အိမ်ထောင်ရေးအပေါ် ဗုဒ္ဓဘာသာအမြင်

ဗုဒ္ဓဘာသာမှာ အိမ်ထောင်ရေး ကိစ္စကို လုံးဝ ကိုယ်ရေးကိုယ်တာ ကိစ္စလို့ပဲ သတ်မှတ်တယ်။ ဘာသာရေးနဲ့ လုံးဝ မဆိုင်ပါ။

အိမ်ထောင်ရေး ကိစ္စသည် လူမှုရေးဆိုင်ရာ အများလက်ခံထားသော ဓလေ့ထုံးထမ်းတစ်ခု ဖြစ်တယ်။ လူတွေက လူသားတို့ ပျော်ရွှင်ချမ်းမြေ့စွာ နေနိုင်ရေးအတွက် တီထွင်ထားသော လူမှုရေး အဆောက်အအုံ သဘော တစ်ခုပင် ဖြစ်ပါသည်။ အိမ်ထောင်ရေးသည် လူနှင့် တိရစ္ဆာန်တို့ရဲ့ ကွဲပြား ခြားနားမှုကို ဖော်ဆောင်တဲ့ လူမျိုးဆက် ပြန့်ပွားရေး မွေးဖွားမှုနှင့် ဆိုင်တဲ့ လူ့အဖွဲ့အစည်းအတွင်း သဘောထား ညီညွတ်မှုနှင့် စည်းကမ်းတကျ ရှိမှုကို ထိန်းသိမ်းတဲ့ ဖြစ်စဉ် တစ်ခုပါ။ ဗုဒ္ဓဘာသာ စာပေကျမ်းဂန်များထဲမှာတော့ တစ်လင် တစ်မယားစနစ်၊ တစ်လင် မယားအများစနစ်ကို မဖော်ပြဘဲ ရေငုံနှုတ်ပိတ် ထားစေကာမူ ဗုဒ္ဓဘာသာဝင် ဒါယကာ၊ ဒါယိကာမများအနေနဲ့ တစ်လင်တစ်မယား စနစ်ကိုပဲ လက်ခံ ကျင့်သုံးကြဖို့ ဆုံးမထားပါတယ်။ ဗုဒ္ဓရှင်တော်မြတ်ဘုရားအနေနဲ့ လူသာမန်တွေနဲ့ စပ်ဆိုင်တဲ့ အိမ်ထောင်ရေး စည်းမျဉ်း စည်းကမ်းတွေကိုတော့ ချမှတ်ခဲ့တာ မရှိပါဘူး ။ ဒါပေမယ့် ပျော်ရွှင် ချမ်းမြေ့တဲ့ အိမ်ထောင်ရေး ဘဝကို ဘယ်လို တည်ဆောက်သင့်ကြောင်း အဆုံးအမများကိုတော့ ဟောကြားတော်မူခဲ့ပါတယ်။ မိမိရဲ့ ဇနီးမယား တစ်ဦးတည်းအပေါ်မှာပဲ သစ္စာရှိရှိ ပေါင်းသင်း ဆက်ဆံပြီး တခြားသော မိန်းမများ နောက်သို့ မလိုက်စားခြင်းသည်သာ ဉာဏ်ပညာရှိရာကျကြောင်း ဟောကြားတာတွေ ရှိပါတသ်ည။ အမျိုးကောင်းသား  တစ်ယောက်ရဲ့ ကျဆုံးခြင်း အကြောင်းဟာ မိမိ ဇနီးမယားမှ တစ်ပါး အခြားသော မိန်းမများနှင့် ငြိစွန်းခြင်းကြောင့် (ပရမ္ဘာဝသုတ်)မှာ ဟောပါတယ်။ ယောက်ျား တစ်ယောက်ဟာ ဇနီး မိန်းမ တစ်ယောက်နဲ့ ပေါင်းသင်းဆက်ဆံတဲ့ အိမ်ထောင် တစ်ခု တည်ထောင်ရာမှာပင် တွေ့ကြုံရတက်တဲ့ အခက်အခဲတွေ၊ အကဲစမ်းမှုတွေ ဘယ်လောက်များတယ်ဆိုတာ နားလည်သင့်တယ်။ ဘေးအန္တရယ်နဲ့ ကြုံတွေ့ရတဲ့ အချိန်အခါကျရင် ဒီအခက်အခဲတွေဟာ ဘယ်လောက်တောင် ပိုပြီး ကြီးကျယ်လာသလဲ ဆိုတာကိုလည်း နားလည်သင့်တယ်။ လူ့ သဘာဝရဲ့ စိတ်ဓာတ် ပျော့ညံ့မှု၊ စိတ်လွယ်မှုကို သိမြင်တော်မူတာကြောင့် မြတ်ဗုဒ္ဒက ငါးပါးသီလ သိက္ခာပုဒ်ထဲမှာ ကာမေသုမိစ္ဆာစာရ သိက္ခာပုဒ်ကို ထည့်သွင်းထားပြီး သူ့ တပည့်သားများ ဒီသိက္ခာပုဒ်ကို ထိန်းသိမ်းကြဖို့ကိုလည်း တိုက်တွန်းတော်မူထားပါတယ်။

အိမ်ထောင်ရေးနဲ့ ပတ်သက်တဲ့ ဗုဒ္ဓဘာသာတို့ရဲ့ အမြင် အယူအဆဟာ သိပ်ပြီး လွတ်လပ်ပါတယ်။ ဗုဒ္ဓဘာသာမှာ အိမ်ထောင်ရေး ကိစ္စဟာ ပုဂ္ဂိုလ်ရေး ကိစ္စ၊ မိမိတို့ရဲ့  ကိုယ်ရေးကိုတာ ကိစ္စသာ ဖြစ်တယ်။ ဘာသာရေးနှင့် လုံးဝ မပက်သက်ပါ။ ဘာသာ တာဝန် တစ်ရပ်လည်း မဟုတ်ပါ။ လူ တစ်ယောက်ကို အိမ်ထောင်မပြုဘဲ မနေရ ဆိုတဲ့ ဥပဒေ ပညတ်မျိုးလည်း ဗုဒ္ဓဘာသာမှာ မရှိပါ။ မိမိ သဘောအလျောက် အိမ်ထောင် မပြုဘဲ ငယ်ဖြူအဖြစ် လူပျိုကြီး၊ အပျိုကြီး အဖြစ် နေလိုကလည်း နေနိုင်တယ်။ ဗုဒ္ဓဘာသာဝင်တွေဟာ သားသမီး မွေးရမယ်လို့ ပြဌာန်းထားချက်မျိုးလည်း ဘယ်နေရာမှာမှ မရှိပါဘူး။ သားသမီး ဘယ်နှယောက်ပဲ မွေးရမယ်လို့လည်း  ကန့်သတ်ချက်မျိးလည်း မရှိပါ။ အိမထောင်ရေးနဲ့ ပတ်သက်သမျှ အမှုခပ်သိမ်းမှာ ဗုဒ္ဓဘာသာဝင်တွေ အနေနဲ့ လွတ်လပ်စွာရွေးချယ်ဆောင်ရွက်ခွင့် ရှိပါတယ်။ အိမ်ထောင် မပြုရဘူးဆိုတဲ့ ဥပဒေ မရှိရင် ဘာကြောင့်  ဒီနေရာမှာမေးနိုင်တဲ့ မေးခွန်း တစ်ခုက ဗုဒ္ဓဘာသာ ရဟန်းသံဃာတွေဟာ ဘာကြောင့် အိမ်ထောင် မပြုရတာလဲ ဆိုတဲ့ အမေးပါ။

အဖြေကတော့ ရှင်းပါတယ်။ အကြောင်းက လူသားတွေ အကျိုးကို လွတ်လွတ်လပ်လပ် ဆောင်ရွက်နိုင်ဖို့ပဲ ဖြစ်တယ်။ သံဃာတော်တွေဟာ မေထုန်မှုကို ရှောင်ကြဉ်တဲ့ ဘဝနေနည်းကို ရွေးချယ်တာပဲ ဖြစ်ပါတယ်။ အိမ်ထောင်ရေးကို ပယ်တဲ့၊ လောကီနယ်ကို စွန့် တဲ့ ရဟန်းဟာ လောကီရေး တာဝန်ယူရမှုတွေကို မိမိ သဘောအလျောက် စွန့်ပယ်ခြင်းအားဖြင့် စိတ်ရဲ့ ငြိမ်းအေးမှုကိုထိန်းသိမ်းပြီး မိမိတို့ရဲ့ သာဝကများ အကျိုးသက်သက်ကို ဆောင်ရွက်နိုင်အောင်နဲ့ မိမိရဲ့ မဂ်ဉာဏ် ဖိုလ်ဉာဏ် ရရှိရေးကို လွတ်လွတ်လွတ်လပ်လပ် ဆောင်ရွက်နိုင်ဖို့ပဲ ဖြစ်တယ်။ ရဟန်း သံဃာတော်များအနေနဲ့ လက်ထပ်ပွဲ အခမ်းအနားကို တာဝန်ယူ ဆောင်ရွက် ပေးခြင်း မရှိသော်လည်း မင်္ဂလာဆွမ်းကျွေးပြီး အကြင်လင်မယားအတွက် မင်္ဂလာပွဲချီး မြှင့်ခြင်းမျိုးကိုတော့ ကျင်းပပေးနိုင်ပါတယ်။

လင်မယား ကွာရှင်းပြတ်စဲခြင်း

ဗုဒ္ဓဘာသာမှာ ကွာရှင်းပြတ်စဲခြင်းကို တားမြစ်ထားတာ မရှိပါ။ လိုအပ်လာတဲ့အခါမှာတော့ ဗုဒ္ဓရဲ့ မိန့်မှာထားချက်များကို တိတိကျကျ လိုက်နာရတာမျိုးတော့ ရှိပါတယ်။ တစ်ယောက်နှင့် တစ်ယောက် သဘောမတူကြတော့တဲ့အခါ ယောက်ျားပဲဖြစ်ဖြစ်၊ မိန်းမပဲ ဖြစ်ဖြစ် ကွာရှင်းနိုင်တဲ့ အခွင့်အရေး တန်းတူ ရှိပါတယ်။ လွတ်လပ်စွာ ကွာရှင်းနိုင်တယ်။ စိတ်ဆင်းရဲခံပြီး ပေါင်းသင်းနေရတာနဲ့ စာရင် ကွာရှင်းလိုက်တာက ပိုပြီး ကောင်းတယ်။ စိတ်ဆင်းရဲခံ ပေါင်းသင်းနေရတဲ့ ဘဝကြာရှည်နေမှုကို ရှောင်ရှားရေးအတွက် ကွာရှင်းလိုက်တာက ပိုကောင်းပါတယ်။

မြတ်ဗုဒ္ဓက အသက်အရွယ် ကြီးရင့်တဲ့ လူအို ယောက်ျားကြီးများ ဇနီး မိန်းကလေးငယ်ငယ်ကို လက်မထပ်သင့်ကြောင်း၊ အိုမင်းရင့်ရော်သူနဲ့ နုပျိုသူဟာ အံဝင်ခွင်ကျ မရှိနိုင်လို့ပဲ ဖြစ်တယ်။ ဒီလို ဇရာအိုနဲ့ ကညာပျို ပေါင်းသင်းကြရင်ဖြင့် မဖြစ်သင့်တဲ့ ပြဿနာတွေ ဖြစ်လာနိုင်တယ်။ သဘောထား ကွဲမှုတွေ၊ ကျဆုံးမှုတွေ ဖြစ်လာနိုင်တယ်။(ပရဗ္ဘာဝသုတ်)

လူ့အဖွဲ့အစည်းဟာ လူအချင်းချင်း အတွင်းကျကျ ဆက်ဆံ ပေါင်းသင်းမှု၊ တစ်ဦးအပေါ် တစ်ဦး မှီခိုမှုကနေ ပေါ်ပေါက်လာတာ ဖြစ်တယ်။ ဒီလို ပေါင်းသင်းဆက်ဆံမှုဟာ စိတ်ရောကိုယ်ပါ တာဝန်ယူမှု၊ တစ်ဦးကို တစ်ဦးက ထောက်ပံ့မှု၊ ကာကွယ် စောင့်ရှောက်မှုပြုဖို့ ဆိုတဲ့ ခံဝန်ကတိပြုမှုတွေနဲ့ တည်ဆောက်လာကြတာ ဖြစ်တယ်။ ဒီဆက်ဆံရေး ပင့်ကူအိမ်ထဲမှာ အိမ်ထောင်ရေး ဘဝဟာ အလွန် အရေးပါတဲ့ အစိတ်အပိုင်းတစ်ခု ဖြစ်ပါတယ်။ ကောင်းမွန်တဲ့ အိမ်ထောင်ရေး ဘဝကို စိတ်ဆန္ဒ ရာဂနဲ့ လိုက်စားမှုနဲ့ မတည်ဆောက်ဘဲ နားလည်မှုနဲ့ သစ္စာရှိမှုပေါ်မှာသာ မူတည်ပြီး ထူထောင်သင့်ပါတယ်။ လူ့ ယဉ်ကျေးမှု တိုးတက် ဖြစ်ထွန်းလာရာမှာ အိမ်ထောင်ရေး အဆောက်အအုံဟာ ကောင်းမြတ်တဲ့ အခြေခံ အုတ်ဖြစ်ကို ချမှတ်ပေးပါတယ်။ လူနှစ်ယောက်ရဲ့ ပျော်ရွှင်စွာ ပေါင်းသင်းမှု၊ အထီးကျန် မှုက လွတ်မြောက်မှုများနှင့်  ပြုစု ပျိုးထောင်ယူရတာ ဖြစ်တယ်။ အ်ိမ်ထောင်ရေး ဘဝမှာ တစ်ယောက်ဟာ တစ်ယောက်ရဲ့ ဘဝဖြည့်ဖက်၊ ကြင်ဖက်ဖြစ်လာပါတယ်။ တစ်ယောက်က်ို တစ်ယောက်က အင်အားရှိအောင် ရဲစွမ်းသတ္တိရှိလာအောင် ပံ့ပိုးပါတယ်။ တစ်ယောက်ရဲ့ ကျွမ်းကျင်မှုက တစ်ယောက်ကို ကူညီပံ့ပိုးပြီး နှစ်သိမ့်မှုကို ပေးပါတယ်။ အိမ်ထောင်ရေးမှာ ယောက်ျားက ပိုမြတ်တယ်။ မိန်းမက ပိုမြတ်တယ် ဆိုတဲ့ အတွေးအခေါ်မျိုးနဲ့လည်း မရှိဘူး တစ်ယောက်ရဲ့ ဘဝဟာကွက်ကို နောက်တစ်ယောက်က ဖြည့်ဖက်အဖြစ် ကွက်လပ်ဖြည့်ပြီး တန်းတူ ရည်တူ ကြင်နာယုယမှု၊ ရက်ရောမှု၊ ငြိမ်သက်မှုနဲ့ တစ်ယောက်ကို တစ်ယောက်က အပ်နှံခြင်းဖြင့် ဆက်ဆံကြတာ ဖြစ်ပါတယ်။

ဆန်းလွင်(ရှင်အာဒိစ္စရံသီ) ၏  ``ဗုဒ္ဓဘာသာဝင်တွေ ယုံကြည်ကြတာက `` စာအုပ်မှ ကောက်နှုတ် ဖော်ပြသည်။

ခင်မင်စွာဖြင့်...

ဇော်သိင်္ခ