မိုးကောင်းကင် အောက်သို့ ရောက်လာကြသူအားလုံး ကျန်းမာချမ်းသာစွာဖြင့် ရွှင်လန်းချမ်းမြေ့ကြပါစေကြောင်း ဆုမွန်ကောင်းတောင်း မေတ္တာပို့သလိုက်ပါတယ်။

Wednesday, May 25, 2011

တုန်ခြင်း မှုန်ခြင်း သည်းခံပါ


5726469.jpg

ဆောင်းတွင်းမို့ နေဝင်စောသည်။ အအေးဓာတ်က သိသိသာသာဝင်ရောက်လာခဲ့ပြီ။ လမ်းမီးများလည်း လင်းစပြုပြီ။ ညီလေး ဝင်းဦးနှင့် မိမိတို့ ၂၆ ဘီလမ်းမပေါ်မှ သဘောင်္တန်းလမ်းဘက်သို့ ဖဲ့ဆင်းခဲ့လိုက်သည်။ ညီအစ်ကိုနှစ်ယောက်စလုံး ရင်တခုန်ခုန်ဖြင့် ခြံကျယ်ကြီးတစ်ခြံနားသို့ ချဉ်းကပ်လိုက်ကြသည်။ ခြံဝင်းသံတံခါးကြီးများက ခပ်မာမာဖြင့် ဆီးကြိုနေ၏။ သံတံခါးနား တိုးကပ်လိုက်ချိန်တွင် ခပ်လှမ်းလှမ်းတိုက်အိမ်ထဲရှိ မိသားစုတစ်စုကို လှမ်းမြင်နေရပြန်သည်။ ထိုမိသားစုရှေ့ရှိ စားပွဲပေါ်တွင် ရုပ်မြင်ပြီး အသံကြားနေရသော ပစ္စည်းတစ်ခုက မိမိတို့၏အာရုံများကို လက်ယပ်ခေါ်နေပြန်သည်။ တိုက်တံခါးဝမှ သံဘာဂျာတံခါးက ဖွင့်မထား။ စေ့ထားလျက်။ ထိုသံဘာဂျာတံခါးနှင့် မိမိတို့ အားပြုကြည့်နေသော ဝင်းခြံတံခါးကြားတွင် မြေကွက်လပ်က ခြားနေသေးသည်။ သို့ပေမယ့် မိမိတို့က စိတ်မပျက်။ တစ်ခါတစ်ရံ အားမလိုအားမရဖြစ်နေရပေမယ့် မြင်နေရသော ရုပ်မြင် အသံကြား ပုံးလေးကိုသာ မဝတမ်း တရှိုက်မက်မက်။ ဖန်သားပြင်အခုံးပေါ်မှ အရုပ်များက အဖြူအမည်းဝတ်စုံဖြင့်…။

ဖြစ်နိုင်လျှင် နှစ်ဦးစလုံး၏စိတ်တွင် သံတံခါးနှစ်ချပ်စလုံး ရုတ်တရက် ပွင့်သွားစေချင်နေကြသည်။ ကြည့်နေရသည်မှာ အားမရ။ မဝတဝ။ ဇာတ်ကားထဲမှ မင်းသားနှင့် မင်းသမီး သီချင်းဆိုပြီး ပန်းခြံထဲ လျှောက်သွားနေကြစဉ် မိမိနှင့် ညီလေးတို့၏ တင်ပါးများပေါ် `` ဖြန်း…ဖြန်း…``ဆိုပြီး ပူခနဲဖြစ်သွားသည်ကို သိလိုက်ရသည်။ အလန့်တကြားဖြင့် ဆုပ်ကိုင်ထားသော သံတံခါးမှ သံချွန်များကို လက်လွှတ်ပြီး နောက်လှည့်ကြည့်မိရာ ဝါးခြမ်းပြားကိုင်ပြီး မိုးကြည့်နေသော အမေ့ကို တွေ့လိုက်ရသည်။ နှစ်ယောက်စလုံး ဘာမျှ မပြောနိုင်ဘဲ ``ကြောင်`` ကြည့်နေမိကြသည်။ အမေက နောက်ထပ်ရိုက်ရန် ဟန်ပြင်မှ သတိပြန်ဝင်ပြီး နှစ်ယောက်သား အိမ်သို့ သုတ်ခြေတင်ရတော့သည်။ ပြေးရင်းလွှားရင်း အခုလေးတွင် ကြည့်ခဲ့ရသော ရုပ်မြင်သံကြား အရသာက တစ်သက်သက်ကပ်ပါလာခဲ့သေးသည်။ ဘဝမှာ ပထမဦးဆုံး ကြည့်ခွင့်ရခဲ့သော TV (ရုပ်မြင်သံကြား)။ ထို TV အရသာက ခပ်စပ်စပ်လေး။


******************

မြန်မာနိုင်ငံသို့ အနောက်တိုင်းမှ လာသော ``ရုပ်ရှင်`` အနုပညာကို စတင် မျိုးစေ့ချပေးခဲ့သူမှာ ``လန်ဒန်အတ် ဓာတ်ပုံကူးတိုက်`` တည်ထောင်ခဲ့သည့် ``လန်ဒန်အတ် ဦးအုန်းမောင်`` ဖြစ်သည်။ ဦးအုန်းမောင်က ၁၉၁၄-၁၅ တွင် ဓာတ်ပုံမှ ရုပ်ရှင်ဘက်ကူးရန် စိတ်ဆန္ဒ ပြင်းပြခဲ့သည်။ ထိုစဉ်က မြန်မာနိုင်ငံတွင် အင်္ဂလိပ်၊ အမေရိကန်ဇာတ်ကားများသာ ရှိပြီး ``မြန်မာရုပ်ရှင်ကား`` ပေါ်ထွက်ရန် အဝေးစွ၊ ကြားပင်မကြားဖူးကြသေး။ထိုကာလတွင် ဦးအုန်းမောင်သည် ရုပ်ရှင် ဇာတ်ကားများ ကြည့်၊ ရုပ်ရှင်ပညာ လေ့လာ၊ ရုပ်ရှင်နှင့်ပတ်သက်သည့် စာအုပ်စာတမ်းများ ဖတ်ရှု့ပြင်ဆင်ပြီး ``မြန်မာ့ရုပ်ရှင်`` ရိုက်ရန် စတင်ခြေလှမ်းလိုက်သည်။ ဒီဆူဇာဆေးတိုက်တွင် အိန္ဒိယ ခရီးသည်တစ်ဦးက သုံးမရ၍ ချောင်ထိုးထားခဲ့သောကင်မရာ``ကိုဝယ်ယူပြီး ကြံဖန်ပြုပြင်၍ ရိုက်ခဲ့ရသည်။ ဆရာကြီး  ပီမိုးနှင်း၏ ဝတ္ထုဇာတ်လမ်းဖြစ်သည့် ``မေတ္တာနှင့်သူရာ``ကို ဇာတ်လိုက် ကိုညီပု၊ မင်းသမီးက ကြည့်မြင်တိုင်သူ မရီ၊ လူကြမ်းများအဖြစ် ဦးတုတ်ကြီး၊ မောင်မောင်ချစ်… တို့ဖြင့် စတင်ရိုက်ကူးနေစဉ် ဘိလပ်သွား ဝံသာနုခေါင်းဆောင် ဦးထွန်းရှိန်(ဖေပုရှိန်) ကွယ်လွန်ခြင်းနှင့် ကြုံကြိုက်နေ၍ ဦးထွန်းရှိန် ဈာပနအခမ်းအနား သတင်းကား (၅-၆-၁၉၂၀) ကိုကြားဖြတ်ရိုက်ကူးလိုက်ရသည်။ ထိုသတင်းကားကို အစမ်းပြသကြည့်ရာ သတင်းကားပင်ဖြစ်လင့်ကစား ပထမဦးဆုံးသော ``မြန်မာရုပ်ရှင်ကား`` မို့ မြန်မာပရိသတ်တို့က ကြိတ်ကြိတ်တိုး ကြည့်ရှုအားပေးခဲ့ကြသည်။ ထို့ကြောင့် ဦးအုန်းမောင်က ``မေတ္တာနှင့် သူရာ``ကို ဆက်လက်ပြီး ကြိုးပမ်းရိုက်ကူးခဲ့သည်။

၁၉၁၈ မှ စတင်ရိုက်ကူးရာ ၁၉၂၀ ပြည့်တွင် ပြီးစီးသည်။  ၁၉၂၁ တွင်  ရုံတင်ပြသရာ ပရိသတ်များက ကြည့်ရှု့ပြီး ချီးကျူးအားပေးကြသည်မှာ တစ်နိုင်ငံလုံးသို့ ပဲ့တင်ထပ်သွားခဲ့ရသည်။ ``မေတ္တာနှင့် သူရာ`` ဇာတ်ကားကြီး ပြပါပြီဟုသည့် ကြော်ငြာဝေသောနေ့တွင် ပရိသတ်ကြီးမှာ ကြိတ်ကြိတ်တိုး စည်ကားလျက်ရှိသည်။ စကော့ဈေးအရှေ့ဘက်ရှိ စိနီမာဒီပဲရစ်ရုံတွင် ``ပထမ မြန်မာဇာတ်ကား​`` ကို ပြသခဲ့သည်။

ပရိသတ်တွေက ခြေကျင်တစ်မျိုး၊ လန်ချားတစ်ဖုံ၊ မြင်းရထားနှင့် တစ်ပြုံတစ်ခေါင်း..။ ရုပ်ရှင်ပြချိန်က နီးလေပြီ။ မဏာမတီးဝိုင်းမှ သီချင်းစ၍ တီးပြီ။ (စန္ဒရားတစ်လုံး၊ မယ်ဒလင်တစ်လက်၊ တစ်ယောတစ်လက်နှင့် အဆိုတော်များသာ ပါသည့်ဝိုင်း။) သီချင်းက ဆူဆူညံညံမဟုတ်။ သာယာချိုအေးလှသော တေးသံ။ ဇာတ်ကားကို စပြလေပြီ။ ထွက်လျှင်ထွက်ချင်းပင် ခပ်တုန်တုန် ခပ်မှုန်မှုန် ပေါ်လာသောစာတန်းမှာ…

``ပထမ မြန်မာဇာတ်ကား ဖြစ်သဖြင့် တုန်ခြင်း မှုန်ခြင်း သည်းခံပါ``  ဟူသော တောင်းပန်စာပင်ဖြစ်သည်။ ထိုဇာတ်ကားထဲတွင် ပါဝင်သူအားလုံးမှာ မည်းမည်းသဲသဲရှိလှပြီး မျက်နှာကို ခြယ်သမှု၊ ဓာတ်ပုံ အလင်းအမှောင် ယူမှုတို့လည်း မရှိသေးသည်မို့ အမှန်တကယ်ပင် တုန်ပြီး မှုန်လှသည်။


***********************


မန္တလေးမှာ ပထမဦးဆုံး စကြည့်ခဲ့ရသော TV (ရုပ်မြင်သံကြား) မှာလည်း မိမိအဖို့ ``ပထမဆုံး မြန်မာဇာတ်ကား`` စကြည့်ခဲ့ရသူများလိုပါပဲ။ သဘောင်္တန်းလမ်းပေါ်ရှိ ခြံဝိုင်းကျယ် တိုက်တစ်လုံးထဲက TV ဖန်သားပြင်ကြည့်ခဲ့ရသည်မှစပြီး မိမိမှာ TV ကို အစွဲကြီးစွဲခဲ့ရပြီ။

၁၉၈၃-၈၄ တစ်ဝိုက်က နေရှင်နယ် သစ်သားအိုး TV ကြီးကို လူသုံးလေးယောက် ဝိုင်းမရသည်။ သို့သော် မည်သူမျှ မညည်း။ ထိုစဉ်က မြို့ပေါ်မှာ တီဗွီ တစ်လုံးမျှ မရှိသော ရပ်ကွက်တွေက အများကြီး။ တီဗွီ ရှိသည့် အိမ်မှာ  မျက်နှာပန်းလှသည်။ ဈေးသွား ဈေးပြန်တွင် ဈေးခြင်း ကူဆွဲပေးသူနှင့် သာကြောင်းမာကြောင်း နှုတ်ဆက်သူများနှင့် စိတ်ကြီးဝင်စရာပင် ဖြစ်ခဲ့ရသည်။ ၁၄ လက်မ အဖြူအမည်း တီဗွီ လေးကိုပင် ဝိုင်းအုံတိုးဝှေ့ ကြည့်ခဲ့ရပြီး ``အရသာ`` ခံခဲ့ရသည်။ TV မှ သတင်းကြေညာသူများဖြစ်သည့် ဦးသိန်းလှမော်၊ ဦးကျော်စိုးဦး၊ ဒေါ်ခင်အေးလွင် တို့မှာ TV စတားများ ဖြစ်သည်။ နေ့စဉ် ဖန်သားပြင်ပေါ်မှ သူတို့ရုပ်ပုံလွှာများသည် ပရိသတ်စိတ်ထဲ၊ မျက်စိထဲ၊ စူးစူးနစ်နစ် စွဲထင်နေခဲ့ရသည်။

ထိုစဉ်က မြန်မာ့ရုပ်မြင်သံကြား အစီအစဉ်က တစ်လိုင်းပဲရှိသေးသည်။ တစ်ပတ်အတွင်း ကြည့်ရှု့ရမည့် အစီအစဉ်စာရွက်လေးများကို ဝယ်ထားရသည်။ အင်္ဂလိပ်ပိုင်း၊ မြန်မာပိုင်းဟူ၍ ဇာတ်ကားများရှိကြရာ အင်္ဂလိပ်ပိုင်းတွင် ချာလီ၏ နတ်မိမယ်များ၊ Lover Boat ၊ ချာလီချက်ပလင်၊ SWAT ဇာတ်လမ်းတွဲ၊ နဲဗားရွန်းခံတပ်မှ အမြောက်ကြီး၊ ဂျန်မင်းသားများဖြစ်သည့် ဆန်နီချီးဗား၊ ဟန်နရီဆာနာဒါး ဇာတ်လမ်းတွဲများကို စောင့်ကြည့်ခဲ့ရသည်။ စနေဆိုလျှင် ဇာတ်ကားကောင်း လွှင့်တက်သည်။ မြန်မာပိုင်းမှဆိုလျှင် ``ဖာတစ်လုံးခေါင်းကျား``၊ ``ဗိုလ်အောင်ဒင်``၊ ``မြဂနိုင်``၊ ``ရတနာပုံ``၊ ``ဗိုလ်ကာတွန်း``၊ ``ပယင်းရောင်``၊ ``ကိုယ်ရယ်တိုးရယ် စိုးစိုးရယ်``၊ ``ဖြေနိုင်ပေါင်``၊ ``စကားပြောသော အသဲနှလုံး``၊ ``အကာက အချစ် အနှစ်က မေတ္တာ``၊ ``စိမ်းနဲ့တေဇာ`` … မလွတ်တမ်းကြည့်ခဲ့ရပြန်သည်။ သုခ၊ ခင်မောင်ရင်၊ ဦးတင်မောင်၊ ဖိုးပါကြီး၊ ကောလိပ်ဂျင်နေဝင်း၊ ကျော်ဆွေ၊ တွံ့တေးသိန်းတန်၊ မောင်မောင်တာ၊ ညွန့်ဝင်း၊ ကျော်ဟိန်း၊ မေမေဝင်း၊ ကြည်ကြည်ဌေး၊ ခင်ယုမေ၊ မေသစ်၊ ခင်သန်းနု၊ ဝါဝါဝင်းရွှေ၊ ဆွေဇင်ထိုက်… မှတ်မှတ်သားသား စွဲစွဲလမ်းလမ်း ဖြစ်ခဲ့ရသော မင်းသား မင်းသမီးများ။

မိမိတို့က စနေနေ့ နေ့လယ်ကိုလည်း စောင့်ရပြန်သည်။ ကာတွန်းကားများဖြစ်သည့် ကြောင်နှင့်ကြွက်၊ သစ်တောက်ငှက်၊ ပင်ဂွင်း၊ ဘဲလေး..။ အင်္ဂါနေ့တွင် တစ်ကိုယ်တော် တေးသီချင်းကဏ္ဍ လွှင့်ပေးတက်သည်။ ထိုစဉ်က ဟေမာနေဝင်းစတိုင်မှ ဟေမာနေဝင်းစတိုင်။ ဟေမာနေဝင်း ဆံပင် အကြေကောက်၊ ဂျပန်ဆံတောက်၊ အလုံးကေ၊ နှုတ်ခမ်းနီက ပန်းရောင်ဆိုးလျှင် ပန်းရောင်၊ ပြီးတော့ ထဘီကို တိုတိုဝတ်ပြီး အင်္ကျီဒီဇိုင်းက လက်ဖောင်းလက်ရှည်။ အထူးသဖြင့် ဟေမာနေဝင်းမျက်နှာမှာ တည်ငြိမ်ပြီး အသံက ပြတ်သားကြည်လင်နေသည်မို့ စွဲလမ်းကြတာလည်း ပါမည်။ ဟေမာနေဝင်း၏ တေးများ၊ မေဆွိ၏တေးများ အလှည့်ကျ လွှင့်ပေးခဲ့သည်။ ဗုဒ္ဓဟူးနေ့တွင် မြန်မာ့အသံက ရိုက်ကူးပြသသည့် ဇာတ်လမ်းတွဲများအပြင် အငြိမ့်ခန်းများပါ လွှင့်ပေးခဲ့သည်။ အေးအေးမြင့်၊ သီတာဝင်းတို့မှာ လက်မလွှတ်တမ်း ကြည့်ခဲ့ရသော ကနဦးအငြိမ့်မင်းသမီးများ ပင် ဖြစ်သည်။ လူရွှင်တော်များကလည်း ကွမ်းသီး၊ ပိန်ပိန်၊  စုတ်ချွန်း၊ မေတ္တာ၊ အရိုင်း၊ ကိုသူရ။

ညစဉ် သတင်းပြီးလျှင် နိုင်ငံတကာသတင်း လွှင်ပေးရာ ထိုစဉ်က ဖေးဗရိတ်မှာ မင်းသမီး ဒိုင်ယာနာပင်ဖြစ်သည်။ ထို့ပြင် သမ္မတ ရေဂင်၊ သမ္မတ ဂေါ်ဗာချော့(ဗ်) (မြန်မာပြည်မြေပုံ အမှတ်အသားလေးက သူ့နဖူးထက် ပါနေသည်ဖို့ အလွန်ထင်ရှားခဲ့သူ)၊ မာဂရက်သက်ချာ (အင်္ဂလန်အမျိုးသမီးဝန်ကြီးချုပ်)၊ ပြီးမှ အားကစားသတင်းနှင့် ပိတ်သည်။ အခြားဖျော်ဖြေရေးအစီအစဉ်များကလည်း မတွင်ကျယ်ကြသေးသည်မို့ မိသားစုတိုင်းလိုလို အဲဒီချိန်လျှင် TV ရှေ့ တိုးဝှေ့ထိုင်ကြရသည်။

…………………..

ရုပ်မြင်သံကြားစက် အလွန်အင်မတန်မှပင် တန်ခိုးထွားခဲ့တဲ့အချိန်။ TV ထည့်ဖို့ အိမ်၊ TV ဖုံးဖို့ သက္ကပ်အစ၊ တစ်အိမ်မှာ တစ်ယောက်ပဲ TV အိမ်သော့ ကိုင်ရသည်။ အစီအစဉ်ပြီးတော့ TV ကြီးက ပူနေသဖြင့် အေးအောင် စောင့်ပြီးမှ သက္ကလပ်စအုပ်၍ ရိုရိုသေသေ တလေးတစားဖြင့် TV အိမ် သော့ ခတ်ကြရသည်။ မှတ်မိသေးသည်။ တစ်ရက် မတ္တရာဘက်မှ ဧည့်သည်များ အိမ်ရောက်လာကြရာ ညနေကတည်းက သူတို့တစ်တွေ တွတ်ထိုးပြီး ``သေတ္တာကြီး ပြမယ်ဆို`` ``သေတ္တာကြီး ပြမယ်ဆို`` နှင့် တတွတ်တွတ် ကပ်မေးနေကြသည်။ သူတို့ပြောသည့် သေတ္တာကြီးဆိုသည်မှာ အကျအန သော့ခတ်ထားသည့် TV အိမ်ကြီးကို ဆိုလိုခြင်းပင်။

ရက်ကွက်ထဲ TV ဝယ်လာတယ်ဆိုလျှင် TV ဝယ်နိုင်သူ့ မျက်နှာမှာ အောင်ပွဲရ စစ်သူကြီးမျက်နှာအတိုင်းပင်။ မည်သူ့မျှ ထီမထင်သည့်ဟန်က သူ့မျက်နှာပေါ်တွင် စွဲထင်နေသည်။ ဤသို့ဖြင့် အဖြူမည်းဘဝမှ ကာလာခေတ်သို့ ရောက်လာရသည်။ မှတ်မှတ်ရရ ကာလာ TV က တိုရှိဘာ အမျိုးအစား။ အဖြူအမည်း မြင်နေကျမှ ဆေးရောင်စုံခြယ်သထားသော မြင်ကွင်း မြင်လိုက်ရတော့ မိမိတို့မှာ အသက်ရှူပင် မှားချင်သည်။ မြင်မြင်သမျှ အကုန်လှနေသည်။ ရုပ်လုံးများကလည်း ကြွနေသည်။ ရောင်စဉ်ခုနစ်သွယ်တန်းထဲတွင် မိန်းမူးခဲ့ကြသည်။


********************


တစ်နေ့က ၂၉ လမ်းဘက်ဖြတ်သွားမိရာ ဝင်းဝင်းလက်လက် ပြိုးပြိုး ပြက်ပြက်  ခင်းကျင်းပြသထားသော TV အရောင်းဆိုင်များဘက်သို့ အကြည့်တငေး ရောက်သွားရာ မိမိမှာ အခြားကမ္ဘာတစ်ခုသို့များ ဗြုန်းခနဲ ရောက်သွားသလားဟု…။  LCD, FLAT တကယ့်ကိုမှ ပါးပါးလှပ်လှပ် ရုပ်မြင်သံကြားလေးတွေ၊ ရုပ်မြင်သံကြားကြီးတွေ……။ ထိုဆိုင်များရှေ့မှ ဖြတ်ကျော်လာခဲ့ပြီး ၈၄ လမ်းမဘက်အကွေ့တွင် တစ်ချိန်က နေရှင်နယ်သစ်သားအိုး TV ကြီးများကို ဖျတ်က်ခနဲ မြင်ယောင်မိလိုက်သည်။ ပြီးတော့ တုန်ပြီး မှုန်နေသော……။



အညွှန်း။       ။မင်းယုဝေ ``ပထမမြန်မာများ``

ဆရာ ကိုဇော်ခိုင်ဦး ရေးသားသော မန္တလေး တော့ကင်(န်) စာအုပ်မှ ကောက်နှုတ်ရေးသား ဖော်ပြသည်။


ခင်မင်စွာဖြင့်…

ဇော်သိင်္ခ

9 comments:

SHWE ZIN U said...

စာကောင်း လေး ကို တုန်ခြင်းမှုန် ခြင်းကင်းကင်း နဲ့ ဖတ်သွားပါတယ်

မောင်ခင်မောင်ချင်း@ချင်းလေး said...

မသိသေးခင်ငယ်ငယ်ကတို့များဆီမှာဒီလိုမျိုးပါလား..ဟရို့.. (စာရေးသူကျေးဇူးပဲနော်. မသိလိုက်တာတွေ သိလိုက်ရလို့)

မင်းဧရာ said...

ဟိုတုန်း ကအကြောင်းလေးတွေကို သိလိုက်ရတော့ ယခု အချိန်နဲ့ တော်တော် ကွာပါလားလို့တွေးမိတယ်။

jasmine(တောင်ကြီး) said...

သူများတွေလိုကောင်းကောင်းတောင်မဖတ်နိုင်ဘူး
မှုန်နေလို့ပါ။တုန်တော့မတုန်သေးပါဘူး။
ဖတ်လို့ရသလောက်ဖတ်သွားပါတယ်...

mabaydar88 said...

Hei,, MoeKaungKinnnnnnnnnng,,,

I only understand TV,, Flat and LCDDDDDDDDDDDDDD.. coming back ....to read Burmese VVVVVVVVersion ...:)))):)))))))

regards,

MaBaydar88

စော(အဝါရောင်မြေ) said...

တုန်တော့ မတုန်ပါဘူး။ မုန်တော့ မုန်နေပြီ မျက်စိ
အဟပ်
:D

ကောင်းမွန်ဝင်း said...

တုန်ခြင်းမှုန်ခြင်း ဆိုတဲ့ စကားလေး သဘောကျမိတယ်။

ရုပ်ရင်ကို သရီးဒီဖြစ်တဲ့ ခေတ်ရောက်နေတဲ့ ဒီမှာတော့ တီဗွီရှေ့အိပ်ပျော်သွားရင် တီဗွီက အလိုအလျောက်ပိတ်သွားတဲ့ အထိ တီထွင်ကြတယ်။

ချော(အစိမ်းရောင်လွင်ပြင်) said...

အရင်တုန်းက ခေတ်ကိုတောင် ပြန်လွမ်းသွားပြီ
အဖြူအမဲတီဗီလေး လွမ်းလိုက်တား)

သိင်္ဂါကျော် said...

ငယ်ငယ်တုန်းက ကြည့်ခဲ့တဲ့
မြန်မာ့အသံကလာတဲ့ နဲဗားရွန်းခံတပ်မှ အမြောက်ကြီး စတဲ့ နိုင်ငံခြား ဇာတ်ကားတွေနဲ့
Flash တို့ Macguyver တို့လို ဇာတ်လမ်းတွဲလေးတွေ သတိရမိတယ်..

 
^ထိပ်ဆုံးသို့