တစ်ခါတုန်းက သီဟိုဠ်ကျွန်းအနုရာဓမြို့နဲ့ မနီးမဝေး မဟလမြို့လေးမှာ ဣဿရမဟာ တိဿ ဆိုတဲ့ သူဌေးတစ်ယောက်ရှိခဲ့ဖူးပါတယ်။
သူဌေးက အလှူအတန်း ၀ါသနာပါသလို သူဌေးကတော်ကလည်း အလှူအတန်း ၀ါသနာပါပါတယ်။
တစ်နေ့တော့ ဣဿရမဟာတိဿရဲ့ အိမ်မှာ လယ်ထွန်ခြင်း ၊ ပျိုးကျဲခြင်း မင်္ဂလာကို ပြုပါတယ်။
ယောကျာ်းဖြစ်သူက လယ်ကွင်းထဲမှာ ဦးဆောင်ပြီး ဆောင်ရွက်နေသလို ဇနီးလုပ်သူကလည်း လယ်ထွန်ပျိုးကျဲသူတွေ စားဖို့ သောက်ဖို့ အိမ်မှာ ချက်ပြုတ်နေပါတယ်။
ဣဿရမဟာတိဿကို အမြဲတမ်းမနာလိုဝန်တိုစိတ်ဖြစ်နေတဲ့ လူသတစ်ယောက်ကလည်း မြို့ထဲမှာ ရှိနေပြန်ပါတယ်။ ၀န်တိုသူက ၀န်တိုလို့သာ ၀န်တိုနေတာ ၊ ဣဿရမဟာတိဿဆီက ငွေချေးထားတာတွေ ပြန်တောင် မဆပ်ရသေးပါ့ဘူး။
မင်္ဂလာအခမ်းအနား ကျင်းပနေတယ်ကြားတော့ သူ့စိတ်ထဲမှာ ပိုပြီး မနာလိုဝန်တိုဖြစ်သွားပါတယ်။ ဒါကြောင့် ဒုက္ခပေးချင်စိတ် ပေါက်သွားပါတယ်။ အဲဒီ အမျိုးသားက ” ဒါလောက်မှ ဖြစ်နေတာ တွေ့ကြသေးတာပေါ့၊ ပညာပေးလိုက်ဦးမှပဲ ” ဆိုပြီး ဘုန်းကြီးကျောင်းတစ်ကျောင်းကို ထွက်ခဲ့ပါတယ်။
ကျောင်းတိုက်ထဲရောက်တော့ ဆရာတော်နဲ့ အခန့်သင့်တွေ့ရပါတယ်။ ဆရာတော်ကို ဦးချပြီးတော့
“ ဆရာတော်ဘုရား မနက်ဖြန် သံဃာငါးရာ ဣဿရမဟာတိဿ အိမ်ကို ဆွမ်းစားကြွတော်မူပါ ဘုရား “ လို့ လျှောက်လိုက်ပါတယ်။
ကျောင်းထိုင်ဆရာတော်ကလည်း ” အေး…. ကောင်းပြီ ပင့်လာတဲ့ ဆွမ်းစားကို လက်ခံထားလိုက်ပါတယ်။ နောက်တစ်နေ့ရောက်တော့ ဣဿရမဟာတိဿက လယ်ကွင်းထဲကို စီမံကွပ်ကဲဖို့ သွားပြီး ဇနီးဖြစ်သူကတော့ အလုပ်သမားတွေ စားဖို့ သောက်ဖို့ စီမံရမှာမို့ အိမ်မှာကျန်ခဲ့ပါတယ်။
အဲဒီအချိန်မှာပဲ အိမ်ရှေ့ကို သံဃာငါးရာကြွလာပါတော့တယ်။ ပင့်ဖိတ်မထားပဲနဲ့ သံဃာတော်တွေ ကြွလာတာ မြင်လိုက်ရတော့ ပထမတော့ သူဌေးကတော်က အံ့သြသွားပါသေးတယ်။ ဒါပေမယ့် ချက်ချင်းပဲ သံဃာတော်တွေကို အိမ်ထဲကို ပင့်လိုက်ပါတယ်။
လက်ထဲက သပိတ်တွေကိုလည်း ကိုယ်စီ လှမ်းယူလိုက်ကြပါတယ်။ ကြွလာတဲ့ ခေါင်းဆောင် အရှင်တိဿဒတ္တမထေရ်က အိမ်မှာ သံဃာတော်တွေ ထိုင်ဖို့ အရံသင့်ခင်းထားတာမတွေ့ရတော့ သံသယဖြစ်ပုံရတယ်။ ဒါကြောင့် ဒကာမလုပ်သူကို မေးကြည့်ပါတယ်။
” ဒကာက … ဒီနေ့ သင်တို့ အိမ်မှာ အုတ်အုတ်ကျက်ကျက်နဲ့ တခြားမှာ ကြောင့်ကြစိုက်စရာများရှိနေသလား”
” မှန်ပါဘုရား တပည့်တော် တို့ အိမ်မှာ လယ်ထွန်မင်္ဂလာ ပြုလုပ်နေပါတယ်ဘုရား၊ ဒါပေမယ့် ဆရာတော်ဘုရား မပူပါနဲ့ ဘုရား၊ လယ်ထွန်မှုကိစ္စကို ဒကာ ယောက်ျားက ဆောင်ရွက်နေပါတယ်ဘုရား၊ ဆွမ်းကပ်ဖို့ ကိစ္စက တပည့်တော်မတာဝန်ပါဘုရား”
ဒကာမဖြစ်သူက ဆရာတော်ကို လျှောက်ပြီးဆွမ်းကိစ္စကို အမြန်စီမံရပါတော့တယ်။ စီမံဆဲမှာပဲ ဒကာလုပ်သူက လယ်ထဲက ပြန်ရောက်လာပါတယ်။ လွဲချော်မှုတွေ ဖြစ်နေတာ ဆိုတော့ ဆရာတော်ကပဲ ဒကာကို အရင်ဦးစွာ မိန့်ပြပါတယ်။
” ဒကာရယ် သင်တို့ အိမ်မှာ လယ်ထွန်မင်္ဂလာလုပ်နေကြတာ ငါတို့ သိခဲ့ရင် မကြွပါဘူး၊ ဒကာသူငယ်တစ်ယောက်က လာပင့်လို့ ကြွရတာပါ”
” ဆရာတော်ဘုရား အဲဒီအတွက် ဘာမှ မပူပါနဲ့ဘုရား၊ ဆရာတော်ဘုရားကို လာလျှောက်တဲ့ ဒကာဟာ ဘုရားတပည့်တော်ဆီက ငွေချေးထားတဲ့သူပါဘုရား၊ တကယ်တော့ ၀န်တိုစိတ်နဲ့ တပည့်တော်ရဲ့ လယ်ထွန်မင်္ဂလာကို အန္တရာယ်ဖြစ်အောင် လုပ်တာပါဘုရား၊ ဒါပေမယ့် သူဖိတ်ပေးလို့ ဆရာတော်ဘုရားတို့ကို ဆွမ်းကပ်ခွင့်ရတာပါဘုရား၊တပည့်တော်တို့ အ တွက် သူဟာ ကျေးဇူးကြီးလှပါတယ်ဘုရား၊ ဒီနေ့ကစပြီး သူ့ကို မိတ်ဆွေသူငယ်ချင်းအဖြစ် သတ်မှတ်လိုက်ပါမယ်ဘုရား”
ဒကာဖြစ်သူက ဆရာတော်ကို လျှောက်ပြီး ဆွမ်းကပ်ပါတယ်။ ဆွမ်းစားပြီးလို့ ကျောင်းပြန်အကြွမှာလည်း သင်္ကန်းတွေကိုပါ ပေးလှူလိုက်ပါတယ်။
နောက်ထူးခြားးတဲ့ အပြုအမူ တစ်ခုကတော့ ဆရာတော်တွေကို သွားပင့်တဲ့ ရန်ဘက် ၀န်တိုနေတဲ့သူကို ကြွေးအားလုံးကို လျှော်ပစ်လိုက်တော့တာပါပဲ။
ပြောလက်စနဲ့ သီဠ် ၀တ္ထုလေး တစ်ပုဒ်ကိုလည်း ထပ်ပြောလိုက်ပါရစေဦး၊ ရသ၀ါဟိနီကျမ်းကပါ။
တစ်ခါတုန်းက ဥတ္တရာ ပထတိုင်းသားတစ်ယောက်ဟာ ခရီးတစ်ခုထွက်ခဲ့ပါတယ်။ ခရီးသွားနေတုန်းမှာ နေကသိပ်ပူတော့ ရေကလည်း ဆာလာပါတယ်။ ဒါကြောင့်နီးရာသစ်ပင်ရိပ်အေက်ကို ၀င်နားလိုက်ပါတယ်။ သစ်ပင်အောက်မှာ သူ့လိုပဲ သာဝတ္တိပြည် သား လူစိမ်းတစ်ယောက်ကလည်း ကွမ်းဝါးရင်းနေပူခိုနေပါတယ်။ ဒီတော့ ဥတ္တရာပထတိုင်းသားက ကြိုရောက်နေတဲ့လူစိမ်းကို ရေတောင်းလိုက်ပါတယ်။
” မိတ်ဆွေရယ် ရေလေးဘာလေး မပါဘူးလား၊ ပါရင် နည်းနည်းလောက်ပေးစမ်းပါ၊ ရေသိပ်ဆာနေလို့ပါ”
” မပါဘူး ”
” ဒါဖြစ်ရင်လည်း မိတ်ဆွေရယ်၊ ရေဆာလွန်းလို့ ကွမ်းလေးတစ်ယာ လောက်ပေးပါ”
”်အိုး … ဒီအတိုင်းတော့ ဘယ်ရမလဲ၊ လေးအသပြာပေးရမယ်”
” ရပါတယ်၊ လေးအသပြာပေးပါမယ်”
ပြောပြီး လေးအသပြာကို ထုတ်ပေးလိုက်ပါတယ်၊ ဒီတော့ ဥတ္တရာပထတိုင်းသားက ရေဆာပြေအဖြစ် ကွမ်းကို ၀ါးပါတော့တယ်၊
တကယ်တော့ ကွမ်းတစ်ယာဟာ လေးအသပြာ မတန်ပါဘူး၊ လိုနေမှန်းသိလို့ ပုံမှန်ဈေးထက် အဆများစွာ တင်ရောင်းလိုက်တာပါ၊
အမောပြေတော့ ကိုယ့်ခရီကိုယ် ဆက်ခဲ့ကြပါတယ်။ ဒီလိုနဲ့ နှစ်ကာလတွေ ကြာသွားရောပဲဆိုပါတော့.၊
တစ်နေ့သောအခါမှာတော့ ပင်လယ်ပြင်မှာ ခရီးထွက်ရင်း သူတို့နှစ်ဦးဟာ သဘောင်္တစ်စီးမှာ ပြန်ဆုံကြပြန်ပါတယ်။
တစ်နေရာအရောက်မှာတော့ စီးလာတဲ့သဘောင်္က မှောက်သွားပါလေရော။ခရီးသည်တွေဟာ ပင်လယ်ထဲမှာ ယက်ကန်ယက်ကန်နဲ့ ကူးနေကြပါတယ်။ဥတ္တရာပထတိုင်းသားကတော့ ကံကောင်းစွာ ပျဉ်ချပ်တစ်ခုကို ရလိုက်ပါတယ်။
ရတာတဲ့ပျဉ်ချပ်နဲ့ကူးရင်း သူနဲ့ခပ်လှမ်းလှမ်းမှာ ယက်ကန် ယက်ကန်နဲ့ ရေထဲ နစ်လုနစ်ခင်ဖြစ်နေတဲ့ လူတစ်ယောက်ကို တွေ့လိုက်ရပါတယ်။ သေချာကြည့်လိုက်တော့ တစ်ချိန်က သူ့ကို ကွမ်းတစ်ယာကို လေးအသပြာနဲ့ ရောင်းခဲ့တဲ့သူပါ။
ဒီတော့ ဥတ္တရာပထတိုင်းသားက
” ဒီမိတ်ဆွေဟာ ငါရေငတ်နေတုန်းက ကွမ်းတစ်ယာရောင်းဖုးတယ်။ ကျေးဇူးရှိခဲ့ဖူးတဲ့ မိတ်ဆွေပဲ” ဆိုပြီး သူ့ရဲ့ ပျဉ်ချပ်ကို ထိုးပေးလိုက်ပါတော့တယ်။
*****
ဒီသိဟိုဠ် ၀တ္ထုလေး နှစ်ပုဒ်ကို ပြန်ပြန်ဖတ်ဖြစ်တိုင်း ရင်ထဲမှာ အအေးဓာတ်တစ်ခုခုကို ရလိုက်သလို ခံစားရပါတယ်။ သူတို့ရဲ့အေးမြတဲ့ အအေးဓာတ်က စာဖတ်သူကိုလာကူးဆက်တဲ့သဘောပါ။ သီဟိုဠ်ခေတ်က ပုံရိပ်ကလေးနှစ်ခုက ရာစုများစွာကြာခဲ့ပါပြီ။ ရာစုတွေ ဘယ်လောက်ပဲ ကြာခဲ့ ဖတ်ရသူတိုင်းက ရင်ထဲကို အေးမြနေရတုန်းပါ။
တို့တစ်တွေ ပြန်ဆုံကြတဲ့အခါ အပိုင်း (၁) လို့ပဲ ပေးထားလိုက်ပါတော့မယ်. နောက်ဆက်တွဲ တွေ ရှိပါသေးတယ် စာရိုက်ရတာမအားလို့ နောက်နေ့မှ ပြန်လည် တင်ပေးပါတော့မယ်။
ရဝေနွယ် (အင်းမ)
ရုပ်ရှင်တေးကဗျာ မ၈္ဂဇင်း
မတ်လ၊ ၂၀၀၆ ။
ဇော်သိင်္ခ
0 comments:
Post a Comment