောက်ဆိုင်ထဲ ၀င်လိုက်တော့ နေရာတောင် တော်တော် ရှာ ယူ ပါတယ်။ ဆိုင်ထဲ လည်း ရောက်လို့ မေးလိုက်တော့ ထမင်း ဆီဆမ်း တစ်ပွဲ ဘယ်လောက်လဲ ဆိုတော့ ဘာမှ မပါပဲ ဆီဆမ်း တစ်ပွဲကို ငါးရာ တဲ့ဗျာ။ .. အောင်မလေ… သင်္ကြန် ရက်ကိုး………လို့ ပြန်လည် ဖြေလိုက်ရပါတယ်။ ငါးရာလည်း တွယ်ရမှာပဲ။ ထမင်း ဆီဆမ်း တွေ မှာ.လူက လေးငါးယောက်လောက်ဆိုတော့ ဆတ်သားခြောက်ထောင်း တစ်ပွဲ မှာလိုက်တယ်.. သုံးထောင်တဲ့ ခင်ဗျ။ ဈေးကတော့ ရှယ်ပဲ…။ အဲဒီမှာပဲ… မနက်စာကို ထမင်းဆီဆမ်းလေး နဲ့ စားသောက်လာခဲ့ကြပြီးတော့ ကားပေါ်က အုပ်စုလည်း အဲဒီမှာပဲ ၀င်စားကြပါတယ်။ စားလည်း ပြီးရော.. ကျွန်တော်တို့ အုပ်စု တောင်သမန်ကနေ ငါးရာတန် ထမင်းဆီဆမ်း လေး.. စားလာပြီးတော့ မြို့ထဲ ၀င်လာလိုက်ပါတယ်။ မြို့ထဲ ရောက်တော့ ဘယ်သွားမလဲ ဆိုတော့ မြို့တော် ဥယဉ် တဲ့ ။ အဲဒါနဲ့ မြို့တော်ဥယာဉ် မှာသွား ပြီးတော့ ကားပေါ် က ပါလာတဲ့ ကောင်မလေး တွေရော ယောကျာ်းလေး တွေရော.. မြို့တော်ဥယဉ်မှာ ကဲ ကြတာပေ့ါဗျာ။ ဟိုဟာ စီး ဒီဟာစီးပေါ့။ ကျွန်တော်ကတော့ မစီးချင်ဘူးခင်ဗျ။ တစ်ခုခု စီးရင်.. အနည်းဆုံး ၇၀၀ နဲ့ ၈၀၀ တွေဆိုတော့ နှမောလို့ သူများ စီးတာ ပဲ ဒီအတိုင်း ကြည့်လာခဲ့လိုက်တော့တယ်။ မြို့တော်ဥယဉ်က လည်း တော်တော်လေး စည်တယ်ခင်ဗျ။ မြို့တော် ဥယဉ်က နေ ထွက်လာပြီးတော့ ကျိုးတောင်ဘက်မှာ ဆက်တိုးမယ်ဆိုပြီး ၀င်တိုးလိုက်တာ.. အစပိုင်းနားရှိသေးတယ် တိုး မရလို့ မနည်း နောက်ဆုတ်ပြီးတော့ ပြန်ထွက်လာ ခဲ့လိုက်ရပါတော့တယ်။ အဲဒီက နေ ပြန်ထွက်လာပြီးတော့ ၂၇ လမ်းကနေ. ကျုံး အရှေ့ ဘက်ေ၇ာက်အောင် ပြန်သွားပြီးတော့ ကားပေါ်က အုပ်စု က အယ်လ်ပိုင်း မဏ္ဍပ်ရှေ့ တိုး ချင်တာဆိုလို. အရှေ့ ဘက်က နေ ပြန်တိုး ၀င်ပါသေးတးယ်.. ဒီလောက် ကားတွေ ရော လူတွေ ရော ပြည့်ညက်နေတာ ဆိုတော့ ဘယ်လိုမှ ၀င်မရတာ နဲ့ ပဲ ကျုံး အရှေ့ ဘက် ဒေါင့် နားလေး မှာ.. ကားကို ရပ်ထားခဲ့ ပြီးတော့ ကားပေါ် က အုပ်စုလိုက်ကို ခြေလျှင် တိုးခိုင်း လိုက်ပါတော့တယ်။ အဲ…….. ကျွန်တော်တို့ အုပ်စု ခြေလျှင် တိုး ဖို့ ၀င်သွားတဲ့ အခါမှာ.. ဆီဒိုးနား ဟိုတယ်ရှေ့ က နေ ဖြေးဖြေး ချင်း တိုး သွားလိုက်တာ.. အယ်လ်ပိုင်း မဏ္ဍပ်ရှေ့ ကို ရောက်ဖို့ မလွယ်ဘူးဗျ။ အဲဒီအချိန် မှာ အယ်လ်ပိုင်း ရဲ့ အရှေ့ဘက်က ရတနာပုံ မဏ္ဍပ်ရှေ့ ရောက်တော့ ခဏ ကြည့်နေတုန်း ရှိသေးတယ်.. မဏ္ဍပ်ပေါ်မှာ ရန်ပွဲ က ချနေကြပါတယ်။ အဲဒီရန်ပွဲ ကို အောက်နေကြည့်နေတုန်း ခဏ နေတော့ မဏ္ဍပ်ပေါ်မှာလည်း ရေပတ်တဲ့သူလည်း တစ်ယောက်မှ မရှိတော့ဘူး ရန်ဖြစ်တဲ့သူတွေပဲရှိတော့တယ်။ အဲဒီအောက်က နေမှ.. တစ်ချို့က ပြန်ပြစ်ကြနဲ့ ဆိုတော့ အဲဒီ မဏ္ဍပ်ရှေ့ မှာက လူတွေ လည်း ပြေးကုန်ကြတာပေါ့ဗျာ.. ။ အဲဒီလို ပြေးတဲ့ အချိန်မှာပဲ ကျွန်တော်တို့ အုပ်စု က အယ်လ်ပိုင်း မဏ္ဍပ်ရှေ့ ကို ရောက်အောင် တိုး သွားလိုက်ကြတာ ကျွန်တော်ကို မသိလိုက်ဘူး ဗျ.. ကျွန်တော် တစ်ယောက်ထည်း ကျန်ရစ်ခဲ့တော့တယ်။ အဲဒါနဲ့ အယ်လ်ပိုင်း မဏ္ဍပ်ရှေ့ ကို တစ်ယောက်ထဲ တိုး ပြီး ရှာပါသေးတယ်.. ဘယ်လိုမှ မတွေ့တာ နဲ့ ။ နောက်ဆုံး တော့ အဲဒီရှေ့ကနေ ပြန်ထွက်လာပြီးတော့ ဆီဒိုးနား ဒေါင့်က LCD တီဗီ ကြီးနဲ့ အယ်လ်ပိုင်း က သီဆိုနေတာ တွေကို တိုက်ရိုက် ပြထားတာ ကို ခဏ ရပ်ကြည့်ပြီး ကား ရပ်ထားရာ နေရာ ကိုပဲ ပြန်လာခဲ့လိုက်ပါတော့တယ်။… ကားပေါ်က အုပ်စုက တော့ အယ်လ်ပိုင်း ရှေ့ မှာ အားပေးနေလိုက်ကြတာ ကျွန်တော်တော့ ပျင်းလာတာနဲ့ ကားပေါ် မှာ ပဲ အိပ်လိုက်တာ တရေး ရတယ်ဗျ.. ။ စောစောက အုပ်စု ကတော့ တော်တော်ကြီး မှောင်မှ ပဲ ပြန်လာခဲ့ကြတော့ တယ်. ။ သူတို့ ပြန်လာတော့မှာပဲ… သူတို့ လည်း ကျွန်တော်တို့ နယ်ကို ညတွင်းခြင်းပဲ ပြန်သွားကြတယ်.. ကျွန်တော်လည်း သူတို့ တည်းတဲ့ ဘုန်းကြီးကျောင်းက နေမှ ပဲ ဆိုင်ကယ်လေး ယူပြီး ပြန်လာခဲ့လိုက်ပါတော့တယ် ခင်ဗျ……..။

ဒီလို နဲ့ ပဲ သင်္ကြန် လေးရက်လုံး လည်ပတ်ပြီးတော့ …. ၁၃၇၁ ခုနှစ်ရဲ့ နှစ်ဟောင်းက အညစ်အကြေးတွေကို ဆေး ကြော ပစ်ရင်း ၁၃၇၂ ခုနှစ်ရဲ့ နှစ်သစ်ကို ကြို ဆိုခဲ့လိုက်ပါတော့တယ်။ နှစ်ဆန်း တစ်ရက်နေ့ မှာတော့ ဘယ်မှ မလည်လိုက်ရတော့ပါဘူး။ ဘာကုသိုလ်မှလည်း မလုပ်လိုက်ရတော့ပါဘူး။ မနက်ကတည်းက အလုပ် ထည်း တန်းရောက်သွားလို့ ညပိုင်း မှ ပဲ အနားယူ အိပ်စက်လိုက်ရပါတော့တယ်။ ဒီထိ ရောက်အောင် ဖတ်လာခဲ့ ကြသော သူငယ်ချင်း များ ကို ကျေး ဇူးအထူး တင်ရှိပါတယ်ခင်ဗျ။ ဘာရယ် မဟုတ် ကျွန်တော် သင်္ကြန် လည်ပတ်တဲ့ အကြောင်းလေးကို နိုင်ငံ ရပ်ခြား မှာ ရောက်နေတဲ့ မန်းသင်္ကြန်နဲ့ ဝေးကွာနေတဲ့ သူငယ်ချင်း မိတ်ဆွေများ၊ ဘလော့ဂါ မောင်နှမများ အတွက် မန်းသင်္ကြန်လေးကို ကျွန်တော်နဲ့ အတူ စိတ်ကူးထဲကနေ ပြန်လည် ခံစားပြီး ပျော်ရွှင်စေလိုသော ရည်ရွယ်ချက်ဖြင့် ရေးသားလိုက်ရခြင်း ဖြစ်ပါတယ်။ သူငယ်ချင်းတို့ လည်း ပျော်တက်မယ်ဆို ရင် ဒီစာလေး တွေကို ဖတ်ပြီးတော့ မျှဝေ ပျော်ရွှင်နိုင်ပါတယ် ဆိုတဲ့ အကြောင်း ၊ ပြီးတော့ သူငယ်ချင်းတို့ အတွက် ဒီစာတွေ ကို ဖတ်လိုက် ရတဲ့ အတွက် ဘာမှ မျှဝေခံစားလို့ မရ ၊ ဗဟုသုတလည်း မရပဲ တန်ဖိုး ရှိတဲ့ အချိန်တွေ ဆုံးရှုံး သွားတယ် ဆိုရင် လည်း ကျွန်တော် ဒီနေရာ နေပဲ တောင်းပန်စကား ပြောကြားအပ်ပါတယ်……….။

စာလာဖတ်သော သူငယ်ချင်းတို့ အားလုံး နှင့်တကွ ဘလော့ဂါ ညီအကို မောင်နှမ များ အားလုံး လည်း ကျွန်တော်တို့ ရဲ့ မြန်မာ နှစ်သစ်လေး မှာ ပျော်ရွှင် ချမ်းမြေ့ကြပါစေကြောင်း ဆုမွန်ကောင်းတောင်းပေးလိုက်ပါတယ်……….။

ဒီနှစ်သင်္ကြန်မှာလည်း သူငယ်ချင်းတို့ အားလုံးလည်း သင်္ကြန်ရက်များအတွင်းမှာ အေးချမ်းပျော်ရွှင်စွာဖြင့် သင်္ကြန်ရက်များကို ဖြတ်သန်းနိုင်ကြပါစေကြောင်း ဆန္ဒပြုရင်း.........

ခင်မင်စွာဖြင့်...
ဇော်သိင်္ခ

ဗိုလ်ချုပ်အောင်ဆန်းနှင့် ကချင်ပြည်နယ် လူထု၏ မေတ္တာ စေတနာ

၁၉၄၆ ခုနှစ်၊ နိုင်ဝင်ဘာလ ၂၈ ရက် နံနက် စောစောပိုင်းမြစ်ကြီးနားမြို့တွင်ကား နှင်းများကျလျက် ခိုက်ခိုက်တုန်အောင် ချမ်းအေးလျက်ရှိသည်။ နံနက်စောစောဝေလီဝေလင်းနှင်းမှုန်တွေ တဖွဲဖွဲ ကျနေသည့်ကြားထဲတွင် မြစ်ကြီးနားမြို့တစ်မြို့လုံး လှုပ်လှုပ်ရှားရှားဖြစ်နေသည်။ မြို့လူထုကြီးသည် မြောက်ဘက်စူးစူးဆီသို့ စီတန်း၍ ခပ်မှန်မှန် ချီတက်သွားနေကြသည်။ ချီတက်သွားနေသောလူထုကြီးကို ကြည့်လိုက်သည့်အခါ ဂျိန်းဖော(ကချင်) အမျိုးသားများ၊ အခြား တိုင်းရင်းသားများ၊ ဗမာများ၊ ကုလား၊ တရုတ်များနှင့် ပြည်သူ့ရဲတပ်ဖွဲ့များ စသည်ဖြင့် ပါဝင်နေကြသည်။

အောက်မြန်မာနိုင်ငံတွင် တိုင်းပြည်နှင့် လူမျိုးအတွက်ကိုယ်ကျိုးစွန့် အနစ်နာခံကာ လှုပ်ရှား ဆောင်ရွက်နေသော ဗိုလ်ချုပ်အောင်ဆန်း အကြောင်းသည် မြန်မာပြည် မြောက်ဖျား တိုင်အောင် ကျော်ကြား လာနေသည်။ ယခုလည်း ဗိုလ်ချုပ်အောင်ဆန်းသည် ပထမဆုံး အကြိမ် ကချင်ပြည်နယ် မြစ်ကြီးနားမြို့သို့ ရန်ကုန်မှနေ၍ ရောက်လာတော့မည် ဖြစ်သဖြင့် မြစ်ကြီးနားရှိ လူမျိုးပေါင်းစုံ၊ အဖွဲ့အစည်းပေါင်းစုံမှ သောင်းသောင်းဖြဖြ ကြိုဆိုရန် မြို့မြောက်ဘက် လေယာဉ်ကွင်းဆီသို့ ချီတက်သွားနေကြခြင်းဖြစ်သည်။

ဗိုလ်ချုပ်အောင်ဆန်းသည် ဘုရင်ခံ အတိုင်ပင်ခံ အစိုးရအဖွဲ့တွင် ကာကွယ်ရေး ဝန်ကြီးအဖြစ် ကချင် သေနတ်ကိုင် တပ်ရင်းကို လာရောက် စစ်ဆေးခြင်းဖြစ်သည်။ ထိုနေ့ညနေ ၃ နာရီခွဲတွင် မြစ်ကြီးနားမြို့ ကုန်သည်ကြီးများအသင်းကဗိုလ်ချုပ်အောင်ဆန်းအား လက်ဖက်ရည်ပွဲဖြင့် ဧည့်ခံကြသည်။ ကုန်သည်ကြီးများအသင်းမှ ဆိုသော်လည်း ထိုလက်ဖက်ရည်ပွဲသို့ အဖွဲ့ပေါင်းစုံ လူထုပေါင်းစုံ တက်ရောက် လာကြလေသည်။

နိုင်ဝင်ဘာ ၂၉ ရက်နေ့ နံနက်ပိုင်းတွင် အမှတ် ၂ ကချင်ရိုင်ဖယ်တပ်ကို သွားရောက် စစ်ဆေးကြည့်ရှု့သည်။ ဗိုလ်ချုပ်အောင်ဆန်းက သြဝါဒစကားပြောကြားခဲ့သည်။ ထိုသို့ပြောကြားရာတွင် ကချင်ဗမာ ချစ်ကြည်ရေးအကြောင်း။ လွတ်လပ်လာမည့် မြန်မာနိုင်ငံတွင်တိုင်းရင်းသား လက်နက်ကိုင်တပ်များ လိုအပ်မည့် အကြောင်းနှင့် ယခု တပ်တွင်းရှိ ရဲဘော်များ၏ ပြဿနာများကိုလည်းမကြာမီ ဖြေရှင်းပေးသွားမည်ဟု ပြောကြားခဲ့သည်။

ကချင်စစ်တပ်မှ ရဲဘော်များနှင့် အရာရှိများသည် နာမည်သာ ကြားဖူးသည့် ခေါင်းဆောင်ကြီး ဗိုလ်ချုပ်အောင်ဆန်း၏ စကားပြောသံကို ကြားရသည့်အခါ အလွန်တရာမှ စိတ်တက်ကြွ နှစ်ထောင်းအားရ ဖြစ်သွားကြသည်။

``ဗိုလ်ချုပ် အခုလို ကျွန်တော်တို့ တပ်ကို လာပြီး ကြည့်ရှု စစ်ဆေးတာကို ကျွန်တော်တို့ဖြင့် အင်မတန်ပဲ ဝမ်းသာ အားရ ဖြစ်ပါတယ်။`` ဟု ဂျိန်းဖောကချင် အမျိုးသားအရာရှိ ဗေဂျာလဇွန်ဟ်တန်က ပြောပြသည်။

နိုင်ဝင်ဘာ ၂၉ ရက်နေ့ မွန်းလွဲ ၂ နာရီအချိန်တွင် မြစ်ကြီးနားမြို့ရာဇဝင်တွင် အကြီးများဆုံး လူထု အစည်းအဝေးပွဲကြီး ကျင်းပ လေသည်။ ထိုအစည်းအဝေးပွဲကြီးသို့ မြစ်ကြီးနားမြို့ အနီးအနား ပတ်ဝန်းကျင်က သာမက မိုးကောင်း၊ ဟိုပင် စသည်တို့မှလည်းကောင်း၊ ဗန်းမော်၊ ကသာတို့မှ လည်းကောင်း လူထုကြီးများ စုရုံးရောက်ရှိလာကြည်သည်။ ထိုဒေသများမှ ဖဆပလ ခေါင်းဆောင်များလည်း တက်ရောက်ကြည်သည်။ ဂျိန်းဖောကချင် ဒူဝါကြီးများနှင့် ခေါင်းဆောင်များကိုလည်း စုံစုံလင်လင် တွေ့ရလေသည်။ အစည်းအဝေး မစတင်မီ ဂေါ်ရခါး အမျိုးသမီးတစ်ဦးက ဗိုလ်ချုပ်အောင်ဆန်းအား ပန်းကုံးစွပ် လေသည်။ ဂေါ်ရခါးလူမျိုးတို့၏ ထုံးစံမှာ ဤသို့ ပန်းကုံးစွပ်ခြင်းသည် အမှန်တကယ် ကြည်ညို လေးစား၍ ခင်မင် ရင်းနှီးသည့် အထိမ်းအမှတ် ဖြစ်သည်ဟု ဆိုသည်။

ထို့နောက် ဗိုလ်ချုပ်အောင်ဆန်းက စကားဟောပြောလေသည်။ ဗိုလ်ချုပ်က ခက်ခဲ၍ အဓိပ္ပာယ် ရှုပ်လှသော နိုင်ငံရေး၊ စကားလုံးများကို မသုံး၊ မပြောဘဲ တကယ့် ဆင်းရဲသား လူထုကြီးနားလည်နိုင်သည့် စကားတို့ဖြင့် လက်ရှိ ဗမာပြည် အခြေအနေ၊ ဖဆပလအဖွဲ့ကြီး အကြောင်းနှင့် ဂျိန်းဖော ဗမာ ချစ်ကြည်ရေးအကြောင်းကို ခပ်ရှင်းရှင်း ဟောပြောလေသည်။ ဗိုလ်ချုပ် ဟောပြောပြီးသည့်အခါ မိုးကောင်းနယ်မှ ဂျိန်းဖောဒူဝါ တစ်ဦးဖြစ်သော ဆမားဒူဝါ ဆင်ဝါနောင်က ဗိုလ်ချုပ်ပြောသွားသည်များကို ကချင်ဘာသာဖြင့် ပြန်ပြောပြလေရာ ကချင် လူထုကြီးမှာ များစွာ သဘောကျ နှစ်သက်ကြလေသည်။

လူထုအစည်းအဝေးကြီး အပြီးတွင် ဗိုလ်ချုပ်အောင်ဆန်းသည် ဂျိန်းဖောကချင် အမျိုးသား ခေါင်းဆောင်များ၊ ဒူဝါများနှင့် သီးသန့် တွေ့ဆုံပြီး ရင်းနှီးပွင့်လင်းစွာ တိုင်ပင် ဆွေးနွေးလေသည်။

နိုင်ဝင်ဘာလ ၃၀ ရက်နေ့တွင် မြစ်ကြီးနား မြောက်ဘက် ၅ မိုင်ကွာ ကန်ခရင်ခေါ် ကချင်ရွာကလေး၌ ဗိုလ်ချုပ်အား ကချင်လူမျိုးတို့၏ ထုံးစံအတိုငး နံနက် ထမင်းတည်ခင်း ကျွေးမွေး လေသည်။

ရွာအလယ်ရှိ စာသင်ကျောင်းဝင်းအတွင်း၌ ဝါးမဏ္ဍပ် တစ်လုံးထိုး၍ တစ်ရွာလုံးက ဖော်ရွေစွာ ခရီးဦးကြိုပြုလျက် ကချင် ဓလေ့ ထမင်းပွဲကို တည်ခင်း ဧည့်ခံခဲ့သည်။ ဆရာဇော်လွန်း ကိုယ်တိုင် သွားရောက် ငှဲ့ယူပေးသော ကချင် အရက်တစ်ခွက်ကို ဗိုလ်ချုပ်က သောက်ရပြီး လာရောက် ချပေးသော ကချင်ထမင်းထုပ်ကို ဖြည်၍ စားရလေသည်။ ဖက်ခွက်ထိုး၍ ထည့်ထားသော ဟင်းချို သောက်နည်းကိုပင် ကချင်တို့က ဗိုလ်ချုပ်ကို ပြသ ပေးလေသည်။

ဂျိန်းဖော အမျိုးသမီး တစ်ဦးက ရှေ့ထွက်လာပြီး ကချင် ဓားတစ်လက်နှင့် လွယ်အိတ် တစ်လုံးကို ဗိုလ်ချုပ် အောင်ဆန်းအား လက်ဆောင်ပေးလေသည်။ ပေးရင်းနှင့် ထိုအမျိုးသမီးက အောက်ပါအတိုင်း ပြောလေသည်။

``ဒီဓားနဲ့ လွယ်အိတ်ဟာ တန်ဖိုး အားဖြင့်တော့ သိပ်အဖိုးမတန်လှပါဘူး။ ဒါပေမဲ့ ကျွန်မတို့အဖို့မှာတော့ အင်မတန် ရင်းနှီးတဲ့ ဆွေမျိုးသားချင်း မောင်နှမ အရင်းလို လူကိုသာ ပေးလေ့ရှိပါသည်။ ပစ္စည်းက အဖိုးမတန်ပေမယ့် တကယ် အဖိုးတန်တဲ့ စေတနာနှင့် ပေးတာပါရှင်``

ထမင်းစားပွဲတွင်လည်း ဗိုလ်ချုပ်အောင်ဆန်းသည် ကချင်ခေါင်းဆောင်များနှင့် ရင်းနှီးစွာ ဆွေးနွေးခဲ့ကြလေသည်။ ကချင် ဗမာ သွေးစည်းရေး မိတ်ဆက်ပွဲ ဖြစ်သဖြင့် နောင်တွင်လည်း အမှတ်တရ ဖြစ်စေခြင်းငှာ ဓာတ်ပုံရိုက် မှတ်တမ်းတင်လေသည်။

ဓာတ်ပုံထဲတွင် ပါသော ဗိုလ်ချုပ်အောင်ဆန်း၏ လွယ်အိတ်နှင့် ဓားမှာ ကချင် အမျိုးသမီးလေး တစ်ဦစး၏ လက်ဆောင်ဖြစ်သည်။. ခေါင်းတွင် ဆောင်းထားသော ခေါင်းပေါင်းမှာ ကချင် လူငယ် ခေါင်းဆောင် ဦးဇော်ရစ် ၏ ခေါင်းပေါင်း ဖြစ်သည်။

နောက်တစ်နေ့ နံနက်စောစောတွင် ဗိုလ်ချုပ်အောင်ဆန်းသည် ကချင်ပြည်နယ် မြစ်ကြီးနားမှ ရန်ကုန်သို့ ပြန်ခဲ့လေသည်။

ဗိုလ်ချုပ်အောင်ဆန်း သည် မြစ်ကြီးနားမြို့သို့ ရောက်လာပြီး ကချင်လူမျိုးတို့ မေတ္တာနှင့် စေတနာကို သယ်ဆောင်ခဲ့ပြီး ကချင်ဗမာ သွေးစည်းရေး ညီညွတ်ရေး အုတ်မြစ်ကို ချမှတ်ခဲ့လေတော့သည်။

ရည်ညွှန်း- ``ဂျိန်းဖော ကချင်များကြား ရောက်ခဲ့သော ဗိုလ်ချုပ်`` ပြည်သူ့ရဲဘော် ဂျာနယ်၊ အတွဲ ၁ အမှတ် ၃၂ ( ၁၈၊ဒီဇင်ဘာ၊ ၁၉၄၆) ထုတ်မှ ပြန်လည် ဖော်ပြသည်။)

တင်ဆွေမိုး (ပြည်သူ့ခေတ်ဂျာနယ်၊ အတွဲ ၂၊ အမှတ် ၈၄၊ မတ်လ ၁ ရက် ၂၀၁၂)

ခင်မင်စွာဖြင့်…

ဇော်သိင်္ခ

ကျောင်းသားခေါင်းဆောင် ဗိုလ်အောင်ကျော်

ဒီဇင်ဘာ ၂၂ ရက်နေ့မှာ တိုင်းပြည်နှင့် လူမျိုးအတွက် အသက်ပေးသွားခဲ့ရသော ကျောင်းသားခေါင်းဆောင် ဗိုလ်အောင်ကျော်ကို ပြန်လည် အမှတ်ရစေသော အားဖြင့် ဗိုလ်အောင်ကျော်၏ အကြောင်းဆောင်းပါးကို ပြည်သူ့ခေတ် ဂျာနယ်မှ တင်မိုးဆွေ ရေးသားသော ဆောင်းပါးလေးအား ပြန်လည် ရေးသား မျှဝေ ဖော်ပြပေးလိုက်ရပါတယ်။

ဗိုလ်အောင်ကျော်သည် ၁၃၀၀ ပြည့်အရေးတော်ပုံခေတ်က တိုင်းပြည်နှင့် လူမျိုးအတွက် အသက်နှင့် လဲသွားသော ကျောင်းသားခေါင်းဆောင် တစ်ယောက် ဖြစ်သည်။ အမည်ရင်းမှာ ကိုအောင်ကျော် ဖြစ်သော်လည်း အာဇာနည် ခေါင်းဆောင် တစ်ယောက်အနေနှင့် ဗိုလ်အောင်ကျော် ဟု ခေါ်ကြသဖြင့် ထိုအမည်နှင့်ပင် မြန်မာ့ သမိုင်းတွင် ထင်ရှားကျော်ကြားခဲ့သည်။

ကိုအောင်ကျော်ကို မြန်မာသက္ကရာဇ် ၁၂၇၇ ခုနှစ် တပို့တွဲလဆုတ် ၉ ရက် တနင်္ဂနွေနေ့တွင် ဟင်္သာတခရိုင် မဲဇလီကုန်း၊ ရုံးဇင်ရွာတွင် အဖ အလယ်တန်းကျောင်းဆရာကြီး ဦးကျော်ဒင်၊ အမိ ဒေါ်ရွှေကျော့တို့မှ ဖွားမြင်သည်။ ညီအစ်ကို မောင်နှမ တစ်ကျိပ် တစ်ယောက် ရှိသည့် အနက် အဠမမြောက် မွေးဖွားခဲ့သူ ဖြစ်သည်။ မွေးချင်းပေါက် ဖော်များမှာ ဖခင်ကြီးကဲ့သို့ ကျောင်းဆရာ ဆရာမ များသာ ဖြစ်ကြသည်။ ကိုအောင်ကျော် သည် ဖခင်ကြီး၏ အလယ်တန်းကျောင်းတွင် သူငယ်တန်းမှ စ၍ ခြောက်တန်းအထိ ပညာဆည်းပူးခဲ့သည်။

ထို့နောက် အမျိုးသား ကျောင်းများ ပေါ်ပေါက်လာချိန်တွင် ဇာတိရုံးဇင်ရွာနှင့် တစ်မိုင်ခန့် ဝေးသော မဲဇလီင်္ကုန်းရှိ အမျုိးသား အလယ်တန်းကျောင်းသို့ ပြောင်းရွှေ့ကာ အင်္ဂလိပ်မြန်မာ နှစ်ဘာသာပညာ သင်ယူသည်။ ထိုကျောင်းမှပင် ကိုအောင်ကျော်သည် အမျိုးသားစိတ် ဗီဇကို ရရှိခဲ့သည်ဟု ဆိုရပေမည်။

မဲဇလီကုန်းမြို့ အမျိုးသား အလယ်တန်းကျောင်းမှ သတ္တမတန်း အောင်မြင်ပြီးနောက် ဟင်္သာတမြို့ရှိ ဒေါက်တာ ကမ်းမင်း အထက်တန်းကျောင်းတွင် မိဘဆွေမျိုးများ၏ ဆန္ဒအရ အထက်တန်းပညာများကို ဆက်လက် သင်ယူခဲ့သည်။

ယင်းသို့ အနောက်တိုင်းဆန်သူများ နေလေ့ရှိသော ကျောင်းတွင်ကိုအောင်ကျော်အတွက်မျက်စိနောက်စရာများနှင့် သာ တွေ့နေရသဖြင့် ထိုဓလေ့ထုံးစံများကို သရော်သည့်အနေဖြင့် ကိုအောင်ကျော်သည် ခုံဖိနပ်စီး၊ ပင်နီတိုက်ပုံဝတ်၊ ကတုံးဆံထောက်ညှပ်၊ ဘုကျကျ၊ ခွကျကျ နေထိုင်ခဲ့သည်။ သို့ရာတွင် ပညာရေးဘက်၌မူ ထူးချွန်သူဖြစ်သဖြင့် ၁၉၃၄ ခုနှစ်တွင် ဆယ်တန်း စာမေးပွဲကို အောင်မြင်ခဲ့လေသည်။

ဆရာများ၏ ဆုံးမစကားကို နာယူတက်သူ တစ်ယောက် ဖြစ်သဖြင့် ကိုအောင်ကျော်သည် ဟင်္သာတကျောင်းမှ ဆရာများ၏ လမ်းညွှန်မှုအရ ၁၉၃၄-၃၅ ပညာသင်နှစ်တွင် ဂျပ်ဆင်ကောလိပ် တက်ရောက် ပညာသင်ယူခဲ့သည်။ မြန်မာဘာသာ၊ စီးပွားရေး ပညာရပ်တို့ကို ယူ၍ တက္ကသိုလ် ပညာကို သင်ယူခဲ့ရာ မြန်မာစာပေတွင် ထူးချွန်သဖြင့် မြန်မာစာ ကထိက ဦးထွန်းဖေက မြန်မာစာဂုဏ်ထူးယူရန် တိုက်တွန်းခဲ့သည်။

အမျိုးသားစိတ်ဓာတ် ပြင်းထန်သော ကိုအောင်ကျော်သည် ကောလိပ်ကျောင်းမှ အနောက်တိုင်းဆန်ဆန် ပွဲသဘင်များကို မျက်စိစပါးမွေး စူးခဲ့သည်။ ကပွဲသဘင် အခမ်းအနားများသို့ ခုံဖိနပ်စီး၍ ဝင်ခြင်း ပွဲသဘင်အခန်းမှ တစ်ယောက်တည်း ဆန့်ကျင်၍ ထွက်ခဲ့ခြင်းများ လုပ်ခဲ့လေသည်။ အမျိုးသားစိတ်ဓာတ်ကို အမူအရာနှင့်သာမက အဟောအပြောတို့နှင့်လည်း ပြသခဲ့သည်။ ပါတော်မူနေ့နှင့် အမျိုးသားအောင်ပွဲနေ့များသို့ ရောက်တိုင်း လိုလိုပင် ကိုအောင်ကျော်သည် မိမိမြို့နယ်သို့ အမျိုးသား လှုံ့ဆော်ရေးတရားများ သွားရောက် ဟောပြောခြင်း၊ စာကြည့်တိုက်များ ဦးစီးဖွင့်လှစ်ပေးခြင်း၊ စကားရည်လုပွဲများ၊ စောပြောပွဲများကို လုပ်ကိုင်နိုင်ရန် စီးစဉ်ပေးခြင်းများ ပြုလုပ်ပေးခဲ့သည်။ တစ်ခါတစ်ရံ ကျောင်းပိတ်ရက် အတွင် ခရမ်း၊ သုံးခွဘက်သို့ စည်းရုံးရေး ဆင်းနေရသည့်အခါ နေရင်းရပ်ရွာရှိ မိတ်ဆွေ သူငယ်ချင်းများထံ သူကိုယ်တိုင် မလာရောက်နိုင်သဖြင့် မည့်သည့် လုပ်ငန်းစဉ်များ လုပ်ဆောင်သင့်ကြောင်း အကြံပေး စာများရေးသားပေးပို့ခဲ့သည်။

ပါတော်မူနေ့ တစ်ရက်တွင် ကိုအောင်ကျော်သည် ဂျပ်ဆင်ကောလိပ် ကြော်ငြာသင်ပုန်းတွင် နယ်ချဲ့တော်လှန်ရေး ဆောင်းပါးအနေဖြင့် ``ဤနေ့ရောက်တိုင်း နိုင်ငံခြားသားများကို စိတ်နာသည်၊ ဤနေ့တွင် နိုင်ငံခြားသားများနှင့် အလိုတော်ရိများကို စကားမပြောလို`` စသည်ဖြင့် မင်နီဖြင့် ရေးသားကာ ကပ်ထားခဲ့ဖူးသည်။

၁၉၃၈ ခုနှစ် ဇူလိုင်လတွင် ကုလားဗမာ အဓိကရုဏ် ဖြစ်ပွားစဉ်အခါက ကိုအောင်ကျော်၏ ဇာတိမြို့ကလေးတွင်လည်း ဖြစ်ပွားသဖြင့် အဖမ်းခံရသူအများအပြားရှိခဲ့သည်။ ထိုစဉ် ကိုအောင်ကျော်သည် ဟင်္သာတသို့ရောက်လာကာ ဟင်္သာတဦးမြ၊ ပါလီမန်အမတ် ဦးဟိန်တို့နှင့် တိုင်ပင်၍ ဟင်္သာတထောင်သို့ ဝင်ရောက် ကြည့်ရျုပြီး အဖမ်းအဆီးခံနေရသူများကို အားပေးစကား ပြောဆိုခဲ့သည်။ ၁၃၀၀ ပြည့်အရေးတော်ပုံ မတိုင်မီကိုအောင်ကျော်သည် ကျောင်းသားခေါင်းဆောင် သမဂ္ဂ ဒုတိယဥက္ကဠ ကိုလှရွှေ၊ ကိုသိန်းအောင်တို့နှင့်အတူ မဲဇလီကုန်းသို့ ရောက်ရှိလာပြီး ကျောင်းသားများ သပိတ်မှောက်ရေးကို လှုံ့ဆော်ခဲ့သည်။

၁၃၀၀ ပြည့် အရေးတော်ပုံတွင် ကိုအောင်ကျော်သည် ကျောင်းသားသမဂ္ဂ အမှုဆောင်တစ်ဦးဖြစ်သဖြင့် အရေးတော်ပုံအတွက် မအားမလပ်အောင် ဆောင်ရွက်ခဲ့ရသည်။ ရေနံမြေ သပိတ်မှောက် အလုပ်သမားများအား ဆူပူအောင် လှုံ့ဆော်ဟောပြောမှုဖြင့် တက္ကသိုလ် သမဂ္ဂ ဥက္ကဠကိုဗဟိန်းနှင့် အတွင်းရေးမှူး ကိုဗဆွေတို့အား အစိုးရက ဖမ်းဆီးလိုက်သည့်အခါ ၁၉၃၈ ခုနှစ် ဒီဇင်ဘာလ ၁၃ ရက် ညတွင် ရန်ကုန်တက္ကသိုလ် သမဂ္ဂ အသင်းတိုက်၌ ကိုအောင်ကျော် အပါအဝင် အမှုဆောင်အဖွဲ့သည် ဆွေးနွေးတိုင်ပင်ပြီးနောက် ရန်ကုန်နှင့် မကွေးတွင် ထုတ်ထားသော ပုဒ်မ ၁၄၄ ကို ရုပ်သိမ်းပေးရန်နှင့် ဖမ်းဆီးထားသော ကျောင်းသား ခေါင်းဆောင်များကို ပြန်လွှတ်ပေးရန် အစိုးရထံ တောင်းဆိုခဲ့သည်။ သို့ရာတွင် တောင်းဆိုချက်များ မရသဖြင့် ဒီဇင်ဘာ ၁၅ ရက်နေ့တွင် ရန်ကုန်ရှိ ကျောင်းပေါင်းစုံ မှ ကျောင်းသားများ သည် မြို့မကျောင်းဝင်းအတွင်း စုရုံးပြီးနောက် ပုဒ်မ ၁၄၄ ကို ကန့်ကွက်သည့်အနေနှင့် စီတန်း လမ်းလျှောက် ဆန္ဒပြကြသည်။ ထိုသို့ စီတန်းလမ်းလျှောက် ဆန္ဒပြရာတွင် ကိုအောင်ကျော်သည် ဦးဆောင်အဖွဲ့တွင် ပါဝင်ပြီး ကြွေးကြော်သံများကို ရှေ့မှတိုင်၍ လိုက်ပါခဲ့သည်။

ထိုသို့ ဆန္ဒပြ၍ တောင်းဆိုချက်များကို အစိုးရက မလိုက်လျောသဖြင့် အစိုးရ အုပ်ချုပ်ရေး ကြိုးကိုင်ရာဖြစ်သော အတွင်းဝန်ရုံးကြီးကို ဝိုင်း၍ အာဏာဖီဆန်သည့် သဘောနှင့် ဆန္ဒပြရန် ဆုံးဖြတ်ကြလေသည်။ ဆုံးဖြတ်ချက်အတိုင်း ဒီဇင်ဘာ ၂၀ ရက်နေ့ နံနက်တွင် ကျောင်းပေါင်းစုံမှ ကျောင်းသား တစ်သောင်းကျော်နှင့် အတွင်းဝန်ရုံးကို ဝိုင်း၍ ဆန္ဒပြကြရာ ကိုအောင်ကျော်က သူရိယသတင်းစာတိုက်ဘက် အတွင်းရုံး အဝင်ပေါက်ဘက်၌ ကျောင်းသား ကျောင်းသူများနှင့် ဆန္ဒပြ သပိတ်ထားရာ၌ ခေါင်းဆောင်ရလေသည်။ ယင်းသို့ ဆန္ဒပြသပိတ်ထားရာ နေ့လယ် ၁ နာရီခန့်တွင် အတွင်းဝန်ရုံးကြီးသည် ဘာမျှလုပ်၍ မရသဖြင့် ရုံးကြီးကို ပိတ်လိုက်ရသည်။

ထိုအခါ ကျောင်းသားများ တပ်ခေါက်ပြန်မည်အပြုတွင် လက်နက်ဟူ၍ အပ်တစ်ခေါင်းမျှ မပါသော ကျောင်းသားများအား နယ်ချဲ့ လက်ပါးစေ ပုလိပ်များက နံပါတ်တုတ်ဖြင့် အတင်းဝင်ရောက် ရိုက်နှက်ရာ ကိုအောင်ကျော် အပါအဝင် ကျောင်းသား ကျောင်းသူ ၂၀၀ ကျော် ဒဏ်ရာရရှိခဲ့သည်။ ကိုအောင်ကျော်၏ ဒဏ်ရာသည် ပြင်းထန်သဖြင့် ဒီဇင်ဘာလ ၂၂ ရက်နေ့ မွန်းလွဲ ၂ နာရီတွင် ရန်ကုန် ဆေးရုံကြီး၌ သူချစ်မြတ်နိုးလှသော တိုင်းပြည်နှင့် လူမျိုးကို စွန့်ခွာသွားရလေသည်။

ကိုအောင်ကျော်၏ ဈာပနသည် မြန်မာတစ်နိုင်ငံလုံးအား တပ်လှန့်နှိုးသကဲ့သို့ နိုးကြားမှုကို ဖြစ်စေသည်။

``အသက်သေချင်သေပါစေ၊ နောက်လူများ အတုယူဖွယ် အလုပ်တစ်ခုကို လုပ်ပြချင်သည်``ဟု ပြောခဲ့ဖူးရာ ကိုအောင်ကျော်၏ ဆန္ဒကား ပြည့်ဝခဲ့သည်ဟု ဆိုရပေမည်။

ကိုအောင်ကျော်သည် အမျိုးသား စိတ်ပြင်းထန်ရုံမျှမက စာပေဘက်၌လည်း ဝါသနာထုံသူဖြစ်သည်။ ကောလိပ်ကျောင်းရောက်၍ မကြာခင်မှာပင် စာရေးဆရာကြီး မဟာဆွေနှင့် ခင်မင် ရင်းနှီးသွားခဲ့သည်။ စာရေးဆရာကြီး မဟာဆွေနှင့် စာပေရေးရာများကို အမြဲတမ်း သွားရောက် ဆွေးနွေးလေ့ ရှိသည်။ တစ်နေ့တွင် မဟာဆွေက သူရိယမဂ္ဂဇင်းတွင် သူရေးသော ``ထောင်ကျချင်သူ`` ဝတ္ထုအကြောင်း ပြောဆိုရာ ကိုအောင်ကျော်က မဟာဆွေအား ဆရာကြီး ရေးတဲ့ ဝတ္တုကို အင်္ဂလိပ်လို ဖတ်ဖူးကြောင်း ပြောလိုက်သဖြင့် မဟာဆွေက အင်္ဂလိပ် ဝတ္တုတစ်ပုဒ်ကို မှီးထားကြောင်း ဝန်ခံရဖူးလေသည်။

ကိုအောင်ကျော် ကိုယ်တိုင်လည်း ဂန္ထလောက မဂ္ဂဇင်းတွင် အောင်ကျော် အမည်နှင့် စာတိုပေစများ ရေးသားခဲ့ဖူးသည်။

ဂျပ်ဆင်ကောလိပ် ကျောင်းတိုက် မဂ္ဂဇင်းတွင်လည်း စာပေဆောင်းပါး ကဗျာများ ရေးသားခဲ့သည်။ ကိုအောင်ကျော်သည် နိုင်ငံရေးစာပေများကို အမြဲမပြတ် ဖတ်ရှုသူ တစ်ဦးလည်း ဖြစ်သည်။

ဗိုလ်အောင်ကျော် နဲ့ ပတ်သတ်တဲ့ သီချင်းစာသားလေးများကို ရှာဖွေ ဖော်ပြပေးလိုက်ပါတယ်။ သီချင်း အသံဖိုင်ကိုတော့ အင်တာနက်မှာလည်း ရှာဖွေလို့ မတွေ့တဲ့ အတွက်ကြောင့် စာသားလေးများကိုပဲ သီချင်းသံစဉ် ပုံစံဖြင့် သီဆို နိုင်ကြပါသည်။

ဗိုလ်အောင်ကျော်သီချင်း

(အို ဆိုးတဲ့ကြမ္မာ ကိုယ်ကျိုးတွက်မပါ သယ်ပိုးရွက်ရာ၊ သနားသနော် နေမျိုးသီဟသူကျော် ရဲဘော် ရဲဘော် တို့ရဲဘော်။ )၂
တားဆီးချုပ်ချယ် တတိုင်းလုံးညှိုးငယ်၊ ပြုပလေ ထုချေ ဥပဒေအတွက်ကယ် ရက်စက်ပါပေ့နော်။ အိုရဲဘော် တို့ရဲဘော် ကျနော်တို့ရဲ့ရဲဘော် ဘဒ္ဒကမ္ဘာမြေ ကမ္ဘာမကြေ ကြွေးကြော် နောင်ဥဒါန်း မကြေနိုင်သနော် ရဲဆုပန်ခဲ့သသော်။
ခေါင်းဆောင်လမ်းပြ ဗိုလ်အောင်ကျော် အသက်တောင် မမက်ပေါင် စွန့်စားသနော်၊ တို့တတွေ မကျေချမ်းနိုင်ဘူးနော်။ ။

အာဇာနည် ကိုအောင်ကျော်

ကျောင်းသားတို့အပေါ်ကောင်းစားဖို့မျှော်၊ ကြိုးစားတဲ့ ကိုအောင်ကျော်၊ သတ်ပုတ်ခိုင်းတဲ့ မောင်ဘမော်၊ ဗမာပြည်ကြီးအရေးတော် သူက ဖိစီးနေသေးသနော်၊ ဒဏ်ရာရအောင် တို့ကျောင်းတော် တပ်ကို သတ်ဖြတ်လိုက်တဲ့ ရွှေဉာဏ်တော်၊ ပုလိပ်များနဲ့ စခန်းသွားတဲ့ ဘမော်၊ ရာထူးဂုဏ်ခုံမင်လို့ပဲ မှတ်တော့နော်။

မောင်ဘမော် နန်းရင်းဝန်ကို ဒီရာထူး ပြုကျလေအောင် ကြိုးစားကြပါ အဆွေတော်၊ တို့ ရဲဘော် အပေါင်း အဖော်တွေ ကိုအောင်ကျော် သတ္တိဂုဏ်ကို ချီးကျူးမမေ့နဲ့နော်၊ ပုဒ်မပုဒ်ထီးများကို ထုတ်ဖော်၊ ဘမော်ဘဦးတို့က ရှုပ်သနော်။ တိုင်းသူပြည်သားတွေရဲ့ အပေါ်၊ စာမရီသွေးနဲ့ အစိုးရအပေါ်၊ တို့ကြွေးကြော်၊ ထောင်ကျတဲ့ ဥက္ကဠဘမော် ကန့်ကွက်တယ်၊ လွှတ်လိုက်တို့ ရဲဘော်။

ခင်မင်စွာဖြင့်…

ဇော်သိင်္ခ