မိုးကောင်းကင် အောက်သို့ ရောက်လာကြသူအားလုံး ကျန်းမာချမ်းသာစွာဖြင့် ရွှင်လန်းချမ်းမြေ့ကြပါစေကြောင်း ဆုမွန်ကောင်းတောင်း မေတ္တာပို့သလိုက်ပါတယ်။

Sunday, August 29, 2010

ဝမ်းတေဘယ်လ်

ည (၁၁) နာရီကျော်မှ ကျွန်တော်တို့လင်မယားပြန်ရောက်ကြတယ်။ အဲ့ဒီညက ကျွန်တော်နည်းနည်းမူးလာတယ်။
သူငယ်ချင်းတစ်ယောက်က သူ့ရဲ့စီးပွားရေါ်လုပ်ငန်းတစ်ခု အောင်မြင်တဲ့အတွက် သူ့ သူငယ်ချင်းတွေဖြစ်တဲ့ ကျွန်တော်တို့လင်မယားကို ကန်တော်ကြီးစောင်းမှာရှိတဲ့ အကောင်းဆုံးဆိုတဲ့ စားသောက်ဆိုင်မှာ ညစာကျွေးတယ်။ ကြက်ကောက်ရိုးမီးကင်လည်းပါတယ်။ ဘဲကင်လည်းပါတယ်။ ယိုးဒယားပုံစံချက်ပြုတ်ထားတဲ့ အစားအစာတွေ အစုံပါတယ်။ Black Label, Green Label လို့ခေါ်ကြတဲ့ နိုင်ငံခြားဖြစ် အရက်အကောင်းစားတွေလည်းပါတယ်။
သူငယ်ချင်းတွေတွေ့ကြတော့ ပြောကြဆိုကြ သောက်ကြစားကြနဲ့ အလွန်ပျော်စရာကော်းပါတယ်။ စားသောက်ဆိုင်ကလည်း စင်တင်တေးဂီတပါတော့ ဦးနှောက်နဲ့ ဝိုးတဝါးအလှကိုခံစားရင်း ည(၁၁) နာရီ ထိုးသွားပါတော့တယ်။
ကားကို ဖြည်းဖြည်းလေးမောင်းပြီး ပြန်ခဲ့တယ်။ အိမရောက်တော့ အဖေမအိပ်သေးဘူး။ အဖေက ကျွန်တော်တို့ စောင့်နေတာဖြစ်မယ်။ ကျွန်တော်တို့လည်း အိမ်ကိုရောက်ရောက်ချင်း ဝင်အိပ်လိုက်ကြတယ်။
………..
ကျွန်တော်တို့အိမ်မှာ ထုံးစံတစ်ခု၇ှိတယ်။ နံနက် ၆ နာရီဆိုရင် ထမင်းစားခန်းထဲမှာ အတူတူဝိုင်းဖွဲ့ပြီး ကော်ဖီသောက်ကြရတယ်။ စကားပြောကြရတယ်။ ပြီးမှ အလုပ်သွားကြရတယ်။ အဲ့ဒီနေ့မနက်မှာ မနေ့ညက အကြောင်းပြောဖြစ်တယ်။
``အဖေရေ.. သိလား။ ကျော်နိုင်ကြီးလေ.. ရေနံမှော်အောင်တယ်။ ဒါကြောင့် မနေ့ညက ကျွန်တော်တို့ကို ``ဝမ်းတေဘယ်လ်`` ပေးတယ် အဖေရ။ ကောင်းလိုက်တဲ့ အစားအစာတွေ။ အရက်ဆိုတာကလည်း အပျံစား။ အဝသောက်လို့ရတယ်``
အဲ့ဒီအချိန်မှာ ကျွန်တော့်မိန်းမက ဝင်ပြောတယ်။
``ကြက်ကောက်ရိုးမီးကင်ဆိုတာတော်တော်ကောင်းတာပဲ။ ယိုးဒယားအစားအစာတွေကလည်း ``ရှယ်``ပဲ ကောင်းလိုက်တာ လွန်ရော``
``ဟုတ်ပါတယ် အဖေရကျော်နိုင်ကြီးရဲ့ ``ဝမ်းတေဘယ်လ်``ကတော့ တစ်သက်မမေ့စရာပါပဲ.. အဖေရာ``
အဖေ ကျွန်တော့်ကို ပြုံးပြုံးကြီးကြည့်ပြီး ကျွန်တော့် စကားကို ခေါင်းတညိတ်ညိတ်နဲ့ နားထောင်နေပါတယ်။
``Green Label ဆိုတာ အရက်လို့သာ ပြောတာပါ။ တအားကြီး မမူးဘူးဗျ။ နိုင်ငံခြားဖြစ်အရက်မို့လားမသိဘူး။ ယဉ်ယဉ်လေးနဲ့ ရစ်တစ်တစ်ကလေး။ မနက်အိပ်ရာထတော့လည်း ဘာမှမဖြစ်ဘူးဗျ.. အဖေရ သိလား``
ဒီအချိန်မှာ အဖေက ကျွန်တော့်ကို စကား စ, ပြောပါတယ်။
``ကျော်နိုင်ဆိုတာ ၂၂လမ်းက ကျော်နိုင်ကို ပြောတာလား။ ဝမ်းသာပါတယ်ကွာ။ မင်းတို့တစ်တွေ အဲ့ဒီလိုကြီးပွားကြတာ၊ ပျော်နိုင်ကြတာ၊ စားနိုင်သောက်နိုင်ကြတာ။ ဒါပေမယ့်တစ်ခုတော့ သတိပေးစရာရှိတယ်``
အဖေဟာ..ကော်ဖီကို သောက်လိုက်တယ်။ သားသမီးတွေနဲ့ မြေးတွေကို တစ်ယောက်ချင်းလိုက်ပြီး ကြည့်တယ်။ စိုက်ကြည့်တယ်။
``အားလုံးသေချာနားထောင်ကြ။ ငါ့သားကြီးက ပြောတယ်။ သူ့သူငယ်ချင်း ကျွေးတဲ့ ``ဝမ်းတေဘယ်လ်`` ဘယ်လိုကောင်းကြောင်း၊ ဘယ်လို ကျေးဇူးတင်ကြောင်း၊ ဘယ်လိုပျော်စရာကောင်းကြောင်း၊ အားလုံးကြားကြတယ်နာ်``
``ဟုတ်ကဲ့.. အဖေ``
``ကျော်နိုင်ရဲ့ ``ဝမ်းတေဘယ်လ်``ကိုတော့ ကျေးဇူးတင်ရကောင်းမှန်းသိတယ်။ တစ်သက် မမေ့နိုင်ဘူးလို့လည်း ပြောတယ်။ တကယ်ကို ဝမ်းပန်းတသာကြီး အူလှိုက်သဲလှိုက်ခံစားပြီးပြောတယ်။ ဟုတ်ရဲ့လား.. ငါ့သားကြီး``
``ဟုတ်ပါတယ်.. အဖေ``
``ဒါဆိုရင် မင်းတို့အားလုံးကို ငါမေးမယ်။ မင်းတို့တစ်တွေကို ငါတို့ မိဘနှစ်ပါးက နေ့စဉ်နေ့တိုင်း ``ဝမ်းတေဘယ်လ်``မကဘူး။ ``သရီးတေ ဘယ်လ်`` ကျွေးနေတယ်။ ကျွေးခဲ့တယ်။ ကျွေးနေဦးမြှ။ မင်းတို့ပျော်ပျော်ပါးပါးစားသောက်နေတာတွေ့ရရင် ငါတို့အရမ်းပျော်တယ်။ မင်းတို့ အဲ့ဒီလို နေ့တိုင်းတစ်နေ့ကို ``သရီးတေဘယ်လ်`` စားနေကြတာကိုတော့ အခုလိုဝမ်းပန်းတသာကြီးပြောဖို့ သတိမရကြဘူးနော်``
ကျွန်တော် တော်တော်လန့်သွားတယ်။ အဖေရဲ့ မျက်လုံးမှာ အဓိပ္ပာယ်တွေရှိနေတယ်။ အဖေက ဆက်ပြောတယ်။
မြန်မာစကားပုံမှာ ``တစ်လုပ်စားဖူး သူ့ကျေးဇူး``ဆိုတာ ကျွန်တော်တို့ သိကြပါတယ်။ ထမင်းအလုတ်ပေါင်းများစွာကျွေးခဲ့တဲ့၊ ကျွေးနေဦးမယ့် အဖေတို့၊ အမေတို့ရဲ့ ကျေးဇူးကို ကျွန်တော်တို့ မတွေးမိကြဘူးနော်။ သူငယ်ချင်းတစ်ယောက်က ကျွေးတဲ့ ``ဝမ်းတေဘယ်လ်``ကိုတော့ ရင်ထဲမှာ မှတ်တမ်းတင်မိတယ်။ အဖေနဲ့ အမေကျွေးနေတဲ့ ``တေဘယ်လ်`` များစွာကိုတော့ ရင်ထဲမှာ မှတ်တမ်းမတင်မိခဲ့ဘူး။
``တစ်သက်မှာ တစ်ခါလောက်သာကျွေးတဲ့ သူငယ်ချင်းတစ်ယောက်ရဲ့ ``ဝမ်းတေဘယ်လ်``ကိုတော့ ကျေးဇူးတင်လိုက်ကြတာပြောလို့ကို မဝကြဘူး။ တစ်သက်လုံး နေ့စဉ်နေ့တိုင်း ဒီစားပွဲခုံပေါ်မှာ မရေတွက်နိုင်အောင် ကျွေးခဲ့တဲ့ အဖေတို့ အမေတို့ရဲ့ ``တေဘယ်လ်`` တွေကို မင်းတို့ တန်ဖိုးမထားကြဘူးနော်``
အဖေပြောမှ ကျွန်တော်စဉ်းစားမိတော့တယ်။ ဟုတ်ပါတယ်။ အဖေနဲ့ အမေကျွေးခဲ့တဲ့ ထမင်းတွေနည်းမှ မနည်းဘဲ။ ``တေဘယ်လ်``ပေါင်းများစွာ ကျွန်တော်တို့စားခဲ့ကြပြီးပြီ။ နောင်လည်း စားနေဦးမှာပဲ။
ဒါပေမယ့် ဘာကြောင့်များ၊ ကျေးဇူးတင်ပါတယ်လို့ မတွေးမိကြတာလဲ။ မစဉ်းစားမိကြတာလဲ။ မပြောမိကြတာလဲ။ မြန်မာစကားပုံမှာ ``တစ်လုတ်စားဖူးသူ့ကျေးဇူး`` ဆိုတာ ကျွန်တော်တို့သိကြပါတယ်။ ထမင်းအလုပ်ပေါင်း များစွာကျွေးနေဦးမယ့် အဖေတို့၊ အမေတို့ရဲ့ ကျေးဇူးကို ကျွန်တော်တို့ မတွေးမိကြဘူးနော်။ သူငယ်ချင်းတစ်ယောက်က ကျွေးတဲ့ ``ဝမ်းတေဘယ်လ်``ကိုတော့ ရင်ထဲမှာ မှတ်တမ်းတင်မိတယ်။ အဖေနဲ့ အမေကျွေးနေတဲ့ ``တေဘယ်လ်``များစွာကိုတော့ ရင်ထဲမှာမှတ်တမ်းမတင်မိခဲ့ဘူး။
ကျွန်တော် ဒီစာကို နောင်တများစွာဖြင့် ရေးသားခြင်းဖြစ်ပါတယ်။
တွေးကြည့်ကြရအောင်ဗျာ……။
``ဝမ်းတေဘယ်လ်`` ဆိုသော စာစုလေးများကို ဦးဘုန်း(ဓာတု) ၏  ``တွင်း``ဆိုသော စာလုပ်မှ ပြန်လည်ရေးသား ဖော်ပြလိုက်ရခြင်း ဖြစ်ပါသည်။ ဒီစာစုလေး များကို ဖတ်မိပြီး ကျွန်တော်တို့ တတွေလည်း တေဘယ်လ် ပေါင်း မြောက်များစွာကို ကျွေးနေကြတဲ့ ဖေဖေတို့ မေမေတို့ ရဲ့ တေဘယ်လ် တွေ ကို အမြဲတမ်း အမှတ်ရနေကြပါစေလို့ ဆန္ဒပြုရင်း..........။

ခင်မင်စွာဖြင့်...
ဇော်သိင်္ခ

6 comments:

Anonymous said...

သြ သရီးတေဘယ် တဲ့လား ဟုတ်ပ မေ့နေလိုက်ကြတာ

ခင်တဲ့
ရွှေစင်ဦး

ချော(အစိမ်းရောင်လွင်ပြင်) said...

မမေ့သင့်တဲ့ မိဘကျေးဇူးပါဘဲ.
နီးလွန်းတော့ မမြင်ဆိုတာလို မိဘနဲ့ အမြဲနီးကပ်နေရတော့ ကျေးဇူးကိုလဲ သတိမထားမိကြတာဖြစ်မယ်..
ဒီလိုစာလေးတွေနဲ့ အသိပေးတာ ကျေးဇူးတင်ဖို့ သိပ်ကောင်းပါတယ်..

မြစ်ကျိုးအင်း said...

ဒီလိုပဲဗျ အနီးမှာ ရှိတဲ့ အရာတွေက အမေ့လျော့ခံရဆုံးပါပဲ။ အမြဲတမ်း ပေးနေတဲ့ အရာတွေကိုလည်း သတိထားရကောင်းမှန်း မသိကြဘူး။ ဒီစာစုလေးကတော့ရင်ထဲမှာ အတွေးလေးတွေ ဖြတ်ပြေးသွားစေတယ်ဗျာ။
အမြဲတမ်းကျွေးသလို တသက်လုံးလည်း ကျွေးနေအုံးမယ့် မိဘတွေကို အမှန်တကယ် သတိရသွားစေတယ်..။

ကောင်းမွန်ဝင်း said...

အဖေနဲ့ အမေကို ပိုသတိရသွားပြီ။

Unknown said...

အရမ်းသတိရသွာပြီ

ဘရာဗို said...

အား ...အခုမှ သတိထားမိတယ်ဗျာ
ကျေးဇူးပါပဲ ဒီပို့(စ်)လေးအတွက်

 
^ထိပ်ဆုံးသို့