စာရေးဆရာ ချစ်ဦးညို အမေအကြောင်း ဟောပြောနေပုံ
(၁၅)ကြိမ်မြောက် အမေနေ့ အခမ်းအနားနှင့် အမေ့ခြေရာ ခံယူပွဲ ကို မန္တလေးမြို့ စကြာသီဟ ဘုရားဝင်း အတွင်း၌ ကျင်းပရာ ရုပ်ရှင်သရုပ်ဆောင် အကယ်ဒမီ ဆွေဇင်ထိုက်နှင့် စာရေး ဆရာ ချစ်ဦးညိုတို့ မှ အမေနှင့် ပတ်သတ်သော အကြောင်းအရာများကို ဟောပြောသွားပါသည်။ ထိုအမေနေ့ အခမ်းအနားသို့ မန္တလေးမြို့ပေါ်မှ အမေ့ခြေရာ ယူလိုကြသော ပုဂ္ဂိုလ်များနှင့် မိဘကျေးဇူးကို နာခံယူကြလိုသော သူများ၊ ရဟန်း၊သံဃာများ စည်ကားသိုက်မြိုက်စွာ လာရောက် နားထောင် အားပေးကြပါတယ်။
ရုပ်ရှင်သရုပ်ဆောင် ဆွေဇင်ထိုက် ဟောပြောနေပုံ
အမေနေ့ နှင့်ပတ်သတ်သော စာစုလေးများကို ဓာတ်ပုံများနှင့်တကွ အမှတ်တရ အနေနဲ့ ပြန်လည် ရေးသားဖော်ပြ ပေးလိုက်ပါတယ်။
သူငယ်ချင်းနဲ့ အမှတ်တရ
ပဋိသန္ဓေ၊ ဆယ်လနေ၍
မြုတေမျက်နှာ၊ မြင်သောခါက
နံ့သာပန်းမျိုး၊ မဉ္ဇူပျိုးသို့
ကျော်စောထင်အောင်၊ စီးပွားဆောင်သည်
ဘုန်းခေါင်မိခင်၊ ကျေးဇူးရှင်။
(ရှင်မဟာရဌသာရ)
အမေ့ခြေရာ ခံယူနေစဉ်
အမေ့ခြေရာ မှတ်တမ်း ဓာတ်ပုံ
မိခင်ရဲ့ကျေးဇူးကို မသိတက်သောသူသည် မည်သူ၏ဂုဏ်ကျေးဇူးကိုမျှ သိတက်တော့မည် မဟုတ်ပါ။ မိခင်ရဲ့ ကျေးဇူးကို အောက်မေ့တက်၊ လေးစားတက်၊ ဂါရဝပြုတက်မှသာ မိမိတို့၏ပတ်ဝန်းကျင်ကိုလည်း ကျေးဇူးတုံ့ပြန်တက်မှာပါ။ ဒါမှသာ စိုပြည်သာယာသော ပတ်ဝန်းကျင်၊ နိုင်ငံ၊ ကမ္ဘာကြီး ဖြစ်ပေါ်လာမှာဖြစ်ပါတယ်။
အမေမှန်ရင်လေ……… အမေ နားနဲ့မနာ ဖဝါးနဲ့နာ ပြောလိုက်ပါရစေတော့…………
အမေဟာ ကျနော့် လက်ထက်ထဲမှာ…… ကျနော့် မျက်စိ အောက်မှာပဲ မိန်းမရွှင် ဖြစ်နေပါစေ….
အမေဟာ .. အမေပါပဲ……….။
(ဘဘဦးသုခ)
ဟောပြောပွဲ လာရောက်နားထောင်ကြသော ရဟန်းသံဃာများ
လူသားတစ်ယောက် ပေါက်ပေါက်လားလား ဖြစ်လာဖို့အတွက် မိဘနှစ်ပါးစလုံးမှာ တာဝန်ရှိတာမှန်ပေမယ့် ကိုးလလွယ်ပြီး ဆယ်လမွေးရတာ၊ လူဖြစ်လာဖို့ နို့တိုက် မွေးရတာ၊ စကားပီ နားကြားရှိအောင် သင်ကြားရတာ၊ ကျွေးမွေးသုတ်သင်ရတာ တွေက အမေ့တာဝန်တွေကြည့်မို့ သားသမီးဟာ အမေ့မွေးကျေးဇူးကို ဘယ်တော့မှ မထိန်မြူးရဘူး၊ တချို့အကြောင်း အမျိုးမျိုးကြောင့် မိဘကို မွေးတုံ့မွေးလှည့်၊ ကျွေးတုံ့ကျွေးလှည့် ကလေးမှ သတိမရနိုင်သူများကို ဆရာ ဘဘဦးသုခက သတိပေးနှိုးဆော်တဲ့ သဘောနဲ့ ဖြစ်ပါလိမ့်မယ်။ တကယ်တော့ နေ့တိုင်း ပြာသိုလပြည့်နေ့ဖြစ်နေကြပါစေ။
(အမေလူထုဒေါ်အမာ)
ပညာအမွေရွှေအိုး ရိုးသားမှု့ ဂုဏ်သိက္ခာ
မေတ္တာ အကြင်နာမှတပါး
အခြားပေးစရာအထွေထွေမွဲသော်လည်း
အမေဟာအမေပဲလေ။
ဇမ္ဗူတိုင်းမှာ အဖြေညှိပြရင်
အပူလှိုင်းဖြာ ဝေဒနိကတွေနဲ့ 
လူတိုင်းဟာ အမေရှိကြတယ်။
မရေမရာ ပဟေဋ္ဌိတွေကြောင့်
အသေအချာ အဖေမသိတောင်မှ
အမေရှိတယ်။
အမေကျေးဇူးများကို ကျေပွန်စွာပြန်လည်ပေးဆပ်နိုင်ကြပါစေလို့ ဆန္ဒပြုရင်း…..။
ခင်မင်စွာဖြင့်
ဇော်သိင်္ခ
2 comments:
အမေ့ခြေရာခံယူပွဲလေးကိုကြည်နူးစွာကြည့်ရှုခံစားသွားပါတယ်..
အမေအားလုံး ကျန်းမာချမ်းသာကြပါစေ။
ဟုတ်တာပေါ့ အစ်ကိုရာ နေ့ တိုင်း သားသမီးတိုင်း အတွက် ပြာသိုလပြည့်နေ့ တွေ ဖြစ်နေဖို့ လိုပါတယ်။
Post a Comment