လူ့တန်ဖိုး ဖြတ်နည်း

`လူ့တန်ဖိုး` ဟူသော ဝေါဟာရကို ကျွန်တော် ယခင်က မကြာဖူးခဲ့ပါ။ ကျွန်တော် ဗဟုသုတ နည်း၍ ဖြစ်ပါလိမ့်မည်။ ယခုခေတ်မှသာ `လူသားတို့၏ တန်ဖိုးများ` အင်္ဂလိပ်လို (Human Values) ဟူသော စကားအသုံးအနှုန်းကို စာအရေးအသား အချို့မှာ တွေ့ဖူး ဖတ်ဖူးပါသည်။ ထိုဝေါဟာရစုမှသည် လူ့တန်ဖိုး ဟူသော ဝေါဟာရ ပေါ်ထွန်းလာသည်ဟု ထင်မိပါသည်။

            မည်သို့ပင်ဖြစ်စေ၊ လူဖြစ်လာလျှင် လူ၏ ဂုဏ်အလျောက် တန်ဖိုးရှိရပေမည်။ လူတိုင်းမှာ တန်ဖိုးရှိသည်ဟု ဆိုနိုင်ပါ၏။ သို့သော် တန်ဖိုးအဆင်အနိမ့်အမြင့် ရှိမည်သာ ဖြစ်၏။ လူဖြစ်လာကတည်းက တိရစ္ဆာန်တို့ထက် တန်ဖိုးရှိရမည်ဟူသော စကား၌  ခြွင်းချက်ရှိသည်။ အချို့လူတို့သည် ရုပ်ပစ္စည်းအနေဖြင့် အချို့သော လူ၏ ပုံပန်းသဏ္ထန် ရှိ၏။ လူတို့၏ လှုပ်ရှားမှုလည်း ရှိနိုင်၏။ သို့သော် အချို့သော လူတို့သည် စိတ်နေစိတ်ထားအားဖြင့် အလွန် အဆင့်နိမ့်သည့် အလျောက် အချို့သော တိရစ္ဆာန်တို့လောက်မျှ တန်ဖိုး မရှိကြချေ။ သူတို့ကို `` လူ့တိရစ္ဆာန်`` ဟုပင် ခေါ်သူတို့က ခေါ်ကြသည်။

            လူဖြစ်ငြားသော်လည်း တိရစ္ဆာန်အချို့ထက်ပင် ကောက်ကျစ်ကြသည်။ ယုတ်မာကြသည်၊ ရက်စက်ကြသည်။ ရက်စက်မှုသည် လူအချို့၌ ရှိ၏။ တိရစ္ဆာန်အချို့သည် သားကောင်များကို ကိုသတ်ကြသည်။ ယင်းသည် သူတို့၏ သဘာဝမျှသာ ဖြစ်သည်။ တိရစ္ဆာန်အချို့၏ အပြုအမူတို့သည် စင်စစ်အားဖြင့် ရက်စက်သည်ဟု မဆိုသာ။ ကြမ်းကြုတ်ခြင်းမျှသာ ဖြစ်သည်။ သားရဲ တိရစ္ဆာန်တို့သည် သားကောင်ကို အစာအဖြစ်သာ မြင်၏။ နှိပ်စက်လိုသော သဘောမရှိပေ။ သဘာဝအလျောက် အစာအဖြစ် ကိုက်စားကြခြင်းသာ ဖြစ်သည်။ ရက်စက်မှုနှင့် ကြမ်းကြုတ်ခြင်းတို့ကို ခွဲခြားသိမြင်ရန် လိုအပ်ပါသည်။

           

 လူအချို့သည်  တိရစ္ဆာန်တို့နှင့် မတူ၊ ယုတ်မာကြသည်။ တိရစ္ဆာန်တို့ကို ယုတ်မာသည်ဟု စွပ်စွဲလျှင် မှားလိမ့်မည်။ ယုတ်မာမှု၊ ရက်စက်မှုတို့သည် စိတ်ဆန္ဒ၏ ပစ္စည်းများ ဖြစ်သည်။ ရက်စက်လိုသော ဆန္ဒ၊ ရက်စက်သော စေတနာ၊ ထိုနည်းအတူပင် ယုတ်မာမှုသည်လည်း စိတ်နေစ်ိထားအပေါ်တွင် တည်သည်။ စိတ်ထားနှင့် ဆန္ဒတို့ကြောင့် စေတနာပေါ်လာသည်။ ကောင်းသောစိတ်ထားနှင့် ကောင်းသော ဆန္ဒတို့မှ ကောင်းသော စေတနာ ဖြစ်ပေါ်လာသည်။ မကောင်းသော စိတ်ထားနှင့် မကောင်းသော ဆန္ဒတို့မှ မကောင်းသော စေတနာသည် ပေါ်လာချေသည်။ စေတနာသည် ကံဖြစ်၏။ စေတနာကြောင့် ကိုယ်ခန္ဓာက လှုပ်ရှားသည်။ စေတနာမကောင်းလျှင် မကောင်းမှုကို ပြု၏။

ရုပ်ကြမ်းဝါဒီတို့သည် တစ်ခေတ်တစ်ခါက သြဇာလွှမ်းခဲ့ကြသည်။ ယခု၌ မူ ရုပ်နှင့် နာမ်တို့၏ အညမည သဘောတရားကို လက်ခံလာကြရသည်။ `` စိတ်သည် ကိုယ်ကို လွှမ်းမိုး၏။ `` အင်္ဂလိပ်လို (Mind Over Body) ဟူသော ဆောင်ပုဒ်သည် အနောက်တိုင်း၌ ထွန်းကားလာပေပြီ။ သိုပါလျက်နှင့် အချို့သော သိပ္ပံပညာရှင်တို့က စိတ်သည် ထင်မိယောင်မှား အရာမျှသာ ဖြစ်သည်။ (Mind is an illusion) ဆိုနေကြတုန်းပင် ဖြစ်သည်။ ထိုအဆိုကို ထိုပညာရှင်ကြီးတို့လို အရည်အချင်းမရှိသော၊ သာမန်အမြင်သာရှိသော သာမန်လူတို့က ပြုါံ်ကြသည်။ ``သိပ္ပံပညာရှင်တို့ဟာ စိတ်က အရာရာကို ကျော်လွန်နိုင်ပါတယ်လို့ ဘယ်တော့ ၀န်ခံမှာလဲ`` ဟု စာဖတ်သူတစ်ဦးက ဆိုလိုက်သည်။

လူ့တန်ုဖိုးကို အကဲဖြတ်ရာ၌ ပထမဦးစွာ `` စိတ်သည် ပဓာန`` ဟုသော အမှန်တရားကို အခြေခံရ ပေလိမ့်မည်။ ရုပ်ကြမ်းဝါဒီတို့၏ မှားသော အမြင်ကို ပိုင်ပိုင်နိုင်နိုိင် ပယ်ရပေမည်။ လူတစ်ယောက်၌ တန်ဖိုးမည်၍မည်မျှ ရှိသည်ကို စိစစ်ကြည့်ရာ၌ မှတ်ကျောက်သုံးခု ရှိသည်ဟု ဆိုလိုပါသည်။ ယင်းတို့မှာ ``သီလ၊ သမာဓိ၊ ပညာ၊ `` ဟူ၍ပင်။

``သီလ၊ သမာဓိ၊ ပညာ`` ဟူသောဝေါဟာရ သုံးလုံး၌ ဘာသာရေး သြဇာပါသည်ဟု ဆိုချင်ဆိုကြမည်။ ဆိုနိုင်ပါသည်။ ဘာသာရေး၊သာသနာရေးဟူသည် ``အဆုံးအမ`` ဖြစ်၏ အကောင်းနှင့်အဆိုး ခွဲခြား၍ အကောင်းကိုယူ၊ အဆိုးကိုပယ်ရန် ဆုံးမ ပေးရေးပင် ဖြစ်၏။

လောက၌ အကျုံးဝင်သော အရာတို့နှင့် ပတ်သက်ခြင်းသည် ``လောကီ`` ဖြစ်၏။ လောကမှ လွတ်မြောက်ခြင်းသို့ ရောက်စေခြင်းသည် ``လောကုတ္တရာ``  ဗုဒ္ဓမြတ်စွာာသည် လောကီး၊ လောကုတ္တရာ နှစ်ဖြာသော ကောင်းကျိုး ဖြစ်ထွန်းစေရန် ``မင်္ဂလသုတ်`` တရားတော်ကို အညတရ နတ်သားကို ဟောကြားတော်မူလေ သည်။ လောက၌ ကျက်သရေ မင်္ဂလာရှိသော ပြောဆိုပြုမူ ကျင့်ကြံနိုင်စေရန် လောကီး လူသားတို့အဖို့ လောကုတ္တရာ အကျိုးကို ညွှန်ပြ ဟောကြားတော်မူရာ တွင် ပထမဦးစွာပေးသော ညွှန်ကြားချက်သည် ``လူမိုကိကိုရှောင်၊ ပညရှိကိုဆည်းကပ်`` ဟူ၍ ဖြစ်သည်။

ဤဆုံးမချက်၌ လူနှစ်မျိုးကို ခွဲခြားဖော်ပြခြင်း ဖြစ်သည်။ ``ဗလနံ=လူမိုက်၊ ပဏ္ဍိတ=ပညရှိ`` ဟူ၍ပင်။ တစ်နည်းဆိုရပါမူ လူတို့တွင် မိုက်သောသူ၊ လိမ္မာသောသူ ဟူ၍ နှစ်မျိုးနှစ်စား ကွဲပြားလျက် ရှိ၏။ လူမိုက်ကို ရှောင်ပါဟူရာ၌ လူမိုက်ကို အပေါင်းအသင်း မလုပ်ပါနှင့်။ မိမိကိုယ်တိုင်လည်း လူမိုက်မဖြစ်ပါစေနှင့်။ လူမိုက်နှင့် ပေါင်းသင်းလျှင် လူမိုက်၏ စိတ်နေစိတ်ထား၊ အကျင့်စိရိုက်တို့ ကူးစက်လာမည်သာ စြဖ်၏။ လူလိမ္မာသည် ပညာရှိဖြစ်၏ ပညရှိသည် အကောင်း အဆိုး၊ အယုတ် အမြတ်ကို ခွဲခြားသိမြင်သော ဉာဏ်သတ္တိရှိ၏။ပညရှိနှင့် ပေါင်းသင်း၍ နည်းနာခံယူလျှင် သင်လည်း  ပညရှိ ဖြစ်မည်ဟူ၍ပင်။

``သီလ၊ သမာဓိ၊ ပညာ`` ကို မြန်မာပြန်လိုက်ပါူ အကျင့်ကောင်း၊ စိတ်ဓာတ် ခိုင်မာမှု၊ အကောင်းအဆိုး ခွဲခြားဝေဖန်နိုင်စွမ်းတို့ပင် ဖြစ်သည်။ ယင်းဂုဏ်အင် လက္ခဏာတို့ဖြင့် ပြည့်စုံသူသည် ပညရှိဟု ဆိုလျှင် ထိုဂုဏ်အင် လက္ခဏာများ ကင်းမဲ့သူသည် လူမိုက် သို့မဟုတ် လူ့တန်ဖိုးမရှိသူ ဟူ၍ပင်။

သီလဟူသော အကျင့်(ကိုယ်ကျင့်တရား) ရှိသူသည် မဟုတ်မမှန်ရာမလုပ်၊ မဟုတ်မမှန်ရာ မပြောသဖြင့် ``ရိုးသားမှု`` ရှိ၏။ သမာဓိဟူသည် ``တည်ကြည့်ခြင်း`` ဖြစ်သည်။ ဆွဲဆောင်ရာသို့ မယ်ိမ်းမပါဘဲ တည်တံ့ခိုင်မြဲသော စိတ်ဓာတ်ပင် ဖြစ်ပေသည်။ ထိုသို့ စိတ်ခိုင်သောကြောင့် ``သိက္ခာ``ဟူသော ကျင့်ဝတ်သည် မပျက်မပြားဘဲ ခိုင်မြဲလေမည်သာ ဖြစ်၏။ ``သိက္ခာ သမာဓိ`` ဟူ၍ တွဲဖက်၍ ဆိုကြည်သည်။

သီလ နှင့် သမာဓိ ပြည့်စုံလျှင် အကောင်းအဆိုး၊ အမှားအမှန်တို့ကို ခွဲခြားဝေဖန် ပိုင်းခြားနိုင်စွမ်း ပေါ်ထွန်းလာ၏။ ထိုအစွမ်းသတ္တိသည် ``ပညာ`` ဖြစ်ပေသည်။

အသိပညာ၊ အတက်ပညာဟူ၍ ပည၏ အဓာယတ္တတို့သည် ဖြာထွက်လျက်ရှိ၏။ အသိပညာသည် အရာရာကို သိတက်သော စွမ်းရည် ဖြစ်သည်။ အကြောင်းအကျိုးတို့ကို အရင်းခံတိုင်း သိမြင်တက်ခြင်းကို ဆိုလိုသည်။ အတက်ပညာသည်ကား လုပ်ငန်းကြီငယ်တို့၌ တက်ကျွမ်းမှုကို ဆိုလိုသည်။ ကြောင်းကျိုးမြော်မြင် သိမြင်တက်သော စွမ်းရည်နှင့် လုပ်ငန်းတက်ကျွမ်းမှု စွမ်းရည်တို့တွငသ် ပထမ အမျိုးအစားသည် ``ပညာ`` အစစ် ဖြစ်သည်။ ဒုတိယသည် ``အတက်`` ဖြစ်သည်။ နှစ်မျိုးလုံးသည် လိုအပ်ပေသည်။ တစ်နည်းဆိုသော် အသိပညာရှင်သည် လမ်းဖောက်ရန် ပုံစံချပေးသူ ဖြစ်၏။ အတက်ပညာရှင်က ထိုပုံစံကို ယူ၍ လမ်းဖောက်သည်။

အတက်ပညာရှင်တို့ထဲမှ အသိပညာရှင် ထွက်နိုင်သည်။ အသိပညရှင်ကလည်း လုပ်ငန်းတက်ကျွမ်းမှု ရှိနိုင်သည်။ သို့သော် အတက်ပညာရှင်တို့တွင် သီလ ပျက်သူများ၊ သမာဓိ မရှိသူများ ရှိတက်သည်။ အသိပညာရှင်များမှာမူ ရှေ့မှဆိုခဲ့သော သီလ၊ သမာဓိ၊ ပညာ မပြည့်စုံလျှင် အသပညာရှင်ဟု မခေါ်ဆိုထိုက်ပေ။ ဆိုးမိုက် ယုတ်မာသော အသိပညာရှင် ဟူ၍ မရှိစကောင်းပေ။

လူ၏ တန်ဖိုးအစစ်သည် အကျင့်သီလ အပေါ်တွင် ရှိ၏။ သီလကြောင်၊ သီလပျက်တို့သည်  လောကီ  ရေးရာများတွင် မည်မျှပင် အထက်တန်းရောက်နေသော်လည်း တန်ဖိုး မရှိကြချေ။ တစ်နည်းဆိုသော် ပညာရှိသည် ပညာတက်ဟူ၍မဟုတ်ပေ။ အတက်ပညာ တက်ကျွမ်းသည် ဖြစ်စေ၊ မတက်ကျွမ်းသည် ဖြစ်စေ သီလ၊ သမာဓိ ရှိလျှင် ပညာရှိဟု ခေါ်ဆိုရမည်သာ ဖြစ်သည်။ ပညာရှိသည် သူတော်ကောင်းဖြစ်၏။

တက်တိုး

{အတွေးအမြင်၊ စာစဉ်(၁၂၈}။ စက်တင်ဘာ၊၁၉၉၇}

ဇော်သိင်္ခ

ရှေ့နေစကား

တစ်ခါတုန်းက မြို့တစ်မြို့ရဲ့ အိမ်တစ်အိမ်မှာ ဟိုလူလာပါ ဒီလူလာပါနဲ့ ခေါ်ပြော ပြေးလွှားပြီး လူတွေ ရုတ်ရုတ်သဲသဲ 

ဖြစ်နေကြတယ်။ဒါကိုမနက်စောစော လမ်းလျှောက်ထွက်လာတဲ့ အဖိုးကြီးတစ်ယောက်က တွေ့တော့ 

““ဘာတွေများ ဒီလောက် ရုတ်ရုတ်သဲသဲ ဖြစ်နေကြတာလဲ““လို့ မေးတယ်။ ဒီတော့ လူတစ်ယောက်က

““ဒီအိမ်က ရှေ့နေကြီး ဆုံးသွားလို့အဘရယ်။ ကူးတို့ခထည့်ဖို့ဟာ ပါးစပ်ဖြဲလို့မရလို့အခက်တွေ့နေတာပါ““လို့ ဖြေတယ်။

““ငါ့တူတို့က တယ်ခက်တာပဲ။ မှတ်ထားကွ။ ရှေ့နေဆိုတာ ငွေတစ်မတ်လောက်နဲ့များ ဘယ်တော့မှ ပါးစပ်မဟဘူး။

  တစ်ထောင်လောက် လှုပ်ပြမှ ဟတာကွ““လို့ ပြောလိုက်တယ်။

ဒီတော့မှ အကြံရသွားကြပြီး တစ်ထောင်လောက်ရှိတဲ့ ငွေအထပ်လိုက်ကို ရှေ့နေအလောင်းရဲ့ မျက်နှာရှေ့မှာ ခါပြလိုက်တယ်။ 

အဲဒီလိုလုပ်လို့ ရှေ့နေအလောင်းက အလိုလို ပါးစပ်ဟလာတော့မှ တစ်မတ်စေ့ကို ကဗျာကသီ ပစ်သွင်းလိုက်ရတယ်။

ဒီလိုနဲ့ပဲ အလောင်းကို သင်္ချိုင်းပို့ကြတယ်ပေါ့ဗျာ။သင်္ချိုင်းရောက်၊ အသုဘပို့တဲ့သူတွေကလဲ ပြန်ကုန်ကြတော့မှ စဏ္ဍာလတွေကလဲ 

မြေမြှုပ်ဖို့ ကျင်းတူးကြတာပေါ့။ စဏ္ဍာလခေါင်းဆောင်ကတော့ တပည့်တွေကို ခိုင်းထားပြီး တစ်နေရာမှာ 

အရက်ထိုင်သောက်နေတာပေါ့။ ကျင်းတူးပြီးလို့ အခေါင်းကို ကျင်းထဲချ၊ မြေဖို့ရုံပဲ ရှိသေးတယ်။ မသေဘဲ မျောနေတဲ့ ရှေ့နေက 

သတိရလာပြီး အထဲကနေ အခေါင်းကို ထု။ ငါမသေဘူး ငါ့ကို အပြင်ထုတ်ပေးကြပါလို့ အော်ပြောတယ်။ တပည့်စဏ္ဍာလတွေလဲ 

ကြောက်လန့်ပြီး ခေါင်းဆောင်ကြီးဆီ ပြေးလာကြတာပေါ့။ ခေါင်းဆောင်ကြီးက “ဟိတ်ကောင်တွေ ဘာဖြစ်နေကြတာလဲ 

ထိတ်ထိတ်ပြာပြာနဲ့““ လို့ မေးလိုက်တော့

““ဆရာ ... အခေါင်းထဲက ရှေ့နေမသာက သူမသေဘူးလို့ပြောနေတယ်။ ဒါကြောင့် ကျွန်တော်တို့ ပြေးလာတာ““ လို့ ဖြေတယ်။

ဒီတော့ ခေါင်းဆောင်ကြီးက

““မင်းတို့ကွာ ...... ရှေ့နေစကားများ ယုံယုံကြည်ကြည်လုပ်လို့။ မြှုပ်သာပစ်လိုက်”” လို့ ပြောလိုက်သတဲ့။

အခုတလော ဘလော့မှာတင်ဖို့ ဘာမှ ပို့စ် အသစ်မရှိသေးတာ နဲ့မို့ မေးထဲရောက်လာတဲ့ ဟာသလေးတွေ ကို စာဖတ်သူသို့ ပြန်လည် မျှဝေပေးလိုက်ရတာပါ။ တကယ်လို့ ဖတ်ဖူးပြီးသား ဆိုရင်လည်း.. နောက်တစ်ခါ ထပ်ပြီးဖတ်တဲ့အခါမှာတော့ မရယ်မိရင်တာ့ ပြုံးတော့ ပြုံးမိလိမ့်မယ်လို့ ထင်ပါတယ်။

ဇော်သိင်္ခ

အစုန်လော အဆန်လော

 










အစုန်မျှောက ...

မျှောလေမျှောလေ ၊ စုန်သည့်ရေတွင်

စုန်လေနက်လေ ၊ နောက်ကျိပေ၏ ။

အကြေမြစ်ရပ် ၊ လှိုင်းပုပ်ခတ်၍ 

ဖြတ်ဖြတ်မူးမော ၊ ရေလျှင်ကြောတွင်

ကျယ်ပြောသမျှ ၊ ပင်လယ်ဝသို့

ရောက်ရမကြာ ၊ လှေနာဝါသည်

ရေမှာပျက်စီးလိမ့်တကား။   ။

ရေဆန်တက်က

တက်သည်နှင့်မျှ ၊ လှော်ခတ်ရ၏

လုံ့လကြီးစွာ အားထုတ်ပါသော်

မြစ်ညာရပ်ဆီ ၊ ရေလည်းကြည်၏

ကြည်သည့်ရေတိမ် ၊ ငြိမ်လည်းငြိမ်၏

ငြိမ်သည့်ရေတက် ၊ မြင့်ကာတက်၍

လှော်လျက်မနား ၊ ဆက်၍သွားသော်

မြစ်ဖျားတစ်လျှောက် ၊ ကမ်းသို့ပေါက်ကာ

ရောက်လိမ့် လမ်းဆုံးသို့တိုင်တည်း......

အို......အဆွေ.........

လှေမှာ ထိုင်လိုက် ၊ အစုန်ကြိုက်သလား?

မောဟိုက်လှော်သွား ၊ အဆန်သွား မလား?

ဒီကဗျာလေးက အရင်ပြတ်သွားတဲ့ ဘလော့မှာလည်း တင်ခဲ့ဖူးပါတယ်။ အဲဒီ ဘလော့မှာတင်ခဲ့တုန်းက တော့ လူတော်တော် များများ ကြိုက်နှစ်သက်ခဲ့တဲ့ ကဗျာလေး ဖြစ်တာရယ် ပြီးတော့ ဘ၀မှာ ကြိုးစား ရုန်းကန်နေကြရတဲ့ သူတွေအတွက်.. အားဆေးတစ်ခွက် အနေနဲ့  ဖြစ်စေတာရယ် ကြောင့် အခုဘလော့ မှာလည်း ပြန်လည်လို့ တင်ပေးလိုက်ရပါတယ်။ ဒီကဗျာလေးကို ကျွန်တော်လည်း အရမ်းကြိုက်လွန်းလို့ ပြီးတော့ ကျွန်တော့်ကိုလည်း ဒီကဗျာလေးထဲက စာသားတွေက တော်တော်များများ တွန်းအားပေးခဲ့တာတွေ ကြောင့် လွန်ခဲ့တဲ့ ရှစ်နှစ်လောက်ကတည်းက မဂ္ဂဇင်း တစ်အုပ်မှာ ဖတ်ဖူးခဲ့တာလေးကို သိမ်းထားမိခဲ့တာပါ။ ကဗျာလေးကို ရေးစပ် သူကတော့ ကိုလိုနီခေတ်… သူရဇော် ဖြစ်ပါတယ်။ သူငယ်ချင်းတို့အားလုံးလည်း..  

လှေမှာ ထိုင်လိုက်ပြီးတော့ ၊ အစုန်ကိုပဲ မျောလိုက်သွားကြမလား…?
မောဟိုက်လှော်သွား ၊ အဆန်ကိုပဲ လှော်ခတ်သွားကြ မလား? ဆိုတာကို… စဉ်းစား ဆုံးဖြတ် နိုင်ကြပါစေလို့ ဆန္ဒပြုရင်း…..

ဇော်သိင်္ခ

ဘ၀ အမောပြေ လေးများ

 မပြောချင်တော့ဘူး

သားသမီး ၈ ယောက်ရှိပြီး လက်ရှိကိုယ်ဝန် အမွှာပူးလွယ်ထားရသော လူနာအား ဆရာဝန်ကလေးက မေးမြန်းနေသည်..
"ဒါ... ဘယ်နှစ်ယောက်မြောက်လဲ"
"၉ ယောက်မြောက်ပါဆရာ..."
"ဟင် ဟုတ်လား..... သားကြောမဖြတ်သေးဘူးလား ....... အမျိုးသားကဘာလုပ်သလဲ.."
"ဆရာရယ်... အမျိုးသားကဘာလုပ်သလဲဆိုတော့ ကျမ ကလေးတစ်ယောက်ပြီး
တစ်ယောက်မွေးနေတာသာ ကြည့်ပါတော့ရှင်.."

သူ့အလှ

သူငယ်ချင်း ၂ ယောက် စကားပြောနေကြသည်....
"သူငယ်ချင်း ..... ခုငါကြိုက်နေတဲ့ ကောင်မလေးက တော်တော်ကိုလှတာကွ"
"ဟုတ်လား "
"အေး.... သူ့မျက်ခုံးလေးတွေက ဇင်ယော်တောင်လေးတွေလိုပဲ..... မျက်လုံးလေးကလည်း ရွှေသမင်မျက်လုံးလေး... သူ့လည်တိုင်ကလေးဆိုရင် ဗျိုင်းကလေးလိုပဲ .....
လမ်းလျှောက်ရင်လည်း ဆင်မယဉ်သာလေး...."
"ဟင်.....ဟုတ်လား........ဒါဆို မင့်ကောင်မလေးက လူနဲ့ မတူဘူးပေါ့... "

နားလည်မှု

မြန်မာနိုင်ငံ ကျေးလက်ဒေသမှ တောင်သူဦးကြီးတစ်ယောက် ရန်ကုန်သို့လာလည်သည်...ရန်ကုန်သို့ရောက်ပြီးနောက် ဘုရားသွားရန်အတွက် လိုင်းကားတက်စီးသည်...ဘေးခုံတန်းတွင် တစ်နေရာစာထိုင်လို့ရနိုင်သည်ကို တွေ့သဖြင့် ထိုင်နေသောမိန်းကလေးအား ပြောလိုက်သည်...
"သမီး...... ဟိုဘက်နည်းနည်းတိုးပါလား ...... အဘ ဖင်ကလေးချချင်လို့"
"ဘာ..... ရှင် ရိုင်းလှချည်လား ...... အသက်ကိုမှ အားမနာ... မဖယ်ပေးနိုင်ဘူး.... ဟွန်း.."
"ဒါဆိုလည်း ရပါတယ်ကွယ် .... အဘ နောက်ကပဲ တွယ်လိုက်တော့မယ်....."

ဘယ်လိုလဲ

ဆရာဖြစ်သူက တပည့်များအား အလုပ်ကို ကောင်းကောင်းမွန်မွန်လုပ်ရန် ဆုံးမနေသည်

"အေး ငါ့တပည့်တို့ .... မင်းတို့ မသေမချင်းမှတ်ထား ...... ဘယ်အလုပ်မဆို အောက်ခြေကစရတယ်ကွ...
ပြီးမှ တဖြည်းဖြည်းချင်း အပေါ်ကို တက်ရတယ်..."
တပည့်တစ်ယောက်ကမေးသည်..
"ဆရာ ..... ရေတွင်းတူးရင်ကော ဟင်..."

ပညာရှိ

ပညာရှိကြီးတစ်ဦးက သူ့တပည့်အား မှာကြားနေသည်....
"ငါ့တပည့် ဆရာ့ကို ခပ်မြင့်မြင့် စာအုပ်တစ်အုပ်ပေးကွာ "
တပည့်က ဆရာ့ဗီရိုထဲမှ အတွေးအခေါ်စာအုပ်ကို ယူလာသည်...
"နိမ့်သေးတယ်.... မြင့်တာယူခဲ့"
နောက်တစ်ခါ ဗေဒင်ပညာ စာအုပ်ကို ယူပေးပြန်သည်...
"နိမ့်သေးတယ် "
နောက်တစ်ခါ ခန္ဓာဗေဒ ကျမ်းစာအုပ် ယူလာပေးသည်.....
"နိမ့်သေးတယ်"
နောက်တစ်ခါ နက္ခတ်ပညာအကြောင်းစာအုပ်ကို ယူပေးပြန်သည်.....
"မရဘူး.... နိမ့်သေးတယ်..."
တပည့်ဖြစ်သူ စိတ်ရှုပ်လာသဖြင့်ဆရာအားမေးသည်...
"ဆရာခင်ဗျား.... ဒီစာအုပ်တွေက ဆရာ့ဆီမှာ ရှိတဲ့ အမြင့်ဆုံး
စာအုပ်တွေပါခင်ဗျာ..... ဒါတွေကိုတောင် ဆရာက နိမ့်သေးတယ်ဆိုတော့
ဘယ်လိုစာအုပ်မျိုးကိုများ အလိုရှိတာပါလဲခင်ဗျာ......"
"အိမ်း..... နေ့လည် တရေးတမော ခေါင်းခု အိပ်လို့ရအောင် မြင့်တဲ့
စာအုပ်လိုချင်တာကွ..." 

ဆရာကြီး၏ နောက်ဆုံးဆေးလုံး

တစ်ခါက ရွာတစ်ရွာမှာ စုန်းမကြီးတစ်ယောက် သောင်းကျန်းနေလေသည်။ ရွာသားများသည် ကြံရာမရ သည့်နှင့် တခြားနယ်မှ အထက်လမ်းဆရာကြီးကို သွားပင့်ကြလေသည်။ မကြာမှီ ထိုဆရာကြီး နှင့် သူ၏ တပည့်  ရောက်လာ ကာ စုန်းမကြီးကို ပညာပြိုင်ရန် ချိန်းလေသည်။ စုန်းမကြီး နှင့် ဆရာကြီးတို့သည် ရွာ ထိပ်ရှိ  ကွင်းပြင်တွင် ပညာပြိုင်ကြမည် ဖြစ်လေရာ ရွာသားများလည်း ရွာလုံးကျွတ်မျှ အားပေး ကြလေ သည်။
ဆရာကြီး- ဟယ် စုန်းစုတ် ဒီရွာက အမြန်ထွက်သွားစမ်း
စုန်းမ- ဆရာစုတ် နင်ကရော ဘယ်လောက်စွမ်းလို့လည်း
ဆရာကြီး- သိကြသေးတာပေါ့
ဟုဆိုက သူတပည့် ဘက်ကိုလှည့် ပြီး“ ပေးစမ်းငါ့ရဲ့ ဆေးကြိမ်လုံး “
တပည့်ထံမှ ဆေးကြိမ်လုံးယူပြီး ပါးစပ်က ဂါထာရွတ်ကာ ဆေးကြိမ်လုံးဖြင့် မြေကြီးကို ရိုက်လိုက် လေသည်။ သို့သော် စုန်းမကြီးက မဖြုံ။ ဘာမှမဖြစ်သည့် အပြင် တဟီးဟီး တောင်ရီနေသေးသည်။ ထိုအခါဆရာကြီးက တပည့် ပေးစမ်း ရေမန်း  ဟုဆိုကာ ရေမန်းဖြင့် ပက်ပြန်လေသည်။ သို့သော် အချည်း အနှီး ပင်။ ဆရာကြီး
၏တပည့်ဖြစ်သူမှာ ချွေးသီးချွေးပေါက်တွေပြန်နေလေပြီ။ ဆရာကြီးမှ တဖန်ဆေးလုံး တစ် လုံးထုတ်ပြီး  မန်းပြန်လေသည်။ ပြီးနောက် ထိုဆေးလုံးဖြင့် ပေါက်လိုက်သော်လည်း စုန်းမကြီး မှာ မဖြုံချေ။ ဆရာစုတ်နင့် ပညာ ကုန်ပြီလားဟုတောင်မေးနေသေးသည်။ တပည့်ဖြစ်သူမှာ ပြေးဖို့ပြင်နေ လေပြီ။ ဆရာကြီးက  မကြောက်ရန်ပြောပြီး “ပေးစမ်း ငါ့ ဆေးလွယ်အိတ်“ ဟုဆိုကာ တပည့် ထံမှ လွယ်အိတ်ကို ယူ၍အထဲမှ
လက်သီးဆုတ်ခန့် ရှိသော ဆေးလုံးကြီး တစ်လုံးကို ထုတ်ကာ ပါးစပ်နားတေ့ မန်းမှုတ်ပြီး လျှင် စုန်းမကြီး ထံသို့ ပစ်ပေါက် လိုက်လေသည်။ ထိုအခါမှ မီးလုံးကြီးပွင့် သွားပြီး စုန်းမကြီးမှာ အစိတ်စိတ် အမွှာမွှာဖြစ်သွားလေတော့ သည်။ ရွာသူရွာ သားများ မှာ ဆရာကြီးကို အလွန် အမင်း ယုံကြည် လေးစားသွားကြပြီး လက်ဆောင် များ စွာကန်တော့ လိုက် ကြလေသည်။ အပြန်ခရီးတွင် တပည့်ကမေးလေသည်။ “ဆရာကြီး ၊ ဆရာကြီး  နောက်ဆုံးထုတ်လိုက်တဲ့ဆေးက ဘာလဲဗျ။ ကျွန်တော်လည်း တစ်ခါမှ မမြင်ဘူးပါလား“ ထိုအခါ ဆရာကြီးက ဘေးဘီကို ကြည့်ကာ လေသံကို နှိမ့်လိုက်ပြီး “ဘယ်သူ့မှာ လျှောက်မပြောနဲ့ ကွ အဲဒါ ဂျပန်တွေဆီက လိုက်တဲ့ လက်ပစ်ဗုံး“ ဟူ၏။

သရဲ ထင်လို့ပါ

တစ်ခါက လူတစ်ယောက်သည် မနက် ဝေလီဝေလင်း အချိန်တွင် သင်္ချိုင်းကုန်းနားမှ ဖြတ်သွားရာ ကြောက် သဖြင့် သုတ်သုတ် သွားလေသည်။ ထိုအချိန်တွင် နောက်မှာ သူ့နောက်သို့ ကပ်လိုက်လာသော ခြေသံ ကြားလေသည်။ သူသည် ကြက်သီး မွှေးညင်းများ ထလာကာ ပိုပြီး မြန်မြန်လျှောက်ရာ နောက်က ခြေသံ ကလည်း ပိုမြန်လာလေသည်။ ခြေသံက ကပ်လာသဖြင့် သူနောက်လှည့်ကြည့်လိုက်ရာ ခေါင်းကြီး ကြီး ကိုယ် လုံးသေးသေး သရဲကို တွေ့ရသဖြင့် အောင်မလေး ဟုအော်ကာ ကြောက်ကြောက် နှင့် သရဲခေါင်းကို ခြေထောက် နှင့်ကန်ပြေးလေသည်။ လူစလူနတွေ့သော နေရာ ရောက်မှ လူတွေက သူ့ကို မနည်း နှာနှပ် ယူရလေသည်။ သူကရှင်းပြသည်။ “သရဲကြီး ဗျာ ခေါင်းက အကြီးကြီး ကိုယ်လုံးက သေးသေးလေး“ အခြားသူတွေလည်း ကျောချမ်းကုန် ကြလေသည်။ ထိုအချိန်တွင် ကလေးလေး တစ်ယောက် တောင်းအကြီးကြီး ရွက်ပြီး ငိုမဲ့ ငိုမဲ့ ဖြင့် ရောက် လာကာ “ဒီလူကြီး တော်တော် ဆိုးတဲ့လူကြီး ဗျာ ကျွန်တော်မှ သရဲကြောက်လို့ သူ့နောက်က ကပ်လိုက်ပါတယ် ဆို ကျွန်တော့် ကို ကန်ပြီးထွက်ပြေးတယ်“ ဟူ၏။ 

Source:  : forward mail 

ဇော်သိင်္ခ

ကမ္ဘာ့ဖလား ဗိုလ်စွဲခဲ့ သော နိုင်ငံ များ

ကမ္ဘာ့ဖလား ဘောလုံးပွဲ ရာသီမှာ ကမ္ဘာ့ဖလား ပွဲတွေ ရဲ့ အကြောင်းကို သိချင်သူများ အတွက် ဒီ ဇယားလေးကို ပြန်လည် တင်ပေးလိုက်ပါတယ်။ ဒီဇယား လေး ရရှိလာခဲ့တာကတော့ နေ့လည်က ကျွန်တော်တို့ ဆီမှာ အပြင်က လူ သုံးယောက်လောက်က 2002 ခုနှစ်က ဗိုလ်လုပွဲ မှာ ဘရာဇီးနဲ့ ဂျာမဏီတို့ ရဲ့ နောက်ဆုံး ဗိုလ်လုပွဲ  ရလဒ် ကို သိချင်တယ် ဆိုလို့ ရှာခိုင်း တာ နဲ့ အခု ဒီဇယားလေး ကို တွေ့ရှိခဲရတာပါ။...... အခု ဒီဇယားလေး နဲ့ အတူ ဗိုလ်စွဲခဲ့တဲ့ နိုင်ငံ တွေ နဲ့ အိမ်ရှင် အဖြစ် ကျင်းပခဲ့ တဲ့ နိုင်ငံ တွေအပြင် ဗိုလ်လုပွဲ နဲ့ တတိယနေရာ လုပွဲမှာ ရရှိခဲ့တဲ့ Results တွေကိုပါ သိရအောင်လို့ တင်ပေးလိုက်ပါတယ်.....

ကမ္ဘာ့ ဖလား ဘောလုံးပွဲများ ကို 1930  ပြည့်နှစ်မှာ အိမ်ရှင် နိုင်ငံ အဖြစ် ဥရုဂွေး နိုင်ငံ က စတင် ကျင်းပခဲ့တာ ဖြစ်ပြီးတော့ အဲဒီနှစ်မှာ ပဲ ပထမဆုံး အကြိမ် အဖြစ် ဆုဖလားကြီးကို ရရှိသွားခဲ့တဲ့ နိုင်ငံ ကတော့ အိမ်ရှင် ဥရုဂွေး နိုင်ငံ ပဲဖြစ်ပါတယ်။ ဒုတိယ ရရှိသွားတာကတော့ အာဂျင်တီးနား နိုင်ငံ ဖြစ်ပြီးတော့ တတိယ ရရှိသွားတဲ့ နိုင်ငံကတော့ အမေရိကန် နိုင်ငံ ဖြစ်ပါတယ်။ ထိုနည်းတူစွာပဲ နောက် လေးနှစ်တစ်ကြိမ် ကျင်းပ ခဲ့တဲ့ ကမ္ဘာဖလား ပွဲ မှာ ဘယ်နိုင်ငံ မှာ ကျင်းပပြီးတာ့ ဘယ်အသင်းကဖြင့် ဆုဖလားကြီး ရရှိသွားတယ် ဆိုတာ ကိုတော့ အောက်မှာ ဇယားလေး နဲ့ပဲ ဖော်ပြပေးသွားလိုက်ပါမယ်။ 1942 ခုနှစ်နဲ့ 1948 ခုနှစ်တွေ မှာတော့ ပထမ ကမ္ဘာစစ် နဲ့ ဒုတိယ ကမ္ဘာစစ် တွေ ကြောင့် ကျင်းပ နိုင်ခြင်း မရှိခဲ့တာကို တွေ့ရှိရပါတယ်။ အဲဒီနောက်မှာ တော့် လေးနှစ် တစ်ကြိမ် ပုံမှန်အတိုင်း ကျင်းပ သွားနိုင်ခဲ့ပါတယ်။ ယခုနှစ် 2010 မှာ အိမ်ရှင်အဖြစ် တောင်အာဖရိက နိုင်ငံ မှာ ကျင်းပ နေတဲ့ ကမ္ဘာ့ ဖလား ဘောလုံးပွဲ ကြီးရဲ့ နောက်ဆုံး ဗိုလ်လုပွဲ မှာ ဘယ်အသင်းတွေ တက်ရောက်နိုင်ပြီးတော့ ဘယ်အသင်းက 2010 ခုနှစ်ရဲ့ ကမ္ဘာ့ ဖလားဆုကြီးကို ရရှိသွားမယ်ဆိုတာ စောင့်ကြည့်လိုက်ကြရအောင်စို့ဗျာ..... ။

 အပေါ်က ဇယား လေး မှာ သေချာ မမြင်ရဘူး ဆိုတော့ သူ့ရဲ့ မူရင်း ဆိုဒ် ဖြစ် တဲ့  ဒီ နေရာ မှာ သေချာ သွားရောက်ဖတ်ရှု နိုင်ပါတယ်။ မြန်မာဘောလုံး ၀ါသနာ ရှင်များအားလုံး ပျော်ရွှင် ချမ်းမြေ့ ကြပါစေလို့ ဆုတောင်းပေးရင်း...........

ဇော်သိင်္ခ

ကမ္ဘာ့ဖလား ပွဲများ အွန်လိုင်းမှ တိုက်ရိုက်ကြည့်ရအောင်

အခုတလော  ဘလော့လေးက လည်း အတည်တကျ မရှိသေးတာနဲ့ ဘာမှ လည်း မတင်ဖြစ်သေးဘူး ဖြစ်နေတာပါ။ ပြီးတော့ ဗျာ အခုရာသီက ကမ္ဘာ့ဖလား ဘောလုံးပွဲ ရာသီဖြစ်နေတော့ ဘောလုံးပွဲကလည်း ကြည့်ရတာ ဆိုတော့ အိပ်ရေးက ပျက် အလုပ်က ရှုပ်ဆိုသလို ဖြစ်သွားတာပေါ့။ ဒါကြောင့် အခု အဆင်ပြေ တဲ့ အချိန်လေးမှာ ဟိုလှည့်သွား ဒီလှည့်သွားနဲ့ပဲ မောင်လုလင်ရဲ့ ဆိုဒ်ထဲ ကိုရောက်သွားတဲ့အခါကျတော့ ကမ္ဘာ့ ဖလားဘောလုံးပွဲကို တွေက အွန်လိုင်းက နေ တိုက်ရိုက်ကြည့်လို့ ရတဲ့ လင့်လေးကို သွားတွေ့ရပါတယ်။ ဒါနဲ့ပဲ အဲဒီ လင့်လေးတွေကို ကျွန်တော်လည်း စမ်းပြီး ဖွင့်ကြည့်တဲ့အခါကျတော့ ကော်နက်ရှင် ကောင်းတဲ့ အချိန်မှာ  တိုက်ရိုက် ကြည့်လို့ ရနေတာ ကို တွေ့ရပါတယ်။ ဒါကြောင့် အင်တာနက် အချိန်ပြည့် သုံးနေရတဲ့ သူငယ်ချင်း များ အတွက်. အဲဒီလင့်လေး တွေကို မောင်လုလင် ရဲ့ ဆိုဒ်က နေ တိုက်ရိုက် ပြန်ကူးပြီး ပြန်လည် မျှဝေ ပေးလိုက်ပါတယ်။


Click ! Image to zoom!
၂၀၁၀ ရဲ့ ကမ္ဘာ့ ဖလားပြိုင်ပွဲ စနေတာ နှစ်ရက်တောင် ရှိသွားပါပြီ... ကျွန်တော့ကိုလည်း ကိုသြချစ်က စီပုံးမှာ အော်သွားပါတယ် .... အခု ကျွန်တော် ကြည့်နေကျ နေရာကလေး ကို ထည့်ပေးလိုက်ပါတယ် ... အင်တာနက် speed ကတော့ အတော် အသင့် ရှိရင် ရပါတယ် .... 512 MB လောက်ဆိုရင် ကို ရပါတယ် ... တချို့လိုင်းတွေ ကိုပေါ့ .... ဒါပေမယ့်လည်း ကြည့်လို့ ကောင်းပါတယ် ... နေရာကလေးတွေ ကတော့ အောက်မှာပါ ....ဘောလုံးပွဲ နဲ့ ပါတ်သတ်လို့ software တွေကတော့ သူက ဘယ်မှာကြည့်မယ်ဆိုရင် ဘယ် software တော့ဖြင့်လိုမယ် .. အဲဒါကလေးကို download ချလိုက်ပါ ဆိုပြီးတော့ ပြောပါလိမ့်မယ် ... အဲဒါကလေး ကို run ပြီးတော့ကြည့်ရုံပါပဲ ... အဆင်ပြေမယ်ထင်ပါတယ် .....

1: http://www.myp2p.eu/competition.php?competitionid=∂=sports&discipline=worldcup2010

ပထမနေရာကတော့ လူတော်တော်များများကြည့်တဲ့နေရာပါ ခင်ဗျာ ..... အဲဒီ့ကိုရောက်သွားတာနဲ့ ဒီနေ့ ဘာပွဲတွေ ရှိလဲ ဆိုတာကိုတွေ့ရပါ့မယ် ... ပွဲကလည်း ကန်ချိန်ရောက်ပြီဆိုရင် အဲဒီ့မှာ ကိုယ်ကြည့်မယ့်ပွဲရဲ့ ဘေးဘက်မှာ TV ပုံကလေး ရှိပါတယ် ... အဲဒါကလေးကို နှိပ်လိုက်ပါ ... နှိပ်လိုက်ရင် နောက်စာမျက်နှာ တစ်ခု မှာ လိုင်းတွေ တော်တော် များများ တွေ့ရပါမယ် .. အဲဒီ့မှာ ကိုယ် ကြည့်ချင်တဲ့နေရာမှာ Play ဆိုတာကို နှိပ်ပြီးတော့ ကြည့်နိုင်ပါတယ် ....

2: http://atdhe.net/index.html

ဒီနေရာကလေးကတော့ လာနေတဲ့ပွဲကိုကြည့်ချင်တယ်ဆိုရင် ကိုယ်ကြိုက်တဲ့ လင့် ကို နှိပ်ပြီးတော့ကြည့်ရုံပါပဲ ... ကိုယ့်ရဲ့ internet speed နဲ့ ကြည့်လို့ အဆင်ပြေမှာကို ရွေးလိုက်ပေါ့ ... :P

3: http://iraqgoals.net/

ဒီနေရာကလေးမှာတော့ လာမယ့်ပွဲတွေ ကို ရေးထားပါတယ် .. ကိုယ်ကြည့်ချင်တဲ့ပွဲကို ရွေးပြီးတော့ ကြည့်ရုံပါပဲ ...

4: http://www.firstrow.net/sports/football.html

ဒီနေရာကလေးမှာလည်း အပေါ်က နေရာလိုပါပဲ ... ရွေးပြီးတော့ ကြည့်ရုံပါပဲ ....

5: http://www.ustream.tv/discovery/live/sports-soccer

ဒီလောက်ဆိုရင် အဆင်ပြေမယ်ထင်ပါတယ်ခင်ဗျာ ...
ကမ္ဘာ့ ဖလား မှာ ကိုယ်ကြိုက်တဲ့ အသင်းကို အားပေးရင် ရင်ခုန်ကြပါစို့ဗျာ ... Link တွေကို တင်ပေးတာ နောက်ကျတဲ့ အတွက် တောင်းပန်ပါတယ်ခင်ဗျာ .. စကားမစပ် .... ကျွန်တော်ကတော့ ဒီနှစ် စပိန် ကို အားပေးတယ်ဗျ .... :D :)

Source: mglulin


 ဇော်သိင်္ခ

သတ္တိခွန်အား ရှိစေချင်သည်

မြတ်စွာဘုရားသခင်
ဘေးအန္တရာယ်အပေါင်း၏
လွတ်ကင်းရာမှ ကျွန်ုပ်ခိုလှုံပါရစေကြောင်း
ဆုမတောင်းမိပါစေနှင့်၊
ထို အန္တရာယ်ရင်ဆိုင်ရသည့်အခါ
အကြောက်အရွံ့ မဲ့သူဖြစ်ဖို့ ဆိုတောင်းမိပါရစေ။
ကျွန်ုပ်
ဆင်းရဲဝေဒနာကို လျော့ချဖယ်ရှားဖို့
ကျွန်ုပ်မတောင်းဆို မိပါစေနှင့်၊
ထိုဝေဒနာကို
ခံနိုင်သည့် အောင်နိုင်သည့် နှလုံးသား သာရှိပါရစေ။
ကျွန်ုပ်
ရင်ဆိုင်နေရသော ဘ၀တိုက်ပွဲများတွင်
စစ်ကူမဟာမိတ်များကို
မတမ်းတ၊ မရှာဖွေမိပါစေနှင့်
ကျွန်ုပ်
ကိုယ်တိုင် ကိုယ့်ကိုကိုယ်သာ အားကိုးမိပါရစေ။
ကျွန်ုပ်
အကြပ်အတည်းမှ ကယ်ဆယ်ပေးပါရန်
မမြည်တမ်းပါရစေနှင့်၊
ကျွန်ုပ်
ကိုယ်တိုင် လွတ်မြောက်မှုကို
စိတ်ရှည်စွာ အောင်နိုင်သူဖြစ်ဘို့
မျှော်လင့်ပါရစေ။
ကျွန်ုပ်အောင်မြင်ချိန်တွင်လည်း
သင်၏ဂရုဏာတော်ကို ခံစားသည့်
သူရဲဘောနည်းသူ မဖြစ်ဖို့၊
ကျွန်ုပ်
ကျရှုံးလျှင်လည်း သင်လက်၏ ဆုပ်ကိုင်မှုကို
ရှာဖွေတွေ့သူဖြစ်ဖို့
ကျွန်ုပ်အား ခွန်အားကိုသာ ပေးသနားပါ။

စာရေးဆရာမ ဂျူး ဘာသာပြန်ထားသော တဂိုး၏ကဗျာ လေး တစ်ပုဒ်ပါ။ ဖော်ဝါ့မေးက ရလို့ ပြန်တင်ပေးလိုက်တာပါ။ 

ဇော်သိင်္ခ

လက်တွေ့ကျင့်သုံးရေး

 လောက၌ ပတ်ဝန်း ကျင်ကို ရှုမြင်တက်ရေးသည်

အရေး ကြီး၏။

ကြည့်သောအရာကို ကောင်းစွာမြင်ရေးသည် ပို၍

အရေးကြီး၏။

မြင်သောအရာကို သဘောပေါက်ခြင်းက ထိုထက်

တစ်ဆင့်မြင့်၏။

တဖန် ထိုသဘောပေါက်နားလည်ထားသောအရာမှ

သင်ခန်းစာထုတ်ယူတက်ရေးသည်လည်း

အရေးကြီးပြန်၏။

သို့သော်တကယ် အရေးကြီးဆုံးကား

ရရှိထားသည့် သင်ခန်း စာအတိုင်း လက်တွေ့

ကျင့်သုံးဆောင်ရွက်ရေးပင်ဖြစ်သည်။

 ဇော်သိင်္ခ